السلام عليكم...أولا أحب أشكركم على مجهوداتكم الرائعه و انا كنت بشوف المشاركات واستفدت كتير منكم والله
ثانيا ..انا كنت بفكر اجيب عربية وكنت محتار اوى بين (الجين 2)و(اكسنت الجديدة) أحب أحكيلكم عن تجريبتى مع الجين 2
رحت التوكيل اللى فى العجوزة شوفتها كويس و سـألت عن قطع الغيار و قالولى انها موجودة وسعرها اقل من اليابانى واغلى سنة من الكورى..و عجبتنى العربية قوى للاسباب اللى كلوكم عرفينها (الكامليات الحلوه أوى-الصاج المتين -الشكل الجامد -المتور.....) مع انى ملقتش اللون اللى انا عايزة..
بس قلت استنى أسال شوية.
ولما سألت ناس شغالة فى العربيات عن سعر اعادة البيع قالولى انو واطى اوى اوى اوى....يعنى حتخسر كتيير لو فكرت تبيعها لاى ظرف.
ولما سألت عن قطع الغيار :: غلو أسعار قطع الغيار و المشكله الكبيرة أوى عدم توافرها(انا عنيت منها قبل كدة كتير فى اللاسكودا القديمة)
والكلام دة من صاحب محل القطع الغيار الى انا روحت بنفسى عندو
"اناعندى اكتر من 3 عربيات واقفين على قطع غيار وبستنة الحاجة تيجى...وكمان الحاجة بتاعتها غالية....انتا مش مستعد لو خبطت الجنط تدفع 1000 جنية فى جنط"
ارجو من الساده الأعضاء التعقيب ..وانا الصراحة محتـــــــــــــار وربنا يكرم..واسف للاطاله.
المفضلات