اللمبة دي جديدة ! حد يعرف معناها ؟( لمبة نورت في التابلوه )

**agano** · 13-04-2009 01:22 PM

hi azamell,

it's normal even in legal fiat forums :)

we are all advising and he can take the advice he wants! and your advice is to go to Fiat repair center which is right as well....but all this doesn't have a relation to "Egypt"

have a nice day

**swimmer25** · 13-04-2009 01:27 PM

المشاركة الأصلية كتبت بواسطة ainshouka

يانهار ابيض كل دى ردود عن اللمبه العجيبه دى والغريب ان الردود اغلبه ملوش علاقه ببعضه خالص واحد بيقول دى لمبه زيت والتانى يقول دى لمبه مش عارف ايه صحيح فعلا احنا بنمثل مصر ياجماعه
انتوا عملتوا زى اللى بيقول لواحد على عنوان يروحه

وخلوه يلف فى نفس الشارع 80 مره

ياعم لو اللمبه دى مضايقاك روح على التوكيل وخليه يشوفهالك وانت تريح نفسك

يا جماعة بالراحة شوية
فيه اتجاهين في الرد
ناس بتقول ممكن او احتمال وفي الحالة دي بيحاولوا يساعدوا صاحب الموضوع انه يحل مشكلته ومن حقه ياخد برايهم او لا
والموضوع في الاخر بيقولوا بص علي لمبة يعني مش معضلة

وفيه ناس بتقول هي اكيد كذا وهو مش عارف او عارف الله اعلم

صاحب الموضوع هيجرب الحاجات البسيطة اللي يقدر يعملها لحد ما حد يرد عليه ويقوله معلومة صح

ودي فكرة المنتدي اننا نفكر مع بعض واللي عارف معلومة يقولها

مش نقول روح للتوكيل وخلاص

الذهاب للتوكيل هيكلفه وقت وجهد وفلوس اكتر من انه يبص علي عربيته

وبندعيله ربنا يوفقه بدون الذهاب للتوكيلات

**swimmer25** · 13-04-2009 04:15 PM

المشاركة الأصلية كتبت بواسطة ainshouka

انا مش قصدى حاجه ياجماعه وخصوصا ل swimmer25 وانا بصراحه بحب المنتدى دا جدا وبحب اقرأ المواضيع المختلفه عشان فعلا بستفاد منها

انا بس لما قريت موضوع اللمبة دى ممسكتش نفسى بصراحه وضحكت على كل الاراء اللى كانت مكتوبه لانها كانت كتير ومتنوعه وملهاش علاقه ببعض خالص واحده من اليمين وواحده من الشمال وواحده من قدام وواحده من ورا وواحده تحت وواحده فوق يعنى انا لو من مكان صاحب المشكله كنت سبتها تنور وريحت دماغى وخلاص واهو نور زياده فى التابلوه عشان اتمنظر بيه للى يركب معايا واحسسه انه راكب طياره فيها انوار كتير

وشكرا
واكرر اعتذارى

لا خالص مفيش حاجة الموضوع مش محتاج اعتذار
احنا كلنا هنا اخوات ونحب المصلحة لبعض

وربنا يبعد عننا المشاكل

**khpopo** · 19-04-2009 11:19 AM

عايزين نطمن
ربنا يوفق

**CryptonX** · 19-04-2009 12:44 PM

الف شكر علي اهتمامكم جميعا :)

طلعت في لمبتين ( انا اتعميت علي فكرة )

لمبة من المبتين بتوع النمر ( قال يعني انا عايز انورها اصلا ) :)

و لمبة في وسط الكونسول ( داخلية ) الي بتنور ارقام و مؤشرات التكيف .

بتاعة النمر سهلة بس بتاعة الكونسول عايزة افك الكونسول خالص و انا بصراحة العمالة الي هنا .. حيتفك ! عمره ماحيرجع زي ماركب :p

فحسيبها كدة حغير بتاعة النمر بس .

شكرا جزيلا لكم مرة اخرى ز

**swimmer25** · 20-04-2009 10:32 AM

مبروك علي معرفة الخطأ فين

عموما لو مش مضايقاك بلاش بس هيكون ليها عيب انك تسيبها ان لو اي لمبة تانية اتحرقت مش هتعرف خالص انها اتحرقت لان لمبة التابلوه كده كده شغالة
مش هتنورلك زيادة يعني ده انت تبقي طماع اوي