تقرير بالصورAs Good As It Gets = Hyundai Getz

**MEMES** · 22-05-2009 09:45 AM

على فكره يا جماعه
انا الحمد لله عملت صيانه ال10000
والعربيه الحمد لله ماشاءالله وصلت 10000 بدون اى مشاكل نهائيا
وصيانه ال10000
اتكلفت معاى 290 جنيه
من ضمنهم 91 زيت و 30 فلتر
والباقى مصنعيه
وكان فى خصم حلو

**voiky** · 25-05-2009 04:25 AM

احب اشكرك عالموضوع الجامد ده يا MEMES اانا فعلا بحب الجيتز جدا وكنت هجيب بيكانتو
بس لقيت جيتز 2005 1300 سىسى استعمال سيده
خدتها وسوقتها بجد اتبهرت اوى بيها من جوا واسعه بجد واد ايه تجميعها حلو وسريعه ومريحه جدا اكنها عربيه افخم من فئتها مع انها كمان كانت موديل 2005
خدتها وروحت توكيل غبور فى الاسكندريه عملت تقرير حاله وبعد ساعه طلعو
بعد ما العربيه ياعينى عذبوها جوا
ولففوها كعب داير على كل الاقسام ........
زى قسم العفشه وقسم الكهرباء والتكيف وكده
وفى الاخر الحمد لله التقرير كان بس فيه حجات .. تحس انهم بيحللو ال 100 جنيه بتوع تمن الكشف وعشان كان فى عرض كانو 84 جنيه كشف بس
التقرير :
تنضيف فلتر التكيف ( 25 جنيه )
تغير ريش المساحات ( 30 جنيه ) بره التوكيل ب 8 جنيه الاتنين :k4:
مراجعه على اللمبات !!

طبعا المهندس قالى كل ده ولا حاجه وخد العربيه اشتريها
وانشاء الله بعد بكره الصبح هروح انساء الله اسجلها باسمى فى الشهر العقارى
لان المدام صاحبه العربيه مش فاضيه !! غير التلات
وانشاء الله هدى تقرير عن العربيه بعد ما اركبها واعرفها اكتر من كده
......
ونعمل بقه رابطه فعلا للجيتزاويه

**MEMES** · 25-05-2009 09:47 AM

الف مبروك مقدما وربنا يباركلك فيها
خلى بالك كويس من الاجراءات القانونيه للمستعمل وشهاده البيانات والمخالفات والكلام ده كله
ومستيين تقريرك وتنوررر الجيتزاويه

**meshmeshahanem** · 25-05-2009 08:51 PM

المشاركة الأصلية كتبت بواسطة voiky

احب اشكرك عالموضوع الجامد ده يا MEMES اانا فعلا بحب الجيتز جدا وكنت هجيب بيكانتو
بس لقيت جيتز 2005 1300 سىسى استعمال سيده
خدتها وسوقتها بجد اتبهرت اوى بيها من جوا واسعه بجد واد ايه تجميعها حلو وسريعه ومريحه جدا اكنها عربيه افخم من فئتها مع انها كمان كانت موديل 2005
خدتها وروحت توكيل غبور فى الاسكندريه عملت تقرير حاله وبعد ساعه طلعو
بعد ما العربيه ياعينى عذبوها جوا

ولففوها كعب داير على كل الاقسام ........
زى قسم العفشه وقسم الكهرباء والتكيف وكده
وفى الاخر الحمد لله التقرير كان بس فيه حجات .. تحس انهم بيحللو ال 100 جنيه بتوع تمن الكشف وعشان كان فى عرض كانو 84 جنيه كشف بس
التقرير :
تنضيف فلتر التكيف ( 25 جنيه )
تغير ريش المساحات ( 30 جنيه ) بره التوكيل ب 8 جنيه الاتنين :k4:
مراجعه على اللمبات !!

طبعا المهندس قالى كل ده ولا حاجه وخد العربيه اشتريها
وانشاء الله بعد بكره الصبح هروح انساء الله اسجلها باسمى فى الشهر العقارى
لان المدام صاحبه العربيه مش فاضيه !! غير التلات
وانشاء الله هدى تقرير عن العربيه بعد ما اركبها واعرفها اكتر من كده
......
ونعمل بقه رابطه فعلا للجيتزاويه

اولا مبروك عليك العربيه ان شاء الله حتكون من نصيبك
يمكن اكون انا اجدد عضوه او اخر عضوه انضمت للجيتزاويه

بس بجد العربيه دي مشاء الله عليها

عربيه تحبها كل يوم عن اللي قبله

كل حاجه فيها جميله
بستثناء طبعا انها من غبوررر والحاجات اللي شايلها منها

والحمد لله ادي الجيتزاويه بيكتروا

عيزين بقي نعمل رابطه لينا

**MEMES** · 27-05-2009 02:03 PM

المشاركة الأصلية كتبت بواسطة meshmeshahanem

اولا مبروك عليك العربيه ان شاء الله حتكون من نصيبك
يمكن اكون انا اجدد عضوه او اخر عضوه انضمت للجيتزاويه

بس بجد العربيه دي مشاء الله عليها

عربيه تحبها كل يوم عن اللي قبله

كل حاجه فيها جميله
بستثناء طبعا انها من غبوررر والحاجات اللي شايلها منها

والحمد لله ادي الجيتزاويه بيكتروا

عيزين بقي نعمل رابطه لينا

حلوه جدا فكره الرابطه

وكمان عايزين استيكرات المنتدى
ياريت لو حد يعرف مكانها يقولنا
انا من السويس
بس ههكون فى القاهره وتحديدا فى شبرا الفتره اللى جايه لظروف العمل

**voiky** · 01-06-2009 05:37 PM

الحمد لله خلصت فى العربيه الجيتز اللى قلت عليها.. يادوب لسه اول امبارح يوم السبت

انا كنت فاكر الجيتز عربيه حلوه واحسن من العربيات المينى زى البيكانتو والاى تن بس للاسف............. طلعت غلطان ...

ايوه طلعت غلطان لانى من الاساس كنت بقارن الجيتز بعربيات زى دى
الجيتز دى عربيه تحفه بجد فى كل حاجه بجد بجد فى كل حاجه

بقالى يومين استخدام العربهي تحفه بجد انا مش سايبها خالص وكل شويه اروح فى اى حته المهم اسوقها وخلاص
العربيه من جوا بجد واسعه جدااااااااااااااااااااااا ااا

والكراسى مريحه جدا جدا والتابلوه شيك جدا
وكبييييييييييييييير جدا
بجد عربيه لا تقارن الا بفئه عاليه مثلا
تفارن ب لانسر عالاقل او حاجات من كده

تسارع العربيه ممتاز بتحس انك راكب طياره مش عربيه بجد
العربيه معايا 1300 سى سى
التكيف ممتاز جدا حتى والله بكح اهو صدرى وجعنى منه
ومش بياثر على سحب الموتور العربيه فى كل الاجوار بتجرى بتجرى

التابلوه تحفه فنيه وبيدى احساس فظيه بالفخامه والوسع وتحس فى رفاهيه كده

( حاولت اشوف وش العربيه ... للاسف ماعرفتش)
بس بقه لما شبييت كده وراسى لزقت فى سقف العربيه وبصيت عالكبوت .... برده ماشوفتش وش العربيه !!

قمت بالاستعانه ببعض الاشخاص فى خدمه انسانيه.. اخويا وابن خالى

وقفت كل واحد فيهم عند وش العربيه يمين وشمال عشان احدد حدود الكبوت
بس دلوقتى خلاص حفظت الابعاد تقريبا يعنى والحمد لله

التابلوه ممكن ينام شخص عليه من وسعه وعرضه
الغيارات سهله جدا والباور ممتاز جدا ومعقول اوى على السرعات
العربيه بتدى صوتكده فوق ال 120 عشان تنبهك ومن غير تريقه
العربيه فعلا محتاجه التنبيه ده لانى عالبحر مثلا ماشى عادى ومس حاسس عادى لقيتنى عديت 120

هى اه مش مرسيدس بقه وكده عشان اللى بقوله عنها بس بجد الجيتز عربيه تحفه جدا وامكانيات فظيعه على الحجم ده
والاهم بالنسبه للربنزين عندى كانت لمبه البنزين منوره حطيت ب 20 جنيه يعنى 11 لتر تقريبا مشيت بيهم 155 كيلو وبعدين اللمبه نورت يعنى تقريبا 300 كيلو فى الصفيحه
مع العلم انى بستخدم تكيف الصبح واستهلاك جوا البلد عالبحر وداخل اسكندريه يعنى
اكيد فى السفر هتستهلك اقل

قطع الغيار متوفره بره التوكيل وسعرها كويس
مثلا الفانوس الامامى فى التوكيل سعره 800 جنيه
بره التوكيل اللى مش اصلى عامل 150 جنيه !! :D لسه سائل عليه

بجد عربيه تحفه فى كل حاجه
تكيف ممتاز - باور كويس جدا -واسعه من جوا وجميله اوى - ثبات بجد باين اوى فى الملفات على السرعات العاليه -شكل جميل خارجى - سهل الركن - قطع غيار متوفره بره وجوا التوكيل واسعار كويسه - سعر اعاده بيع احسن من غيرها بكتير

بجد انا مبسوط اوى من العربيه بجد ماكنتش اتخيل انها تكون كده طلعت اكتر من اللى كنت فاكره بجد
ربنا يبارك فيها يا رب ويبارك لكل الناس اللى معاهم جيتز وبس !! :P

عايزين اللى معاهم جيتز يتكلمو عنها ونقول لبعض حجات وميزات وعيوب ونستفيد من مواقف بعض
ونعمل رابطه للجيتزاويه على راى M MESHMESHA HANEM
وشكرا للرد عليا يا MEMES يا اجدع شباب السويس
اسف على تاخير الرد لانى شغال امتحانات وانشاء الله هتابع الموضوع انا عايزه يفضل مفتوح
وعايز اعمل تقرير شامل بقه بجد عنها قريب انشاء الله

.....................................

**voiky** · 01-06-2009 05:41 PM

الف شكر ليكى يا مشمشه بجد الحمد لله جيتها اهو ومبسوط بيها اوىىىىىىىىىىىىىىىىىىىىىىى ىىىىىىىىىىىىىىىى
وفضلت اتكلم عنها فوق بقالى ساعه بكتب :d

بجد عربيه ممتازه ومبروك علينا بجد احسن من غيرها كتييييييييييييييييييييييي ير
فى كل حاجه
ربنا يبارلكلك فيها ول memes

عايزين نبقى نتكلم فى المنتدى ونقول اراء وتجارب عشان نفيد ونستفيد كلنا انشاء الله
ولو اى سؤال عنها انا مستعد

**meshmeshahanem** · 01-06-2009 07:13 PM

المشاركة الأصلية كتبت بواسطة voiky

الف شكر ليكى يا مشمشه بجد الحمد لله جيتها اهو ومبسوط بيها اوىىىىىىىىىىىىىىىىىىىىىىى ىىىىىىىىىىىىىىىى
وفضلت اتكلم عنها فوق بقالى ساعه بكتب :d

بجد عربيه ممتازه ومبروك علينا بجد احسن من غيرها كتييييييييييييييييييييييي ير
فى كل حاجه
ربنا يبارلكلك فيها ول memes

عايزين نبقى نتكلم فى المنتدى ونقول اراء وتجارب عشان نفيد ونستفيد كلنا انشاء الله
ولو اى سؤال عنها انا مستعد

الف الف مبروك عليك العربيه ربنا يحفظهلك ويباركلك فيها ويديك خيرها ويكفيك شرها
بجد انا مبسوطه انها عجبتك وانك مبسوط بيها الحمد لله
وده بيثبت انها فعلا عربيه محترمه

وبالنسبه لرابطه الجيتزاويه اتعملت فعلا ومستنينك تنضم ليها

**tarekkasaby** · 02-06-2009 02:29 PM

المشاركة الأصلية كتبت بواسطة voiky

الحمد لله خلصت فى العربيه الجيتز اللى قلت عليها.. يادوب لسه اول امبارح يوم السبت

انا كنت فاكر الجيتز عربيه حلوه واحسن من العربيات المينى زى البيكانتو والاى تن بس للاسف............. طلعت غلطان ...

ايوه طلعت غلطان لانى من الاساس كنت بقارن الجيتز بعربيات زى دى

الجيتز دى عربيه تحفه بجد فى كل حاجه بجد بجد فى كل حاجه

بقالى يومين استخدام العربهي تحفه بجد انا مش سايبها خالص وكل شويه اروح فى اى حته المهم اسوقها وخلاص
العربيه من جوا بجد واسعه جدااااااااااااااااااااااا ااا

والكراسى مريحه جدا جدا والتابلوه شيك جدا
وكبييييييييييييييير جدا
بجد عربيه لا تقارن الا بفئه عاليه مثلا
تفارن ب لانسر عالاقل او حاجات من كده

تسارع العربيه ممتاز بتحس انك راكب طياره مش عربيه بجد
العربيه معايا 1300 سى سى
التكيف ممتاز جدا حتى والله بكح اهو صدرى وجعنى منه :_alshmokh11:
ومش بياثر على سحب الموتور العربيه فى كل الاجوار بتجرى بتجرى

التابلوه تحفه فنيه وبيدى احساس فظيه بالفخامه والوسع وتحس فى رفاهيه كده

( حاولت .....................................

الف مبروك
ربنا يباركلك فيها ويكفيك شرها

**shrshrm2004** · 03-06-2009 03:14 PM

الف مبروك العربية الاول :] انا عاندى واحدة فتحت سقف سوداء موديل 2008 بس فى حاجة غريبة بحس ان العربية بتسخن بسرعة شوية و المروحة بتشتغل كثير و الغريب المياه لا تنقص انا مش عارف ده حاجة طبيعية و لا لأ و التكييف بردو بحس انه ضعيف