الموضوع: جيتز 2007 ولا i10 زيرو ؟

المشاركة الأصلية كتبت بواسطة SmartMega

في فرق شاسع مابين الجيتز وال I10 من ناحيه القوة والآداء والأمان وفرق البنزين مش فرق شاسع مابين العربيتين يستاهل ان حضرتك تضحي بالجيتز ده غير ان مع مرور الوقت والسنين هتلاقي ان موتور ال I10 ضعف ومبقاش بنفس كفائته وهو زيرو وبجد هتحسي قد إيه ان الموتور ضعيف لو معاكي ناس في العربيه او لو بتطلعي مطلع او حتي لو مشغله التكيف انا بتكلم لو كل حاجه من دي عملتيها لوحدها هاتحسي ان الموتور فعلا تعبااااان ... ما بالك بقي لو معاكي ناس وفي الصيف ومشغله التكيف وبتطلعي مطلع .... أعتقد ان العربيه مش هاتستحمل وهاتتطفي منك
الجيتز افضل بجميع المقاييس ... مع العلم ان عربيتي 1300cc بس قوة الموتور مش قد كده في المطالع وانا معايا ناس في العربيه ... وعلي فكره انا بحلم بالجيتز وبفكر أجيبها ..علشان بس 1600cc
أستخيري ربنا وإن شاء الله هايوفقك ويهديكي للأحسن
والف مبروك مقدما

على فكره انا كان معايا عربية دايهاتسو ميرا 850 سى سى و 3 سليندر موديل 1997 قعدت معايا لحد 2005 كنت ماشى بيها اكتر من 200,000 كم و الموتور كانت حالته زى الفل و كنت مركبلها تكييف و فعلا كان بيموت العربية لو محملة لكن كنت بركب فيها حمولة اكتر من 150 كجم زيادة عن المسموح بيه و مع التكييف كانت بتبقى ميته لكن مفيش اى تأثير على الموتور لما تشيل التحميل من عليه,,,, كفاءتة كانت ممتازه و بتجرى مع لانوس و متعديش منى على الاول و التانى.

بس انصحك فعلا لو هتمشى بالعربية كتيير محمله و مع تشغيل التكييف يبقى الاريح ليكى الجيتز.

لكن الموتور مش بيتأثر سواء1000 او 800 او 1600 لان دى مكنة. و حديثة مش 127 و لا 128.

المشاركة الأصلية كتبت بواسطة SmartMega

انا مش قصدي حاجه والله يا أستاذ mecho_392 انا بس كنت بوضح للأستاذه الفاضله ان قد إيه في فرق مابين العربيتن بس علي فكره حتي لو التكيف مش بيموت العربيه فهو هايكون آداء التكييف تعبان
يعني التكيف اللي راكب علي 1000CC مش هايبقي بنفس قوة التكيف اللي علي 1600CC
وانا فعلا حسيت الفرق ده مابين تكيف عربيه لانسر 2007 موتور 1300CC ومابين تكيف الكيا ريو موديل 2004 موتور 1500CC فعلا تكييف الكيا كان اشد بمراحل من تكيف اللانسر علشان الCC بيفرق حتي في قوة التكييف
ولك مني جزيل الشكر والأحترام

انا فعلا متفق معاك بشده فى ان العربية هتبقى اريح من ناحية شدها و تسارعها و استجابتها مع التكييف و التحميل.. و ده مش محتاج كلام
و كمان التكييف فعلا فى الماتريكس ساقع جدا و اسقع من ال i10 و ده بقوله للأمانة لكن فى ال i10 سرعة المروحة اعلى و بتوزع الهواء اكتر. و اكيد درجة البرودة بتعتمد على الكومبريسور بتاع التكييف اكيد فى الماتريكس (و الجيتز طبعا) حجم الكومبريسور كبير لكن فى ال i10 اكيد الكومبريسور اصغر علشان يتناسب مع حجم المحرك و بالتالى درجة البرودة هتقل شويه بس مش معناه انه وحش او مش بيبرد لأ بيبرد و بضطرب اقلله.
و شكرا لردك و ذوقك يا باشا.

المشاركة الأصلية كتبت بواسطة MEMES

السلام عليكم ورحمه الله
اولا اتمنى ربنا يوفق حضرتك لكل خير ونباركلك قريب
انا معاى الجيتز من شهرين والحمد لله عربيه اكتر من ممتازه.
انا عامل عنها تقرير متواضع اكون سعيد لو حضراتكم تشرفوه فى اللينك ده
http://www.nilemotors.net/Nile/newre...treply&t=69098
وان شاء الله هتلاقوا كل حاجه عن الجيتز وياريت تشرفونى بتعليقاتكم
بالنسبه لحاله حضرتك ورغم تحيزى الكامل للجيتز لكن انصحك بال i10 لانها زيرو
بجد الزيرو بيريح جدا وبيطمن جدا واحسن بكتير
ربنا يوفقك للخير

100 100 كلامك عين العقل.. انا بفضل الزيرو مش تحيز لل i10,, لانى لو كنت بشترى زيرو كنت اشتريت جيتز و افضلها عن ال i10 علشان صارووووووووووووووخ ارضى.
و انا اتعلمت من المستعمل لانى اشتريت لانوس مستعملة عامله 14000 كم و صيانات فى التوكيل و بعد سنة او اقل جابت علبة دريكسيون و كبالن و..... و الماتريكس اشتريتها زيرو بعدها و عملت بيها 58 الف كيلو فى حوالى سنتين و ما شاء الله لسه زى الفل.. طبعا الجيتز اكيييييييد كويسه زى الماتريكس,, بس الاستعمال بيفرق جاااااامد جدااااا و انا مش بتطمن لسواقة حد علشان معرفش بيتعامل ازاى مع العربية.
ربنا يباركلك فى الجيتز