سؤال في اسطوانة الدبرياج

**ali** · 15-09-2007 02:44 AM

جبت لانوس اخيرا زيرو من فترة و العربية زي الفل و التكيف عال العال بس العربية بتكركب لما بعمل التالي..

اجيب اولاني و اطلع ولو رييحت سننة من على البنزين الاقي ال ار بي ام نزل تحت الواحد و عمل دروب كبير قوي و يحصل في العربية زلزال بسيط و قالولي في التوكلي هية كدة علشان بتليين و انا لسة عامل صيانة الالف علشان الضمان و لسة العيب ده موجود و انا عامل تقريبا 2000كيلو...بعدين روحت لميكانيكي العيلة-راجل خبير-و قاللي ان الديسك لسة مطببعش على الاسطوانة و لازم اضرب مشوار طويل كده لغاية اسكندرية و ارجع تاني علشان يطببعوا و لو محصلش فرق لازم ارجع التوكيل و اخلليهم يغيرولي الديسك والاسطوانة

فأيه رأيكم؟ اطلع مشوار اسكندرية وللا العيب حاجة تانية وللا ايه؟؟؟؟؟؟

افيدوني افادكم الله

**DR.M** · 15-09-2007 05:04 PM

اه
كلام مظبوط
توكل على الله

**hema** · 16-09-2007 12:39 AM

السلام عليكم
الف مبروك العربيه وربنا يديك خيرها ويكفيك شرها
بس غريب قوى اللى عندك لازم تروح للتوكيل
لان عندى لانوس 2002 من غير ما ادوس بنزين العربيه بتطلع هوا و مافيش اى دربكه ومن اول ما استلمتها بعنى لا مشورت ولا طبعت اسطوانه
بس عند ال25 الف كيلو جابت بليه دبرياج رحت للتوكيل قالولى عيب سواقه(طبعا اى كلام) لانى لقبت بتاع خمستاشر واحد نفس الكلام
المهم غيرت طقم الدبرياج وزى الفل دلوقتى عامله 115000

**Abdallah** · 16-09-2007 12:56 AM

الكلام دة مش مظبوط مع احترامى للميكانيكى بتاع حضرتك لكن على حد علمى مفيش حاجة اسمها تطبيع فى العربيات الحديثة الا اذا كانت خامات واحد منهم رديئة...
ممكن تكون حضرتك لسة متعودتش على العربية وبالتالى لما بتيجى تسيب دبرياج رجلك بتبقى خفيفة على البنزين وبالتالى العربية بتكركر وبتعمل دروب او ان يكون الدبرياج نفسه واطى او مبيفصلش كويس ودة معناه عيب فى دائرة فصل ونقل الحركة يعنى ديسك واسطوانة وبلية ومتسيبش حقك .!!

**Adham** · 16-09-2007 04:58 PM

مع كل أحترامي الميكانيكي دة مش تمام
مافيش حاجة اسمها تاخد العربية مشوار لاسكندرية علشان تطبع اسطوانة و ديسك دبرياج

الاسطوانة تطبع عالديسك من دوس و شيل الرجل من عالدبرياج كذا مرة ورا بعض
او تنطر الدبرياج مرتين تلاتة امريكاني و خلاص :)
بس مالوش دعوة بالسواقة مسافات طويلة علشان يطبع ماهياش عربية متعمرة بتلينها

اللي عندك دة عيب في الديسك بتاع العربية و تحديدا سست الديسك ناشفة او البلية ناحرة في السست ممكن برضة
روح التوكيل من دلوقتي و قولهم انك من اول ماشتريتها و هي كدة و جيت كذا مرة و ماتحلتش و انك عاوز اسطوانة و ديسك و بلية في الضمان
لأن هما بيسوفوك و بيماطلوا علشان بعد كدة يقولولك انة عيب سواقه و انك بقالك 5000 كيلو و مافيش ضمان عالاسطوانة و الديسك بعدهم و انة عيب استعمال و ماقلتش لية من الاول
روح التوكيل و أصر يصر إصراراُ على انهم يغيرولك الديسك و البلية و الاسطوانة