جيتز 2007 ولا i10 زيرو ؟

**mira12345** · 09-04-2009 02:58 PM

انا بجد محتارة بين الاتنين .. كنت خلاص نازلة اشترى الi10 زيرو كاملة ب 63 الف و الراجل وافق على 62 الف عشان كاش . و بعدين لقيت بابا بيقولى فى واحد صاحبه عايز يبيع الجيتز2007 بتاعته ..روحنا شوفناها العربية جميلة جدا و كانها جديدة عاملة 25 الف كيلو . الراجل استعماله نضيف جدا و طالب فيها 59 الف . الحاجة الوحيدة اللى مضيقانى انها 1600 cc .. عشان كنت عايزة حاجة توفرلى فى البنزين .. فهل فرق استهلاك البنزين هيكون عالى اوى ؟ و ياترى الزيرو هيكون افضل من انى اجيب حاجة مستعملة حتى لو كانت حالتها نظيفة ؟ ساعدونى plz

**MEMES** · 09-04-2009 06:17 PM

الجيتز استهلاكها عالى شويه
ربنا يوفقك للخير

**BassamHafez** · 09-04-2009 06:42 PM

المشاركة الأصلية كتبت بواسطة mira12345

انا بجد محتارة بين الاتنين .. كنت خلاص نازلة اشترى الi10 زيرو كاملة ب 63 الف و الراجل وافق على 62 الف عشان كاش . و بعدين لقيت بابا بيقولى فى واحد صاحبه عايز يبيع الجيتز2007 بتاعته ..روحنا شوفناها العربية جميلة جدا و كانها جديدة عاملة 25 الف كيلو . الراجل استعماله نضيف جدا و طالب فيها 59 الف . الحاجة الوحيدة اللى مضيقانى انها 1600 cc .. عشان كنت عايزة حاجة توفرلى فى البنزين .. فهل فرق استهلاك البنزين هيكون عالى اوى ؟ و ياترى الزيرو هيكون افضل من انى اجيب حاجة مستعملة حتى لو كانت حالتها نظيفة ؟ ساعدونى plz

لو عايزة رأيي الشخصي .. يعني لوانا هاجيب العربية دي لأختي او مراتي هجيب الI10 للاسباب التاليه:

1- الزيرو احسن طبعا لان انا اول ايد تلمس العربيه
2- الI10 عربية لذيذة وحندقه على قدك كبنت وكمان شيك جدا من جوة
3- استهلاك البنزين احسن من ممتاز عشان 1100

اما الجيتز بقى هي فعلا عربية جميلة بس رياضية وقويه او بمعنى اصح بالنسبالك كبنت مش هتحتاجي قوتها في حاجة الا اذا كنتي غاويه جري وشد بالعربية علاوة على الزيادة في استهلاك البنزين

**ezzatfox** · 09-04-2009 08:28 PM

كلام بسام مظبوط و انا كمان بفضل الزيرو لكن فى حالتك دى فى وجهة نظر ثانية
اولا الفرق بين الجيتز و اi10 مش فى فرق الماتور و بس - لأ فى فروق تانية زى :
1- جودة الخامات المستخدمة فى الصالون الداخلى للجيتز افضل بفرق ملحوظ لصالح الجيتز و دة راجع لكونها تصنيع و تقفيل كورى بالكامل اما الاخرى تجميع هندى .
2- الجيتز اوسع فى الصالون و شنطتها صغيرة بس معقولة انما الI10 انسى الشنطة خالص .
3- الجيتز طبعا ماتورها اقوى بكتير 105 حصان مقابل 66 حصان لi10
4- فرق استهلاك البنزين لصالح الi10 طبعا بس دة مش نقطة مؤثرة اوى و بالذات فى حالتك لان لو اشتريتى الجيتز هتوفرى 4000 جنية و دول يعملوا 2162 لتر بنزين 92 يعنى يمشوكى 21620 كم تقريبا سنتين من غير ما تدفعى بنزين خالص .
الكلام دة كلة ملوش اى لزمة الا لو اتاكدتى ان العربية مفيهاش غلطة و يا ريت تكشفى عليها فى التوكيل .
و متنسيش تصلى صلاة استخارة و ربنا يوفقك .

**mab** · 10-04-2009 01:00 AM

المشاركة الأصلية كتبت بواسطة ezzatfox

كلام بسام مظبوط و انا كمان بفضل الزيرو لكن فى حالتك دى فى وجهة نظر ثانية
اولا الفرق بين الجيتز و اi10 مش فى فرق الماتور و بس - لأ فى فروق تانية زى :
1- جودة الخامات المستخدمة فى الصالون الداخلى للجيتز افضل بفرق ملحوظ لصالح الجيتز و دة راجع لكونها تصنيع و تقفيل كورى بالكامل اما الاخرى تجميع هندى .
2- الجيتز اوسع فى الصالون و شنطتها صغيرة بس معقولة انما الI10 انسى الشنطة خالص .
3- الجيتز طبعا ماتورها اقوى بكتير 105 حصان مقابل 66 حصان لi10
4- فرق استهلاك البنزين لصالح الi10 طبعا بس دة مش نقطة مؤثرة اوى و بالذات فى حالتك لان لو اشتريتى الجيتز هتوفرى 4000 جنية و دول يعملوا 2162 لتر بنزين 92 يعنى يمشوكى 21620 كم تقريبا سنتين من غير ما تدفعى بنزين خالص .
الكلام دة كلة ملوش اى لزمة الا لو اتاكدتى ان العربية مفيهاش غلطة و يا ريت تكشفى عليها فى التوكيل .
و متنسيش تصلى صلاة استخارة و ربنا يوفقك .

+1111111111111111111111

**pharonicking** · 10-04-2009 01:23 AM

المشاركة الأصلية كتبت بواسطة ezzatfox

كلام بسام مظبوط و انا كمان بفضل الزيرو لكن فى حالتك دى فى وجهة نظر ثانية
اولا الفرق بين الجيتز و اi10 مش فى فرق الماتور و بس - لأ فى فروق تانية زى :
1- جودة الخامات المستخدمة فى الصالون الداخلى للجيتز افضل بفرق ملحوظ لصالح الجيتز و دة راجع لكونها تصنيع و تقفيل كورى بالكامل اما الاخرى تجميع هندى .
2- الجيتز اوسع فى الصالون و شنطتها صغيرة بس معقولة انما الI10 انسى الشنطة خالص .
3- الجيتز طبعا ماتورها اقوى بكتير 105 حصان مقابل 66 حصان لi10
4- فرق استهلاك البنزين لصالح الi10 طبعا بس دة مش نقطة مؤثرة اوى و بالذات فى حالتك لان لو اشتريتى الجيتز هتوفرى 4000 جنية و دول يعملوا 2162 لتر بنزين 92 يعنى يمشوكى 21620 كم تقريبا سنتين من غير ما تدفعى بنزين خالص .
الكلام دة كلة ملوش اى لزمة الا لو اتاكدتى ان العربية مفيهاش غلطة و يا ريت تكشفى عليها فى التوكيل .
و متنسيش تصلى صلاة استخارة و ربنا يوفقك .

تمام

**mecho_392** · 10-04-2009 01:39 AM

المشاركة الأصلية كتبت بواسطة ezzatfox

كلام بسام مظبوط و انا كمان بفضل الزيرو لكن فى حالتك دى فى وجهة نظر ثانية
اولا الفرق بين الجيتز و اi10 مش فى فرق الماتور و بس - لأ فى فروق تانية زى :
1- جودة الخامات المستخدمة فى الصالون الداخلى للجيتز افضل بفرق ملحوظ لصالح الجيتز و دة راجع لكونها تصنيع و تقفيل كورى بالكامل اما الاخرى تجميع هندى .
2- الجيتز اوسع فى الصالون و شنطتها صغيرة بس معقولة انما الI10 انسى الشنطة خالص .
3- الجيتز طبعا ماتورها اقوى بكتير 105 حصان مقابل 66 حصان لi10
4- فرق استهلاك البنزين لصالح الi10 طبعا بس دة مش نقطة مؤثرة اوى و بالذات فى حالتك لان لو اشتريتى الجيتز هتوفرى 4000 جنية و دول يعملوا 2162 لتر بنزين 92 يعنى يمشوكى 21620 كم تقريبا سنتين من غير ما تدفعى بنزين خالص .
الكلام دة كلة ملوش اى لزمة الا لو اتاكدتى ان العربية مفيهاش غلطة و يا ريت تكشفى عليها فى التوكيل .
و متنسيش تصلى صلاة استخارة و ربنا يوفقك .

1- انا مش شايف ان فى فرق كبير جدا فى الخامات, و من ناحية التصنيع ايه اللى دخله فى التقفيل؟؟ انا بيعجبنى شكل تابلوه ال i10 جدا علشان ال curvatures اللى فيه عكس شكل الجيتز اللى التابلوه مربع فيها و دى تعتبر وجهات نظر.. و كمان لما شوفت النيو اكسنت لقيتها سيئة جدا جدا فى الخامات الداخلية و فيها خامات زى ال i10 و دى تعتبر وجهات نظر بردوا.
2- الوسع الداخلى فى الصالون مش هيكون بفارق كبير انا لقيت عرض الجيتز من جوا اكبر بحوالى 3-4 سم عن ال i10 بالنسبة للعرض الكلى للاكتاف.. لكن اتفق معاك ان شنطتها تكسب.
3- موتور الجيتز مش محتاج كلااااااااااام ده طيااااااااااااااااااااااا ااااااااااااااااااارة.
4- التوفير هيضيع نصه فى الصيانة و الكشف و تيل فرامل على فلاتر و بوجيهات ده اذا مطلعش فيها اكتر من كده.
5- و دى من عندى,, باور ال i10 لا يقارن بالجيتز و الماتريكس و لا النترا 2006 فى نعومته و سهولته و سرعة استجابته + انه بيتقل معاك على السرعات العالية لانه كهرباء مش هيدروليك و العربية الوحيدة اللى لقيتها زيها هى النيو النترا. انا مشوفتش باور زيها حتى فى الكليو اللى فيها باور كهرباء.
تقبل تحياتى..

**medomogab** · 10-04-2009 01:43 AM

السلام عليكم
انا من راي الجيتزززززز انا بدور علي واحدة بسعر كويس من فترة لو مش في نيتك تاخديها ابعتيلى رقم نليفون البائع عالاميل ولو ختيها ربنا يبارك للك فبها
medomogab@yahoo.com

**ezzatfox** · 10-04-2009 05:02 PM

المشاركة الأصلية كتبت بواسطة mecho_392

1- انا مش شايف ان فى فرق كبير جدا فى الخامات, و من ناحية التصنيع ايه اللى دخله فى التقفيل؟؟ انا بيعجبنى شكل تابلوه ال i10 جدا علشان ال curvatures اللى فيه عكس شكل الجيتز اللى التابلوه مربع فيها و دى تعتبر وجهات نظر.. و كمان لما شوفت النيو اكسنت لقيتها سيئة جدا جدا فى الخامات الداخلية و فيها خامات زى ال i10 و دى تعتبر وجهات نظر بردوا.
2- الوسع الداخلى فى الصالون مش هيكون بفارق كبير انا لقيت عرض الجيتز من جوا اكبر بحوالى 3-4 سم عن ال i10 بالنسبة للعرض الكلى للاكتاف.. لكن اتفق معاك ان شنطتها تكسب.
3- موتور الجيتز مش محتاج كلااااااااااام ده طيااااااااااااااااااااااا ااااااااااااااااااارة.
4- التوفير هيضيع نصه فى الصيانة و الكشف و تيل فرامل على فلاتر و بوجيهات ده اذا مطلعش فيها اكتر من كده.
5- و دى من عندى,, باور ال i10 لا يقارن بالجيتز و الماتريكس و لا النترا 2006 فى نعومته و سهولته و سرعة استجابته + انه بيتقل معاك على السرعات العالية لانه كهرباء مش هيدروليك و العربية الوحيدة اللى لقيتها زيها هى النيو النترا. انا مشوفتش باور زيها حتى فى الكليو اللى فيها باور كهرباء.
تقبل تحياتى..

ميشو باشا .. ازى حضرتك و مبروك على ال i10هى فعلا عربية جميلة و ربنا يباركلك فيها .
و بعدين متزعلش اوى كدة احنا مقلناش انها وحشة و لا حاجة بالعكس هى جميلة جدا بالنسبة لامكانياتها و سعرها - لكن لما تتقارن بفئة اعلى زى الجيتز و النيو اكسنت مينفعش تبقى هى الاحسن بردة .

المشاركة الأصلية كتبت بواسطة mecho_392

1- انا مش شايف ان فى فرق كبير جدا فى الخامات, و من ناحية التصنيع ايه اللى دخله فى التقفيل؟؟..

هو مش فرق كبير جدا و لكنة فرق ملحوظ لصالح الجيتز
بالنسبة لسؤالك عن التصنيع و التقفيل - العربية تجميع هندى و دة معناة ان فى نسبة معينة من مكونات السيارة مصنعة بالهند يعنى مش تقفيل بس .. هو فعلا كويس بس مش فى نفس مستوى الكورى ..و الموضوع دة هيبان و هتقدر تلاحظة بسهولة بعد مرور فترة من استخدام السيارة .
و حضرتك بنفسك لاحظت ان علامة الدركسيون عندك ابتدت يظهر عليها نقط سوداء زى ما كتبت فى مشاركتك اللى فاتت لانها تصنيع هندى .

المشاركة الأصلية كتبت بواسطة mecho_392

و كمان لما شوفت النيو اكسنت لقيتها سيئة جدا جدا فى الخامات الداخلية و فيها خامات زى ال i10 و دى تعتبر وجهات نظر بردوا.
..

لا بقى - دى كدة مش وجهات نظر .. ممكن تبقى حابب شكل التابلوة عندك و شايفة احلى من تابلوة النيو اكسنت ok دى وجهة نظر - لكن تقول خامات سيئة و مش كدة و بس لا دى سيئة جدا جدا كمان .. يا راجل حرام عليك .. على فكرة خامات النيو اكسنت و الجيتز و الالنترا واحد .. نفس قماش الكراسى و نفس التنجيد و نفس خامة التابلوة واحد تماما مع اختلاف الشكل و الالوان فقط لاغير .

المشاركة الأصلية كتبت بواسطة mecho_392

5- و دى من عندى,, باور ال i10 لا يقارن بالجيتز و الماتريكس و لا النترا 2006 فى نعومته و سهولته و سرعة استجابته + انه بيتقل معاك على السرعات العالية لانه كهرباء مش هيدروليك و العربية الوحيدة اللى لقيتها زيها هى النيو النترا. انا مشوفتش باور زيها حتى فى الكليو اللى فيها باور كهرباء.
تقبل تحياتى..

فعلا باور الi10 انعم واحد و دة عشان سببين اول حاجة انة كهرباء و تانى حاجة مقاس الكاوتش صغير مقاس 13 و مش عريض و العربية وزنها خفيف و دة بيخلى الدركسيون خفيف جدا يعنى حتى لو مفيش باور اساسا هيبقى الدركسيون معقول
بس خلى بالك ان دة ميزة و عيب خاصة لو مشيت على سرعة عالية شوية و طريق سفر هتبقى قلقان جدا من الباور دة خصوصا انة مبيفصلش على السرعات العالية .
و ربنا يباركلك فيها و ال i10 اجدع ناس

الموضوع: جيتز 2007 ولا i10 زيرو ؟

LinkBack

أدوات الموضوع

عرض

-

-

-

-

-

المواضيع المتشابهه

هيونداي فيرنا ولا جيتز ؟؟؟؟ |||زيرو||| ؟؟؟

نيو أكسنت كاملة أوتوماتيك 2007 ولا لوجان زيرو ولا لانوس زيرو

بى ام دبليو 320 مستعملة موديل 2007 بالاى درايف ولا 316 بريميوم زيرو ولا باسات زيرو

مطلوب جيتز كسر زيرو

جيتز 2007 ولا i10 زيرو ؟

الكلمات الدلالية لهذا الموضوع

المفضلات

المفضلات

ضوابط المشاركة