الموضوع: سؤال مهم فين حملة خليها تصدى وموديلها يعدى

المشاركة الأصلية كتبت بواسطة wawamoha

طيب بس الاسعار لسه مانزلتش !!
انا مش متوقع 20 او 40 في الميه .. لاني الحمد لله مش عبيط و دارس اقتصاد و فاهم البلد دي كويس - ال حد ما طبعا
بس متوقع 5% مثلا او اي حاجه حوالينها
الناس قالت الاول 15-3 و دلوتي تقريبا 15-4 و لسه ما فيش جديد
ايه رايكم ؟؟؟

اولا: مفيش حد قال نسبه معينه احنا عاوزين الاسعار تنخفض زى الاسعار العالميه .
ثانيا: لو حضرتك فعلا دارس اقتصاد مش هايكون اصلا ده رايك لان طبقا لكل النظريات الاقصاديه ...... الاسعار لازم تزل

ولو حضرتك عاوز تتكلم بالاقتصاد اهلا بيك ............اتفضل معايا ونقتح موضوع جديد نعمل مناقشه موضوعيه

مستنى رد حضرتك

المشاركة الأصلية كتبت بواسطة test50

اولا: مفيش حد قال نسبه معينه احنا عاوزين الاسعار تنخفض زى الاسعار العالميه .
ثانيا: لو حضرتك فعلا دارس اقتصاد مش هايكون اصلا ده رايك لان طبقا لكل النظريات الاقصاديه ...... الاسعار لازم تزل

ولو حضرتك عاوز تتكلم بالاقتصاد اهلا بيك ............اتفضل معايا ونقتح موضوع جديد نعمل مناقشه موضوعيه

مستنى رد حضرتك

شكرا ياباش عل رد حضرتك.
انا فعلا دارس اقتصاد بس يمكن ردي ماكانش متوضح او انك ما فهمتش قصدي.
قصدي بقى يا سيدي ان الاقتصاد بتاعنا -مش اقتصاد سوق زي ما هما واجعين دماغنا-
و ان سماته الاقتصاديه مبهمه لا هيا اقتصاد حر و لا اقتصاد موجه و لا حتى بينهم بطريقه مقننه
انما هو فعليا بينهم-الحر و الموجه - و قطاعات قطاعات بس على حسب المصالح السياسيه او الشخصيه او الحزبيه ... مش موضوعنا ده.
لو رجعنا لموضوعنا الرئيسي اسعار العربيات فبااضافه لسعرها الي بيصل ل 3- 4 امثال في العربيات ال 2400 سي سي مثلا و يمكن مره و نص في العربيات ال1600 و مره و ربع للعربيات ال 1300 عن البلدان العربيه اللي حوالينا بما يمثل سرقه و اضحه و جريمه ممكن اي دستور محترم يحاكم عليها .
الشيء التاني ان الاسعار دي برره نزلت كمان -بسبب الازمه-و العروض نازله ترف بس
احنا مالناش دعوه .
اخيرا لما قلت تنزل ل 5 % ماكان ش قصدي تنزيل الحكومه - الل في رايي مش هاتنزل نسب الجمارك _ انما كان قصدي من هامش ربح التجار ملحظه حتى ده ما حصلش :) .
يا رب اكون وضحتلك قصدي

أرسل أصلا بواسطة test50
اهلا ..............يا اخ سامح انت فين من زمان على فكره انا بشكرك على هذة المشاركه؟؟؟؟
طبعا اكيد انت مستغرب !!!!!
بص يا استاذى النهارده وبالصدفه البحته والله قرارات انى اروح سوق الجمعه على سبيل معرفه السوق عامل ايه.......بص ياسيدى اى واحد عاوز يبع عربيته ممكن يبعها فى ثلاث دقائق بالظبط ....بس امتى ؟؟؟ فى حاله واحده بس لما يحترم عقول الناس ويبطل استخفاف بيهم ويعترف الاسعار لازم تزل
وعلى سبيل المثال وليس الحصر واحد كان معه لانوس 99 كامله منوال كان طلب 45 الف .....طبعا مقيش حد من الاساس كان بيتكلم معه وفى نفس المربع كان فيه واحد طلب 39 الف مع العلم انها كانت احسن من العربيه الاولى ...المهم فى الاخر
تم بيعها ب 36.5.. مثال اخر أكسنت نفس موديل السنه ممتازه عارف اتبعت بكم؟؟
33.5 ..........مثال اخير برايد سيدان موديل 2002 كامله اتوماتيك عارف اتبعت بكم؟؟؟ ب 32 الف..........

نرجع للموضوع الاساسى انا بشكرك على الموضوع لانى اول مابشوفك بتاكد ان الحمله عامله شغل جامد يعنى لو حضرتك مش ملاحق بيع ها تدخل وضيع وقتك معانا على النت..........(اوعى تزعل بهزر معاك)
والله العظيم انا دخلت معرض عربيات زيرو النهارده بعد ما خلصت فى السوق والرجل صاحب المعرض كان بيتحيل على ....كان يقولى شوف حضرتك عاوز ايه
لو سقط تحت امرك لو مفيش بيان دخل ممكن بطاقه و لو الدخل مش عالى وانا هاتصرف مع البنك........... وحضرتك عاوز لون ايه ....اى لون تحت امرك ........الخ
اخير يا استاذ سامح ياريت لا تخد الموضوع بمحمل شخصى الحمله ليست ضدك انت الحمله ضد الاستغلال .......و رجاء يا اخ سامح عشان خاطرى تعالى معانا ضد الاستغلال يعنى حاول انت واصحابك التجار تحصلوا على عروض من الوكلاء............يعنى بدل ما تقف ضد حمله خلوها تصدى اقف ضد الوكلاء ساعتها ها تبيع وتكسب واحنا نشترى ونركب.....................

وخلوها تصدى


كلامك دخل دماغي واتمني ان كل الناس يكون عندها نفس الاراده
علي فكرة انا مساند الحملة من زمان ولن اشتري الا بعد ما تحقق الحملة اهدافها ان شاء الله