الف مبرووووووك دكتور معاذ علي تغيير العلبة
وان شاء الله كل الاصوات هتختفي تماما
الف مبرووووووك دكتور معاذ علي تغيير العلبة
وان شاء الله كل الاصوات هتختفي تماما
الله يخليك يا توفيق باشا
عقبال حضرتك ان شاء الله يوم 15 ابريل, و تخلص من الموضوع ده خالص.
اللى حصل ان لما كنت هناك فى صيانة ال 25 لقيتهم مغيرين علبة دركسيون لماتريا 2008, و ده اللى خلانى اعرف انهم بدأوا فى موديلات 2008 فحجزت, و الموضوع اخد 3 اسابيع, و قلت اعملها مفاجأة هنا :shine[1]:
اللى عاوز يحجز بيروح, يطلع معاه مهندس مصطفى, بيجرب العربية, ولو فعلا محتاج تغيير علبة الدركسيون, بيسيب رقم شاسيهه و بيتصلوا بيه اول لما يكون فى ميعاد مناسب.
انا نفسيا مستريح جدا, الصوت الاساسى اختفى, الزوايا اتعملت ممتازة, و العربية خرجت مغسولة تمام ... فالموضوع كان سلس
ربنا يخلى حضرتك و عقبال كل الناس اللى عندها العيب فى علبة الدركسيون تغيرها فى القريب العاجل ان شاء الله.
اسبوع تقريبا, و هكتب انطباعاتى بعد التغيير, و اتمنى انها تكون ايجابية ان شاء الله.
م/على... الف شكر ليك ... شفت بقىانا كنت مخبى المفاجأة دى عليك ازاى امبارح:wink:
اما بخصوص الزيت, فهكتب تفاصيل اكتر فى موضوع الزيت نفسه.
شكرا لك يا يوسف باشا .... ان شاء الله تكون اخر الاصوات :ask:
نسيت اضيف انى سألت م/عمرو فى الاستقبال اذا كانت العلبة دى هى زى العلبة اللى هتتغير, و هو أكد ان دى علبة متعدلة علشان متحصلش نفس المشكلة تانى.
الكلام على مسئولية م/عمرو
ده دليل إن الحوار مع شركة زي دايهاتسو بيجيب نتيجة فعلاَ .. يعني حاجات كتير من اللي علقنا عليها بيحلوها و إن شاء الله الباقي في طريقه للحل طالما فيه حوار قائم دائماَ و هما ناس محترمين و تحية لهم بجد .
بالمناسبة يا جماعة انا عندي أصوات و مش عارف طبيعة الصوت بتاع علبة الدريكسيون، بس انا أصلاَ بعلي الكاسيت جامد عشان مسمعش صوت الكلاكسات اللي بتجبلي العصبي .. فا و انا سايق لو الأربع عجلات إتفكوا مش هحس .. فا ممكن أبقي أزبط مع حد كدة يركب معايا و يشوف الموضوع عندي ولا لأ بدل ما أطخ مشوار للعبور عشان مهندس مصطفي يجربها .
مبارك عليك يا د.معاذ
وياترى العيب موجود في 2009 ولا لا
ويارب تكون دي اخر المشاكل ان شاء الله
الف مبروك يامعاذ بس انت بتتفق معايا فى شويت نقط ومهم صوت غريب ظهر
مبروك يا معاذ على التعديل
معاذ انا كمان ساعات بحس بحاجات غربيه فى الدركسيون اولا حكه لما بكون واقف وهلف مثلا ناحيه اليمين بالذات بحس بحكه كدة ولما بكون فى مطبات بحس بدبه فى العربيه كلها صوت دبدبه فى العربيه كلها واحس ساعات ان الدركسيون بيتلخلخ فى ايدى وصوت تزييق
انا معايا ماتيريا 2009مش سيريون استلمتها من شهر بالظبط يوم 5-3 عمله دلوقتى 4022 كم
انا قلقان ومش عارف فى ايه ؟؟؟؟؟ ياريت ترد عليا
اه صحيح كنت هنسى بالنسبه لموضوع الزيت انا قيست الزيت عندى بنفس الطريقه اللى قولتوا عليها
لقايته بين العالمتين وانا اساسا لسه مغيرتش زيت يعنى دة الزيت اللى جايه بيه من اليابان
فدة اكيد الصح
شكرا للرد مقدما
ومبروك مره اخرى للتعديل وربنا يحفظنا جميعا من شرور سياراتنا علشان واحد منه لله خبطنى النهارده بعربيه حدادى اسمها 128 جاتلى فى الاكصدام طبقته جامد وانا هبقى اتكلم عن التجربه دى فى موضوع منفصل
الف الف مبروك يا باشا وان شاء الله تكون نهاية الاحزان
مبارك عليك يا معاذ
وربنا يباركلك في العربيه ان شاء الله
هو طبعا كويس انهم استجابوا لرائنا ... اينعم فى حاجات اخدت وقت, لكن فى الاخر الموضوع اتحل
و عقبال باقى الحاجات ان شاء الله.
النهارده كلمونى بعد الصيانة و سألنى على رأى فى اسعار قطع الغيار و المصنعية ... قلت له غاليين جدا, و ذكرت مثال الفلتر بنزين كمان
يا ريت يا جماعة كلنا نتصل بيهم و نبلغهم علشان يبقى فى استجابة
بالنسبة للصوت يا محمود هو مميز جدا, كأن فى حديد بيخبط فى بعضه, و بتبان ناحية الشمال, خصوصا لما تمشى على ارض معرجة و سرعة مثلا 20كم/ساعة.
ممكن لما نتقابل مرة, اجرب العربية و نشوف كده.
ربنا يخليك يا رامى باشا
هو موجود فى 2009 و لا لأ الله اعلم ... هما فى التوكيل بيقولوا مش موجود
لكن dr_druggist عنده بوادر اصوات زى اللى بنشتكى منها, و عربيته 2009
اتمنى فعلا يكونوا تلافوا العيب ده فى الموديلات الاحدث.
شكرا لك يا ميدو
انا بس عمال اتابع الاصوات و الزوايا و كذا حاجة
و هكتب انطباعى قريب جدا عنها