أضم صوتى للمهندس /على .
ولا صامت ولا حاجه يا استاذ توفيق والله
المسالة اني مش شايف بصراحه اهمية للموضوع
لأنه ولا هو مؤثر على شئ ولا ضار بشئ ولا بيضايق في السواقة
وانا ظني انا الشخصي ان التعديل علشان الصوت يخف ده سبب من اسباب ان الناحيتين مش مظبوطين زي بعض بالملي
خصوصا اني شايف ان الفرق اصلا يكاد يكون غير ملاحظ لأحد الا لو احد نبهك به
حتى اظن والله اعلم ان الللي اتعمل لمعاذ ليس الا انهم ظبطولي لفة الدركسيون بأنه خلوا الدركسيون يبقى زايد في ناحية عن الأخرى بدليل انه بيقول لما يمشي مستقيم الدركسيون مش بيبقى مظبوط بالظبط
وده بياكد ان الموضوع ليس مشكلة تركيب او في حاجه مش مظبوطة
وانما ظني ان التعديل في العلبة هو اللي عمل كده لأن طول البار في ناحية غير الناحية الاخري والطول ده هو اللي بيبقى مسبب رئيسي في وضوح الصوت او وجوده في الاساس
مش اكتر ولا اقل
اما عن رايي في انك تعمل التعديل ولا لأ
طبعا تعمله لأنه هيفرق معاك في الصوت اكيد
وانا لحد الأن لا ارى اي مشكلة في التعديل بل العكس فهو شئ كويس طبعا
أخيرا القمر ظهر ههههههههههه لو أعرف كدة كنت قلتها من زمااااااااااااااان . أهلا أبو عبد الله .واحشنى والله . بالنسبة للتعديل أنا متردد الا بعد استشارة كل من عمل التعديل .وحاليا انا ملاحظ الجميع يشتكى من بعض الملاحظات ولو أنها خفيفة ومش مهمة من وجهة نظرك بس أنا حنبلى شوية وما أحبش أعمل حاجة يكون لها آثار جانبية ؟ لكن لى ملحوظة هنا أحب أن أستشيرك فيها مركز الرزق نصحنى أن أغير كاوتش العربية وفعلا أشتريت كاوتش ميشلان جديد ولاحظت أن الدريكسيون مش عدل زى الأول مثل ماحدث لكم بعد تغير علبة الدريكسيون ؟ شئ غريب ونصحنى أصدقائى بعمل ظبط للزوايا مع ان العربية لا تنحرف يمينا أو يسارا؟لكن الدريكسيون مائل مسافة ربع لفة الى اليسار ؟اية رأيك هل بعد أن أعمل التعديل سيزيد انحرف الطارة أكثر أم ماذا يحدث ؟؟؟؟:I_angr1[1]:
تحيــــــــــــــاتى
ليه بس يا استاذ توفيق
انت تأمرني بجد
انا موجود عالطول
اولا احب ان اوضح شئ
ان التعديل مش عامل عندي اي انحراف في الطارة لو العربيه ماشية مستقيم
ولو ده موجود عندك فسببه من تحت في البارات
بتبقى عامله زي صواميل بتظبط طول البار وبالتالي بتظبط انحراف الطارة
ولكن الموضوع ده مش موجود في التعديل
ولكن معاذ بيقول انه لما راح اشتكى ان الطارة بتلف في جانب اكتر من الأخر بشويه
بعد ما دخل العربيه الصيانة وكده طلعت فيها انحراف في الطارة لما تبقى العربيه ماشيه مستقيم
وده سببه بيبقى تظبيط في طول البارات من تحت
-----------
سؤال جانبي
هو حضرتك كان اتسرق منك اللوجو الخلفي للعربيه بتاع دايهاتسو اللي في النص ؟؟؟
ولو فعلا اتسرق من حضرتك لما سألت عليه طلع بكام
اصل انا اتسرق مني للأسف والحمد لله
واو يانهار مش حلو أبو عبدالله يتسرق ؟ دة حرامى ماعندوش نظر معلش هى دى بلدنا :biggrin2: عموما أنا أشترتها من التوكيل فى العبور وثمنها 200 جنية طبعا الأصلية بس مش هاأركبها ؟ هاأخليها احتياطى عندى لأنها هاتتسرق تانى ؟؟ومعلش قدر الله وما شاء فعل بس المهم اللى سرقها ما يكونش جرح العربية وفداك حبيب قلبى . بقيت مثلى من غير لوجو ؟؟؟؟؟
تحيـــــــــــــــــــاتى
الله يخليك
وفعلا بقت من غير لوجو وشكلها بايخ جدا من الخلف
الله يصلح حاله بقه وهو الحمد لله مبوظشي الدنيا لأني كنت واقف في الشمس ساعة صلاة الجمعه وحسبي الله ونعم الوكيل
بس كله فضل ونعمة من عند الله طبعا
وما يصيبنا الا ما كتب الله لنا
بس 200 جنيه بس
دي رخيصه قوي كده ليها
والواد ابن الذين هيبعها بعشرة او عشرين جنيه بالكتير
المهم يخلينا ندفع للخواجه علشان هو يتبسط
مهندس توفيق و مهندس على
بخصوص التعديل, انا رأى لو الوصت فعلا مزعج بالنسبة لك اعمله ... حاليا معظم الامور بقت اوضح
الصوت مش بيختفى 100% (الكلام ده حاصل معايا و مع هيثم, ميدو سريون و أ/ياسر) لحد دلوقتى مفيش حاجة زيادة عن ان الدركسيون كان بيلف فى حتة اكثر من التانية.
لما رحت اخر مرة, هما فى التوكيل ظبطو "خلوص البارات" لأنها لم تكن مظبوطة بعد تغيير العلبة.
هو الموضوع مش مؤثر للدرجة, و ممكن مع بعض الناس ميبقاش مؤثر خالص, لكن بالنسبة ليا انا بحب الحاجة تبقى زى ما هى ... انا سلمتهم العربية سليمة و مظبوطة, فمتوقع استلمها سليمة و مظبوطة.
حاليا عندى الزوايا مش مظبوطة حاجة بسيطة, ده غير ان الصوت بقيت اسمعه اكتر من اول مرة عملت التعديل (طبعا مش زى قبل التعديل خالص).
بالنسبة ليا انا مقتنع ان الموضوع كان ممكن يتظبط اكتر من كده, و سبب اقتناعى الاتى:
موديلات 2009 و النصف الثانى من 2008 المفروض ان العلبة عندهم متعدلة ... طيب الناس دى الدركسيون عندها بيلف فى الناحيتيين زى بعض ده بالاضافة ان ربنا يحفظ لهم عربياتهم مبيشتكوش من الوصت اللى عندنا.
يبقى ده معنا انى ممكن احصل على نفس النتيجة و الاداء فى عربيتى, خاصة ان 2008 و 2009 زى بعض بالظبط.
غير كده قبل تغيير العلبة المتعدلة, العربية كدركسيون كان تمام, زوايا مظبوطة و بيلف فى الناحيتين زى بعض.
توفيق باشا
انا رأى حضرتك شوف ميدو و هيثم و ابوعبدالله اذا كانوا هيظبطوا الموضوع بتاع لفات الدركسيون لأن 2007 غير 2008&2009 ... و تبقى عارف المحصلة النهائية لموضوع التعديل.
و تشوف اذا كنت هترضى بالنتيجة دى و لا لأ.
بس علشان حضرتك تبقى عارف(على الاقل بالنسبة ليا) الصوت مش هيختفى 100%.