تم بحمد الله تغيير علبة الدركسيون ... سريون 1.5 مو 2008

السلام عليكم و رحمة الله و بركاته

تم بحمد الله تغيير علبة الدركسيون للسريون مو 2008 اليوم الخميس 9 ابريل 2009

الموضوع انى كنت بتكلم مع مهندس احمد عبدالوهاب يوم صيانة ال 25 الف للسريون ... و بساله على التعديل و امتى هيبقى متاح لموديلات 2008 ... راح كلم انسه منى و قالها خدى رقم شاسيه معاذ و شوفى ميعاد مناسب علشان يغير العلبة.

الموضوع اخد تقريبا 3 اسابيع علشان تكلمنى و اتفقنا على الميعاد المناسب.

قالت لى عاوزها تبات و لا تاخدها فى نفس اليوم, طبعا كان ردى انى عاوزها فى نفس اليوم... فكان الاتفاق انى اجيب العربية الساعة 9 صباحا و استلمها الساعة 5 عصرا.

وصلت تقريبا على 9 و 45 دقيقة, المهندس عمرو استلم منى العربية على 10 و ربع... قلت له على بعض الملاحظات و كانت:

1-تزييق فى البابين الامامين بعد حل مشكلة الخلفيين
2- مكنة الزجاج, لما بطلع الزجاج للأخر, بتزق التبطين بتاع الباب لبره ... هو ورانى ان الموضوع عادى فى التريوس, و قالى هيسأل هو عادى برضه فى السريون و لا لأ.

العربية فضلت بره لحد الساعة 12 تقريبا... اخدها فنى و اشتغل فيها فى المكان اللى خلف مكتب قطع الغيار... هو كان بيشتغل لوحده, و كان سريع فى شغله (بعد كده عرفت من م/احمد عبدالوهاب انه احسن فنى فى المركز عموما, و بيوكل له المهام الصعبة) و العربية خلصت على 2 تقريبا.

بعد كده راحت ظبط الزوايا, و الموضوع اخذ تقريبا ساعة, و فضل يظبطها كويس.

العربية راحت تتغسل, و بعد كده تم فك الابواب الامامية و تشحيم اجزائها الداخلية, و مكن الزجاج, و العربية كانت خلصانة على الساعة 4 تقريبا.

بخصوص احساسى بعد التغيير ... طبعا مش عاوز استعجل الحكم سواء بالسلب او الايجاب, بس دى اهم الملاحظات:

1- الباور بقى اتقل, و بيمسك نفسه اجمد مع السرعات

2- الصوت الرئيسى بتاع الخبط الحمد لله اختفى, لكن لازال فى بعض الاصوات اللى اعتقدت انها هتختفى مع تغيير العلبة.... بس عموما هقول رأى فى التغيير بعد اسبوع 10 ايام كده

اسيبكم مع بعض الصور للعربية و هى مرفوعة بعد تركيب العلبة الجديدة:



http://www.postimage.org/aV1A2T5A.jpg



http://www.postimage.org/gxSiW0J.jpg



http://www.postimage.org/Pq1z09m0.jpg




http://www.postimage.org/gxSkbQi.jpg

الحمد لله يا معاذ على اختفاء الصوت وان شاء الله باقى الأصوات اللى تاعبة الناس تختفى
ان شاء الله يكون تقريرك ايجابى ....يا رب

يا خبر !!!!
دي طلعت علبة الدريكسيون فيها عيب فعلا .........

وده معناه مش ان انه بيتهيأ للناس زي ما كنت باسمع هنا

دا أنا افتكرتك بتهلوس فعلا يا معاذ لحد ما سمعت الصوت بنفسي

فعلا .....شركة كويسة و محترمة

بس أنا فاكر ان كان فيه حد بيقول ان ده مش عيب و انه عادي و طبيعي

المهم ان المصلحة قضيت و الحمد لله

الف الف بركة يا معاذ
أنا عارف انى مقصر اليومين دول قوي ....بس و الله شغل كتير ..ادعيلي ربنا يفك عني

بخصوص موضوع الزيوت ... فضلت اتناقش مع مهندس احمد عبدالوهاب عليه كتير جدا و توصلنا للاتى:

1- العميل اللى عايز الزيت الزيادة فقط يبلغ المهندس و هو بيسلمه العربية.

2- بخصوص العبوات اللتر و العبوة ال 4 لتر... هما متاح فقط عندهم العبوة ال1 لتر, لكن العميل ممكن يجيب معاه العبوة ال 4 لتر شرط انها تكون موبيل 1.

3- بخصوص كمية الزيت لموديلات 2008, م/احمد مقتنع بموضوع ال 3.4 لتر و ال 0.3 لتر الزيادة علشان التبخير و تعريق الزيت ... لكن هو قال لى حد عاوز يحط 3.1 بالظبط, بس بيبلغ المهندس اللى هيستلم منه العربية, و ساعتها بيحاسب على سعر 3 لتر زيت بدل من 4.

----------------------------------------------------------

و انا متابع العربية من فوق, لاحظت شىء رائع جدا

بدأوا فى تطبيق نظام جديد, و هو تزويد مياه التبريد ب Mobil Coolant بدل مياه الحنفية, ده غير حاجة اضافية و هى عمل الموتور بالكامل بالفوم بدون اى مصاريف اضافية على العميل ... ده غير انهم بينضفوا اى تشحييم على العربية برضه, و بتتغسل كويس جدا من جوه و من بره

دى صور للجراكن اللى جنب الفنيين, و صورة للفوم


http://www.postimage.org/Pq1z53EJ.jpg



http://www.postimage.org/Pq1z5CzJ.jpg

اخبار حلوة يا معاذ على الله يستمروا على كده
بالنسبة للزيت عملت ايه فى الكمية الزيادة ...؟؟؟ انت اقتنعت بكلام مهندس احمد عبد الوهاب ؟؟ ولا ايه اللى حصل

اقتباس:

---

المشاركة الأصلية كتبت بواسطة ows212

الحمد لله يا معاذ على اختفاء الصوت وان شاء الله باقى الأصوات اللى تاعبة الناس تختفى
ان شاء الله يكون تقريرك ايجابى ....يا رب

---

اقتباس:

---

المشاركة الأصلية كتبت بواسطة ows212

اخبار حلوة يا معاذ على الله يستمروا على كده
بالنسبة للزيت عملت ايه فى الكمية الزيادة ...؟؟؟ انت اقتنعت بكلام مهندس احمد عبد الوهاب ؟؟ ولا ايه اللى حصل

---

شكرا لك يا د. عمر

يا رب ان شاء الله يبقى ايجابى.

اما بخصوص الزيت الزيادة ... انا عندى اكتر من ال 3.4 لتر ... و هروح اى بنزية و انزل الزيت الزيادة, اللى عندى بالنظر للمقياس مش اقل من 0.3 لتر فوق ال 3.4 لتر (ده من تقديرهم فى الورشة بعد فحص العربية).

اقتباس:

---

المشاركة الأصلية كتبت بواسطة Ahmed Samy

يا خبر !!!!
دي طلعت علبة الدريكسيون فيها عيب فعلا .........

وده معناه مش ان انه بيتهيأ للناس زي ما كنت باسمع هنا

دا أنا افتكرتك بتهلوس فعلا يا معاذ لحد ما سمعت الصوت بنفسي

فعلا .....شركة كويسة و محترمة

بس أنا فاكر ان كان فيه حد بيقول ان ده مش عيب و انه عادي و طبيعي

المهم ان المصلحة قضيت و الحمد لله

الف الف بركة يا معاذ
أنا عارف انى مقصر اليومين دول قوي ....بس و الله شغل كتير ..ادعيلي ربنا يفك عني

---

ربنا يخليك يا احمد باشا

فاكر احنا لفينا المعادى كلها ندور على شارع مكسر :biggrin:

هما طبعا ناس محترمين , ربنا يوفقهم و يرضوا العملاء كلهم و يحسنوا من ادائهم اكتر.

ربنا يكون فى عونك يا باشا ... مقدر ظروفك

الجميل فى موضوع الفوم و مياه التبريد ان م/احمد عبدالوهاب قال لى انه ده كان نتاج التعليقات الى احنا بنبلغها له لتحسين الاداء فى مركز الصيانة

و هو منتظر منا دايما نقد بناء علشان يحسن من اداء هناك, بحيث يرضى الكل.

نقطة نسيت اضيفها بخصوص الزيت, ان احد اسباب عدم وضع باقى الزيت للعميل, ان فى عميل اتخانق معاهم ان كده هما وسخوا عربيته بالزيت و رفض انه ياخده (ده من م/احمد عبدالوهاب)

اخر حاجة بخصوص علبة الدركسيون:

دى التكلفة للعملية كلها (طبعا هى فى الضمان لكن اذن الخروج فيه التكاليف دى)

1- عمالة : 225 جنيه

2- علبة دركسيون: 2648.8 جنيه

بسم الله الرحمن الرحيم

ألف مبروك د/معاذ ...

أيوة ياعم يابخت من كان النقيب خالة .ههههههههههههه ..

كدة فجأة من غير أحم ولا دستور ياأسيادنا ؟؟ طب كنت تقول عشان ندعيلك ؟

أهم شئ أن تتابع بكل دقة آثار التعديل وهل للأحسن أم لا لأن ميدو سيريون

أشتكى من التعديل ونصح بعدم اجرائة ؟؟ ولم ينابعنا بعد ذلك . مبروك حبيب قلبى ومنتظر ملاحظاتك..:b4_388:

تحيـــــــــــــاتى

الف الف مبروك يا معاذ وباذن الله تبدأ مرحلة جديدة مع العربية خالية من القلق والتوتر بتاع الاصوات الغريبة اللى بتظهر فى السيريون .
وفى انتظار تقييمك النهائى اللى عن طريقه حنقدر نحصر الاصوات اللى سببها علبة الدريكسيون واللى ليس لها علاقة بالعلبة عشان كلنا نستفيد .
وربنا يباركلك فيها ويرزقك خيرها ويبعد عنك اى شر .

مبروك يا دكتور وبردة عقبلنا...شكرين مجهدوك فى موضوع الزيت وياريت التوكيل تقولنا الأكيد وليه الاختلاف بين الموديلات وهل فعلا نحط 3.4 او3.6 ولا احط 3.1 ؟؟؟؟؟؟؟؟؟؟