اول تغطية وبث ومباشر من مقابلة عيد ميلاد المنتدى الثاني - إبريل 2009 -

**SHNORY** · 13-04-2009 12:07 AM

المشاركة الأصلية كتبت بواسطة abouzaid555

وحياة ربنا انا مش قادر اطلع اى حرف او كلمة من بين شفتاى كل اللى عاوز اقوله انى و حياة ربنا و الله العظيم انا عينى دمعت و انا بقرأ تعليقاتكم بجد انتو حسستونى ان الدنيا لسة بخير وسيبونى بقى اكمل الاحساس اللى انا عايش فيه دلوقتى واشوف حاجة امسح بيها دموعى لاحسن الدنيا حتغرق و كويس ان عيالى نامو علشان ما يشوفونيش بالمنظر ده اعمل ايه حساس قوى ورومانسى جدا سامحونى مش لاقى تعبير اسمى من كدة اقوله
بحبكم ... بحبكم ... بحبكم

والله يا احمد بيك
مش حقولك ان عيني بتدمع وانا بقري ردود الناس وشكرهم
بس بجد بجد بجد انا حبيت بلدي علشان انتم فيها
واحب اقول لكل الناس ان احمد ابو زيد انا بعتبره اخ كريم
ولو كان ليا اخ مكانش وفق جنبي زي الراجل ده
احييك واحيي والدك ووالدتك يا احمد انهم جابولنا راجل محترم زيك ميتعوضش

**aif** · 13-04-2009 12:12 AM

المشاركة الأصلية كتبت بواسطة Islam_galal

ألف مبروك للمنتدي و لأعضاءه جميعا من حضر و من غاب و دايما متجمعين في الخير
و في ذكري بدء المنتدي العشرين . . . . نخليها الخمسين و يبقي أولادي حاضرينها و يدعولي

كان نفسي اشوفك يا اسلام ....
لكن ماليش نصيب
الجايات اكتر من الرايحات ان شاء الله

**abouzaid555** · 13-04-2009 12:13 AM

كل واحد بيسيب بيته و عياله و شغله و حاله و ماله و يسافر يجى 700 كيلو و يصرف قد كدة علشان يشوف و يتقابل مع ناس ما يعرفهاش و جايز ياخد مقلب فيهم
هو فى كدة يا جدعان
اولا و اخيرا ده نابع ان فى اصول نظيفة احنا اتربينا عليها من اهالينا

**SHNORY** · 13-04-2009 12:16 AM

المشاركة الأصلية كتبت بواسطة abouzaid555

كل واحد بيسيب بيته و عياله و شغله و حاله و ماله و يسافر يجى 700 كيلو و يصرف قد كدة علشان يشوف و يتقابل مع ناس ما يعرفهاش و جايز ياخد مقلب فيهم
هو فى كدة يا جدعان
اولا و اخيرا ده نابع ان فى اصول نظيفة احنا اتربينا عليها من اهالينا

وانا اعرف واحد فتح بيته وساب شغله وبيته وعياله
لناس ميعرفهمش
ربنا يجمعنا علي الخير دايما
كده الواحد يتطمن علي نفسه في البلد دي

**abouzaid555** · 13-04-2009 12:20 AM

شنورى انا حاقوم اقف فى الهوا شوية التقط انفاسى لان بجد عينى وجعتنى من كتر العياط و مش شايف حاجة على الشاشة

**جمال** · 13-04-2009 01:59 AM

بصراحة يا جماعة الاستاذ محمد شنورى و الاستاذ احمد ابو زيد والاستاذ كريم , الواحد مش لاقى كلام يوفيهم حقهم و مثال حى على انكار الذات و وووووووووووو حاجات كتير اوى
انا كنت متخوف من المقابلة مع ناس لا اعرفهم و فارق السن الفظيع ولكن الاستاذ شنورى اقنعنى بالحضور , وطبعا سعدت جدا بالحضور وشفت فعلا ان مصر بخير و فيها شباب زى الفل
والحقيقة المنتدى ده حاجة خاصة جدا بمشرفيه و اعضاؤه
ومعلهش انا مليش فى الكلام كتير , وكمان الكتابة والا كنت كتبت لكم قصيدة عصماء ويمكن رواية تنفع مسلسل عن المقابلة و المنتدى عموما
ربنا يبارك فيكم جميعا

**abouzaid555** · 13-04-2009 09:59 AM

يا استاذ جمال انت فعلا لك كينونة خاصة يعنى بجد اللى ما يعرفك يبقى لسة قدامه كتير قوى علشان يتعلم حاجات كتير فى الدنيا و شخصية سيادتك الموقرة قلما تتواجد فى هذا الزمن الصعب انسان وقور محترم شيك متسامح عطوف بسيط متواضع سامحنى لان مهما اقول مش حاعرف حاوفيك حقك اشكر كل من ساهم فى معرفتى بسيادتك و كان نفسى اقعد مع حضرتك اكتر من كدة بس سيادتك شوفت بعينك انى الوقت ما سمحليش انى اقعد معاكم لانى طبعا اخدت وقت كتير فى احضار وجبة الغداء لكت ان شاء الله المرة الجاية حاحاول اكون بجوار واحد واحد فى اللقاء لاستفيد منه واتعرف عليه اكتر لان كل واحد فينا بيمتاز بميزة خاصة و احلى حاجة اننا كلنا بنكمل بعض و اتمنى الظروف تسمح فى المقابلات القادمة لاتعرف بهذه الشخصيات المنفردة المتميزة التى قلما نجدها فى تجمعات اخرى وفرصة سعيدة جدا واشكرك على تشريف سيادتك لنا وتواضعك الملحوظ فى وسط اعمارنا و بعدين ماتفتكرش انك كبير سنا بالعس انا كنت حاسس انى قاعد مع اخى الاكبر يصبو على و اتعلم منه الكثير
واخص بالشكر كل من جاء سواء من القاهرة او البحيرة و اخص بالذكر اخواتى البورسعيدية اللى ماحسيناش بوجودهم كانوا زى النسمة على قلوبنا

-

-

-

الموضوع: اول تغطية وبث ومباشر من مقابلة عيد ميلاد المنتدى الثاني - إبريل 2009 -

LinkBack

أدوات الموضوع

عرض

-

-

-

-

المواضيع المتشابهه

مقابلة عيد ميلاد المنتدى الخامس

تغطية مقابلة افطار رمضان 2009

تاكيد حضور مقابله عيد ميلاد المنتدي - إبريل 2009 -

تغطية مقابلة شهر فبراير 2009

تغطية مقابلة عيد ميلاد المنتدي بالصور

الكلمات الدلالية لهذا الموضوع

المفضلات

المفضلات

ضوابط المشاركة