اول تغطية وبث ومباشر من مقابلة عيد ميلاد المنتدى الثاني - إبريل 2009 -

**Hassan Khalil** · 11-04-2009 09:57 PM

كل سنة و كل الحبايب بخير و سلامة
و كل سنة و المتدي منور باصحابه و اعضائه و حبايبه
و كل سنة و المنتدي من حسن لأحسن و من جميل لأجمل
و ربنا يجمعكم دايما في المناسبات الحلوة

**أشرف فتحى** · 11-04-2009 11:11 PM

السلام عليكم.
يا شباب والله الواحد ما لاقى كلام يقوله !!
هاقول ايه ولا أيه؟
وأشكر مين ولا مين؟!
يا نهار أبيض!!!
والله الواحد ما ضحكش كده من زمان ولا قعد وسط مجموعه زى دى قبل كده !!!
بس انا قلت قبل كده أن المنتدى ده فيه روح!!!
أيوه روح....روح المحبه والاخوه اللى من غير مقابل!!!!
يعنى لما أبقى متشوق أقابل واحد زى كريم منير (ربنا يجازيه خير) من غير سابق معرفه !!
الراجل ده بجد يا جماعه الكلام مش هيوفيه حقه بجد ..ربنا يجعل عمله فى ميزان حسناته!!
يعنى لما أحمد بك أبو زيد يقابلنا بحفاوه وكرم الدنيا...والله يا جماعه اللى مجاش ما هيقدر يتخيل الصوره أد ايه الراجل ده كريم ومحترم ...ده كان ناقص يشيلنا من على الارض شيل!!!!
يعنى لما أقابل شنورى لأول مره ونهزر ونتكلم ولا كاننا أصحاب من زمان!
يعنى مايكل لانوس والبساطه وخفه الدم اللى محصلتش!!
يعنى سومو صاحب الضحكه اللى تتنقلك ومتقدرش تقاومها ولا تمسك نفسك!
يعنى أ.جمال عميد المنتدى والحكمه وخفه الدم والشباب المتجدد!
يعنى أ. أحمد إبراهيم فاكهه المقابله والمنتدى كله والتعليقات الصاروخيه وخفه الدم اللى ملهاش حل !!أسعدنى الحظ بالتعرف على حضرتك بس كان هايجيلى سكته قلبيه من كتر الضحك !!
يعنى خالد طلعت والأدب والاخلاق والقفزات الانتحاريه!!ههههه
يعنى احمد الحسينى البساطه وخفه الدم اللى تخللى الضحكه ملهاش فرامل !!
يعنى حسام كوداك اللى خلانى أصدق المثل تعرف فلان ايوه..طب عاشرته ..لأ ...يبقى متعرفوش!!
بجد حسام غير ما توقعت تماما بساطه وتواضع الدنيا كلها ربنا يبارك فيك يا حسام!!بجد كنت مبسوط جدا انى قاعد جنبك!!
طبعا حبيب قلبى احمد حسن الملاح المساعد فى رحله أسكندريه وصاحب وجبه السلطه المميزه!!جدعنه وخفه دم ورجوله ولاد البلد قللبهم مع بعض يطلع أحمد حسن!!!
حبيب قلبى تامر دهب الهدوء وبعد النظر والاخلاق العاليه و اللوك المتميز !!يا عم عقدتنا بشعرك!!اللهم لا حسد.. قر بس!!
أسلام ..وابتسامه لا تفارق الشفاه !
أسلام فريد (صاحب المنحه المهداه لنايل موتورز) الاخلاق والادب الجم واللى فعلا مثال لحب العطاء والتفانى فى إسعاد الاخرين ،إسلام حط حجر أساس لنايل موتوز جديده كشخص إعتبارى له أصول وشكل قانونى وحط البذره لأفكار وأقتراحات هتغير نايل موتورز من منتدى لمؤسسه.(ربنا يجازيك خير)!!
الحضور المنميز للاستاذ محمد عبد العزيز ومهندس طارق زويل وا. محمد فهمى و أحمد اوكا اللى جه من دمنهوروكل الأخوه الاسكندرانيه والاخوه البورسعيديه اللى كانوا زى النسمه جم ومشوا قوام!!!
أقول مين ولا مين ؟!!
يا جماعه والله ما لاقى كلام يعبر ...!!!
الناس كلها فى غايه الادب والاحترام والروح الحلوه!!
وبعتذر للناس اللى مقولتش اساميها لان الوقت عدى هوا زى الاوقات الحلوة ما دايما بتخلص بسرعه!!
اليوم ده زى ما قال العندليب ... يوم من عمرى وهو اليوم..
انا من دلوقتى بسجل نفسى عضو أساسى فى أى مقابله!!
معاكوا ولو فى نويبع..وراكوا ولو فى مطروح..وياكوا ولو فى الواحات!!!
وانا مستنى المقابله الجايه من دلوقتى!!
المقابله دى بتغسل هموم حياتنا وتجدد الود وتزيد المحبه!
انا لو بكلم حد قابلته قبل كده واتكلمت معاه ،يبقى إحتمال سوء الفهم هيقل لعشره فى الميه!!
بجد يا جماعه الموضوع مهم وياريت تخلوه كل شهر فى ميعاد ثابت!
انا بس عايز انبهكم لحاجه !!
المنتدى ده عامل زى الإدمان ولكن إدمان مفيد !
وأخيرا!!
تحيه وشكر لكل فرد أشترك فى بناء هذا المنتدى الرائع!
تحيه وشكر لكل فرد شارك فى الاعداد والتنظيم لهذه المقابله الجميله!
تحيه وشكر لكل من حضر او شارك فى هذه المقابله!
تحيه وشكر لسيد وفريق الهارلى اللى أثبتوا إن الاخلاق العاليه والروح الحلوه مش مرتبطه بالمستوى الإجتماعى والجاكت أبو الفين جنيه والموتوسيكل أبو 250 الف جنيه اللى مركب فلتر سبور وبيحط بنزين 95!!(آه يابن المحظوظه!!)
تحياتى
أشرف فتحى

**أشرف فتحى** · 11-04-2009 11:16 PM

معلش نسيت الفيديو أكتر من رائع !!!!
معلش بما انى جديد فى موضوع الكمبيوتر فهأخد وقت لغايه ما أعرف أرفعهولكم على الفيس بوك إن شاء الله!
إنتظروا فيلم.... اللقاء التانى
فيلم الموسم وكل موسم
من بطوله
كريم منير
محمد شنورى
ومن لبنان
احمد الحسينى
بس للأسف أحمد بيك ابو زيد كان وعدنا بشو روسى ورقاصه محترمه(مش فاهم إزاى)والظاهر الطياره نزلت بيهم بنى سويف غلط!!فالفيلم هيبقى مفيهوش حاجه طريه خالص غير التورته!!
نياهههههههههه!

**SHNORY** · 11-04-2009 11:19 PM

انا مش عارف ارد عليكم واقول ايه والله
بس بجد انتم احلي صحبه ممكن تتواجد مع الواحد في نفس المكان
الف شكر ليك اشرف باشا علي كلامك الرائع وشعورك الطيب
ربنا يديم المعروف والمحبه في الله

**SHNORY** · 11-04-2009 11:32 PM

المشاركة الأصلية كتبت بواسطة أشرف فتحى

طب تصدق يا محمد باشا انا مستعد أنزلك أسكندريه مخصوص عشان أعرف أشبع منك!!
شوفت الوقت جرى إزاى؟؟

ربنا يعزك ويبارك في عمرك يا باشا
والله يا باشا انا اتمني ان المقابله تكون اسبوع بحاله مش يوم بس
ودايما الاوقات الحلوه بتجري
وحتي لو عملناها شهر حتجري برضه
بس كان يوم ميتنسيش مدي الحياه والله

**SHNORY** · 12-04-2009 12:08 AM

المشاركة الأصلية كتبت بواسطة oka

السلام عليكم
معلش انا رديت ف الاخر خالص
بس بجد كنت سعيد خالص بوجودى معاكم انتم بجد اعز اصحاب وافى ناس قابلتهم
اليوم كل جميل جدا وااااااااااه من السمك وحلاوة السمك هههههههههههههه
بجد تسلم ايد ( الماما ) هههههههه اللى عملته والتورته وجمال تصميمها يعنى تمام التمام
الصحبة جميلة والالفه اللى كانت موجوده
انا تهت ياناس محدش علق على كده ليه
فين برج العرب يا شنورى انت وكريم واحمد ابوزيد
ههههههههههههههههههههههههه ههههههه
الله يلعن الدولى وسنينه بس المهم وصلت عشان اشوفكم واكون معاكم ف احلى يوم
بشكر كل الناس على اليوم ده
مش عارف اقول مين ولا مين
كل الاعضاء الكرام اللى راحوا المقابله بجد يوم رائع وفات اللى مجاش حاجات يامه
بس انا ع نفسى كنت بنام بعد الاكل ولولا الشاى كنت نمت فعلا
يارب ماتنقطع
اخوكم / احمد اسماعيل (اوكا)

حبيبي احمد اسماعيل
يا راجل يا طيب دي الناس اللي جايه من بورسعيد يا دوب وصفنالهم السكه وجم علطول
انت بقي شكلها العربيه سرحت منك
وانت اصلا كنت قلقان انها توصل والله انا كنت قلقان عليك واتبسطت لما انت وصلت
بس انت في الصوره تبان اطول علي فكره هههههههههههههه
كمان انت فرحان اوي انك تهت وعاوزنا نعلق
حاضر يا سيدي ولا تزعل نفسك انا حفضحك قدام الاعضاء كلهم
بصوا يا جماعه احمد بيك اسماعيل
سالنا اجي منين قولناله امسك الطريقالدولي حتلاقي اول ياقطه مكتوب عليها المكس والتانيه الكيلوا 21 ادخل منها
تقريبا المشكله كانت اولا ان اليافطه مكتوبه بالعربي وهو بيقرا انجليزي بس
او ان عربيته لما سرعتها بتعدي ال 200 مش بيعرف يحود بيها
ودخل طريق تاني 60 كيلوا رايح جاي ههههههههههههه
اهو يا سيدي ولا تزعل نفسك حكيت للاعضاء ههههههههههههههههههه
يعني انا بستر عليك وانت مصمم
اتمني اشوفك معانا علطول يا باشا في مقابلاتنا خصوصا انك قريب مننا

**ahmed_esmail** · 12-04-2009 12:23 AM

والله يا شنورى بشكرك شكر خاص وانا فعلا مش عارف العربيه عملت معايا ليه كده ب ال 200 هههههههههههههههههههههه هوا العيب مش ف لغه اليافطة .. العيب ف السرعه الزائده ههههههههه

رجاء للاخ العزيز مايكل لانوس الصور يا باشا انا عطيك الاميل وبكتبهولك تانى
ibn_damanhour@hotmail.com
وياريت يا جماعه لو تبعتولى الصور كامله

-

-

الموضوع: اول تغطية وبث ومباشر من مقابلة عيد ميلاد المنتدى الثاني - إبريل 2009 -

LinkBack

أدوات الموضوع

عرض

-

-

-

-

-

-

المواضيع المتشابهه

مقابلة عيد ميلاد المنتدى الخامس

تغطية مقابلة افطار رمضان 2009

تاكيد حضور مقابله عيد ميلاد المنتدي - إبريل 2009 -

تغطية مقابلة شهر فبراير 2009

تغطية مقابلة عيد ميلاد المنتدي بالصور

الكلمات الدلالية لهذا الموضوع

المفضلات

المفضلات

ضوابط المشاركة