تعديل فى التكييف......أيه رأيكم ؟

**medohai510** · 12-04-2009 01:03 PM

السلام عليكم يا رجالة،،،
بالصدفة البحته الموضوع دة أنا عملتوا أمس في الكليو، والأسباب:
يوم الخميس وأنا ماشي في أمان الله فوجئت بأرتفاع في الحرارة واللمبة الحمرا منورة ركنت علي جنب وأنتظرت حوالي نص ساعة وبعد كدة دورت العربية وزودت المية طبعا ومشيت والعملية تمام التمام شوية كمان حصلت نفس الحكاية فقلت لا كدة يبقي فية حاجة كبيرة والحمد لله، ركنت وفتحت الكبوت لا نقطة مية في القربة ولا الحوض كلة ولا تسريب ولا أي شيء تحت العربية ركنتها يوم الخميس ونزلت الجمعة صباحاً مليتها مية وقعت أدور علي أي تسريب لكن لم أجد شيء فدورتها قلت ممكن تظهر مع دوران الموتور فوجت المية في القربة بتنقص شوية شوية فأتصلت بالمكيانيكي فوراً فقالي أدخل جوة العربية وبص علي الدواسة ففوجئت بفيضان داخل العربية فقالي خلي معك جالون مية وتعالي يا باشا والعملية سهلة أن شاء الله، فرحت أمس فقالي أن أمامي خيارين:
1 أفك السربنتينة بتاعة الدفاية وألحمها عند بتاع الردياتيرات وتركب تاني كما هي.(هوالأصل)
2 نلغي السربنتينة الخاصة بدورة التدفئة.(تذود من كفاءة التكييف)
فطبعاً أنا أخترت الحل رقم 2 وتم عمل وصلة (كوبري) لخرطوم الداخل والخارج للسربنتينة والعملية أصبحت تمام التمام والحمد لله بدون نقص مية.

**عمرو عمارة** · 12-04-2009 01:35 PM

عظيم جداً يا محمد......طيب أخبار كفاءة التبريد إيييييييه؟؟؟؟؟؟

**MMamdouh** · 12-04-2009 03:09 PM

المشاركة الأصلية كتبت بواسطة Ahmed A.Maksoud

دى أنا مش فاهمها قوى
if fan fail, u lose backup heat exchanger function

هو قصدة لو مروحة الرادياتير باظت مش حتعرف تستغل التكييف السخن فى تبريد الموتور

دى من احدى الحلول الوقتية لتعطل مراوح التبريد انك تشغل التكييف السخن على الاخر كنوع من انواع التعويض عن فقد مروحة التبريد اللى راكبة على الرادياتير... و فى حالة عمل التعديل حتفقد الحل دة

عموما انا عملت القصة دى فى عربيتى و عربية والدى لان الheater core باظ و بقى يسرب مية و لقيت تمنة جديد حوالى 350 جنية و بالتالى لغيتة و ريحت دماغى

و على فكرة عملية الالغاء سهلة جدا و مفيش فيها اى خطورة و لا تاثير سلبى على اى حاجة... و مفرقتش معايا فى قوة التكييف البارد خالص

MMamdouh

**M.Mokhtar** · 14-04-2009 01:01 AM

انا كنت عامله فعلا فى الفكترا اللى معايا
وفعلا بيفرق فى التبريد

بس الطبة اللى سادد بيها مكان الخرطوم اللى داخل للتكييف ماكنتش بتسحمل كتير (موتور 2000 سىسى ودورة تبريد مغلقه يعنى قنبلة)

فرجعت الوضع لاصله عشان فرق التبريد مش جامد

بس العمليه دى مفيده اكتر لو فى تسريب ماية من سربنتية التكيف او امواسير التكييف السخن
بتريح دماغك وتلغى السخن خالص

**hanyboudy** · 14-04-2009 02:26 PM

هيا القصة دى فعلا بتتعمل فعلا علشان لو حصل تسريب من السربنتينة الداخلية

وطبعا التسريب ده ممكن تلاقى المياه داخله عليك جوا الصالون وبتعملك ساونا على السريع

والقصة كله انك بتركب كوعه كده مالهاش لازمة بتلغى اكمال دورة المياة بتاعة السخن اللى رايحه على التكييف

وبتفرق بنسبة 10% فى قوة تبريد المكيف

غالباً كل الناس اللى راكبة اوروبى موديلات التسعينات عاملة كده

و مشوفتش حد عمل كده فى عربية يابانى موما هيا مبتفرقش فى حاجة

بس بالنسبة للوحوش معتقدش ان حد محتاج يعملها اصلا فى عربية لسه جديدة متهيالى حرام يعنى لان تبريد مكيف الميجان معقول جدا وحلو والناس كلها تقريبا مبتسوقش بالنهار

فابلاش يا ابوحميد تطلع أفكار IT على Air Condition ده تخصص وده تخصص تانى ( بهزر طبعا يا ابوحميد )