الموضوع: ايه الاستهتار ده...

المشاركة الأصلية كتبت بواسطة Drift_Lover

امبارح كنت راجع من اسكندريه (الطريق الزراعي) رايح القاهرة وبعدين حارجع المنصورة.
كام موقف استفزوني وقلت احكي لكم عليهم.


***********************
كله كوم بقي وأمناء الشرطه وطلاب الكليات الحربيه والعسكريه كوم تاني..
المشهد المستفز عند كل نقطة تفتيش او مزلقان. من اول ماتطلع من اسكندرية الزراعي لحد ماتوصل القاهرة. ومن طريق بنها لحد المنصورة.
عند كل نقطة تفتيش او مزلقان.
تلاقي اتنين تلاته امناء شرطه او طلاب كليات حربيه وعسكرية (بالزي الرسمي طبعآ) تقولوش كاسرين عينا.
واقفين يشاورا للملاكي..
قمة التناكه مايركبوش عربيات أجره لازم ملاكي.
وبرده عساكر المرور مايركبوش غير عربيات النقل او النص نقل.
والغريب ان عسكري المرور هو اللي يوقف العربيه علشان يركب زميله.
والطالب من دول تلاقيه يشاور لك وانت قافل القزاز ومشغل التكييف ولما تشاورله يبص لك من فوق لتحت وكأنه بيشتمك.
هي الملاكي بقت (أجره طلبة الكليات العسكريه ولا ايه مش فاهم )
******************************


لا حول ولا قوة الا بالله...

دا ناقص يقولك انزل من العربية اما اروح بيها وقضيها انت مواصلات :k48::k48:

انا معظم اللي كانوا بيقابلوني كانو محترمين يعني وانا مهدي في الكمين كدا عشان الزحمة تلاقي جاي بابتسامة صفرا كدا ويقوليرايح الحتة الفلانية ياباشا ؟اقوله لا والله يوقلي الف شكر يااباشا مع السلامة ويشاور بايده كدا اتفضل وبتاع (بتحس انهم ناس محترمة وفي احترام متبادل)

وساعات بئي يقابلني الاشكال التيييييييييييت دي لو واقفين علي الطريق مش في كمين بشتمه بالكلاكس وامشي ولو في الكمين ببصله بأرف ولو سال حتي مبردش عليه اساسا

الناس دي بتفكرني بالمثل اللي بيقولك شحات وعايز رغيف فينو او اقرع ونزهي هههههههههههه وحمد الله علي سلامتك ياباشا

المشاركة الأصلية كتبت بواسطة Drift_Lover

امبارح كنت راجع من اسكندريه (الطريق الزراعي) رايح القاهرة وبعدين حارجع المنصورة.
كام موقف استفزوني وقلت احكي لكم عليهم.

****************
الطريق كان فعلا زحمه حوالي الساعه 5 المغرب.
وعند كوبري بنها التاني شوفت منظر أغرب من الخيال...
قمة الاستهتار وقمة السلبيه متمثله في موقف مستفز....

انا كنت ماشي في الحاره اليمين ( 90/ 100 كم /س).. وأفاجأ بعربيه جيب شروكي متفيمه بالكامل ولوح جمارك. جايه من الحاره الشمال وماشي 150/ 160 كم/س.
ضارب النور العالي وكلاكسات للعربيه اللي قدامه (لانسر بومه). وبتاع اللانسر ماشي 120 تقريبآ. وبعدين صوت فرمله جامده (كأن واحد رافع اليد وبيخمي)من سائق الجيب (كان حيلبس في اللانسر. إن لم يكن خبط الشنطه من ورا.)
انا طبعآ شايف المنظر ومش مصدق اللي بيحصل.
الغريب ان الحاره اللي في النص علي يمينه كانت فاضيه. ومع ذلك مصمم ان اللانسر توسع له. او هو كان قاصد يخبطها مش عارف.
حاولت اقرص علشان اتابع الموقف لكن كان قدامي تريللا وعربيه بيجو قافلين الطريق...
تابعت الموقف من بعيد. وبتاع الجيب مصمم ان اللانسر يوسع له. واقم بالله المسافه بينهم كانت لا تتعدي 1/4 متر. وده مصمم يعدي وكلاكسات وضارب النور العالي (الجو كان لسه منور مش محتاج حتي تفتح الور الصغير)...
وبعدين كسر يمين بطريقه جنونيه وعدي...
وكنت في الوقت ده عديت انا كمان من النقل وقربت من اللانسر (اللي كنت موقع منه انه يجري وراه او حتي ياخد نمرته. ولكن لا حياة لمن تنادي) مشيت وراه لاقيت الشنطه فعلا مخبوطه هي والاكصدام الخلفي. ومع ذلك السائق قمة في الهدوء.
قلت جايز من خضة الفرمله ماحسش ان العربيه خبطته....
ولا جايز دي خبطه قديمه وانا ماركزتش في المشهد كويس...
ولا دي سلبيه ولا ايه.
ولكن الموقف فعلا كان مستفز... قمت معديه وقرصت علشان الحق بتاع الجيب شروكي. وجبته علي مطلع كوبري بنها الاول. وفضت قاطره ربع ساعه شويه أقرب وشويه أبعد وانا منتظر اني اتفرج علي حادث مروع (من قمة الاستهتار غرز علي 150 وعاوز الكل يوسع له وكأن .... اشترت له الطريق.
وبعدين طلعنا كوبري قها. وقلت خلاص سيبك منه.
***********************
كله كوم بقي وأمناء الشرطه وطلاب الكليات الحربيه والعسكريه كوم تاني..
المشهد المستفز عند كل نقطة تفتيش او مزلقان. من اول ماتطلع من اسكندرية الزراعي لحد ماتوصل القاهرة. ومن طريق بنها لحد المنصورة.
عند كل نقطة تفتيش او مزلقان.
تلاقي اتنين تلاته امناء شرطه او طلاب كليات حربيه وعسكرية (بالزي الرسمي طبعآ) تقولوش كاسرين عينا.
واقفين يشاورا للملاكي..
قمة التناكه مايركبوش عربيات أجره لازم ملاكي.
وبرده عساكر المرور مايركبوش غير عربيات النقل او النص نقل.
والغريب ان عسكري المرور هو اللي يوقف العربيه علشان يركب زميله.
والطالب من دول تلاقيه يشاور لك وانت قافل القزاز ومشغل التكييف ولما تشاورله يبص لك من فوق لتحت وكأنه بيشتمك.
هي الملاكي بقت (أجره طلبة الكليات العسكريه ولا ايه مش فاهم )
******************************
كله كوم بقي وعربيات النقل كوم تاني...
الاسبوع اللي فات كنت في المطار. واقسم بالله العظيم نقل ماشي 130 / 140 وبيعمل غرز.
وماستريحتش الا لما لاقيته واقف في مدخل القاهره في كمين رادار.
******************************
وتلاقي النقل ماشي في نص الطريق (الحاره اللي في النص)
مع انه كل خطوتين يافطه متعلقه (النقل الثقيل يلزم اليمين)
تلاقيه ماشي في الحاره اللي في النص ولا في دماغه.

امبارح مشيت ورا عربيه نقل ييجي 5 دقايق ومش عارف اعدي من الشمال...
اليمين فاضي. (بس افتكرت كلام واحد صاحبنا هنا في المنتدي لما كان بيعدي عربيه نقل من اليمين وزغدته زغده صغير وعربيته اتبهدلت .. وقال ايه النقل ما بيشوفش الجنب اليمين اللي قدام عنده نهائي طيب ما تمسك يمينك )
وبعدين انا ماشي وراه 100 كم /س
وفي الاخر قررت اعريه من اليمين وقرصت 120 / 130 خايف لا ينسي ان في بشر معاه علي الطريق ويدخل يمين.
قمة الاستفزاز من اول ما خرجت من الاسكندرية وحتي وصلت المنصورة.

لا حول ولا قوة الا بالله...

البلد دى خلاص بقت بلد......:k17:( مفيرسة).....
ومافيش اى انتى فايروس هايشيل الفيروسات اللى فيها ........البلد عايزة قنبلة نووية تنفجر فيها......ربنا يرحمنا من البلاوى اللى بنشوفها..... وحسبنا الله ونعم الوكيل فى كل ظالم......