سؤال فنى لاهل الخبرة فى المنتدى؟؟؟

**zocor742** · 11-04-2009 06:23 PM

وانا عند الميكانيكى لقيت عربيات كتير مفتوح وش الماتور وبتغير طقم شنبر وشميزات يعنى عمرة ماتور بس المشكلة انها كلها عربيات حديثة لانسر اوكتافيا اسبرانزا نوبيرا لانوس فيرنا يعنى على الاقل اقل موديل فيهم 2000
السوال بقى ؟؟هل بعد العربية متعمر ماتور بيكون نفس كفائة المتور هو هو ولا بيكون فرق بسيط طبعا الجديد مفيش زية ولا بيكون فرق كبير فى الائداء واية سبب تغير الاجزاء دية؟؟
وشكرا...............................

**zocor742** · 13-04-2009 05:53 AM

اية يا جماعة محدش يعرف ولا اية فين عباقرة المنتدى شكل الناس مشفتش الموضوع
فى انتظار ردود حضرتكم...................................... ....................

**samirayad** · 13-04-2009 08:06 AM

_ ممكن بسبب سوء الأستخدام (كيك داون وسواقه عنيفه ).............

_ ممكن بسبب قطع سير الكاتينه...............

_ مكن قافش بسبب أهمال تغيير الزيت فى ميعاده ......أو متابعة الحراره.......

ياعنى لاتتعجب كل شىء وارد مع الأهمال..........

**zocor742** · 13-04-2009 09:33 PM

اكيد الاهمال يعمل اكتر من كدة وبعد ما سئلت الميكانيكى قالى دة اغلبهم عربيات ايجار وانت عارف بقى الى بيأجر عربية لازم يخلص الفلوس الى دافهعا فيها
بس الى عايز اعرفة بعد ما المكنة بتعمر بتفرق فى اية عن الجديد
وشكرا لرد حضرتك

**samirayad** · 13-04-2009 10:45 PM

اكيد الاهمال يعمل اكتر من كدة وبعد ما سئلت الميكانيكى قالى دة اغلبهم عربيات ايجار

فعلا تأجير العربيه بمثابة تدمير للعربيه

وانت عارف بقى الى بيأجر عربية لازم يخلص الفلوس الى دافهعا فيها

لا دا بتبقى قلت أمانه.....ياعنى علشان دافع 150 أو 200 جنيه يضيع عربيه ب70 ألف مثلا......بس حتقول أيه (عدم أمانه )

بس الى عايز اعرفة بعد ما المكنة بتعمر بتفرق فى اية عن الجديد

المفروض ماتفرقش لو فيه جوده من جهة قطع الغيار ( نفس القطع الأصليه ).......دا غير بقه نظام بليه وخلافه.......يبقى فى الحاله دى حتفرق....( أصل الناس اللى بتجمع المكن بره بتشتغل بنظام علمى وقياسات وعزوم رباط لكل مسمار بيتحط فى العربيه )......علشان كده مش ممكن تلاقى اللى متعمره عندنا زى بتاعة بلادها......دا عندنا بيحرق على المسمار وعاوز يكسره...............