اوبترا ولا صنى ولا لانسر ؟؟

**mina_ramsis** · 19-09-2007 05:58 PM

انا معايا صني وكويسة جدا
الاوبترا ناس كتير اشتكوا منها
اللانسر 1300 كويسة بس ضيقة شوية

لو سمحت ممكن تقولى الناس اشتكوا من ايه فى الاوبترا
و لكل جزيل الشكر

**tmz9111** · 19-09-2007 06:10 PM

أنا أرشح لك الصنى

**Ahmed Anwer** · 19-09-2007 06:13 PM

ثانيا في مصر انا استعدت اني ادفع مبلغ فوق الـ 60 الف في عربية كوري ....معلش ومع احترامي للعربيات الكوري والتكنولوجيا الكوري ولكوريا نفسها ...
انا افضل اني ادفع المبلغ دة في عربية ياباني حتي لو كانت نيسان مصري ...

يعني انا لو بافكر زيك ..هاستبعد الاوبترا ....نظرا لان سعرها مغاللللللي فية جداا ....

ده حضرتك كمان شوية تقول لو طلعولي في كيس الشبيسي ببلاش هارميها :D :D :D :D
عربية ايه اللي ما تزيدش عن ستين ألف هوا في عربية سعرها أقل من ستين ألف
و الأوبترا ايه اللي سعرها مبالغ فيه ؟؟؟؟؟
تصميمم حديث و تحفة و صالون واسع وشكل لسه جديد و موتور 1600 CCتوكيل محترم ، عليها علامة شيفرولية إنشاء الله تكون مصنعة في كفر البطيخ ، شيفرولية بتنزلها بنفس الشكل في أمريكا و اوربا ، يعني أكيد مش هتكون عربية زبالة
دي طبعا أفضل عربية في السعر ده Best Value for Money

**mina_ramsis** · 19-09-2007 06:54 PM

تصميمم حديث و تحفة و صالون واسع وشكل لسه جديد و موتور 1600 CCتوكيل محترم ، عليها علامة شيفرولية إنشاء الله تكون مصنعة في كفر البطيخ ، شيفرولية بتنزلها بنفس الشكل في أمريكا و اوربا ، يعني أكيد مش هتكون عربية زبالة

كمان نسيت تقول حاجة يا باشمهندس احمد ان الاوبترا اللى فى كندا و امريكا صناعة كورى من نفس المصنع اللى بيصنع الاوبترا اللى بتيجى مصر بس فى الولايات المتحده تحت اسم سوزوكى فورونزا

**mohamedhamdy82** · 20-09-2007 05:21 AM

على فكره يا جماعه ردودكم هايله .... وهى ان شاء الله هتشجعنى فى اتخاذ القرار المناسب ...

**Haitham Ali Mohamed Al-Na** · 26-09-2007 01:09 PM

الأوبترا أفضل متور 1600 في السوق المصري (باستثناء الهوندا سيفيك) المتور ده مطور في شركة Holden في استراليا و يتم استخدامة قي الأوبترا و الأوبل أسترا و سيارات أخرى تابعة لجنرال موتورز
عزم المتور
150 N/M
@4000 rpm
القوة الحصانية
107
@5800 rpm
على فكرة أصدقاء ليه عندهم لانسر 1600 أوتوماتك أقدر أقول ان الأوبترا تتفوق من ناحية المتور و هدوء التشغيل و المساحة اداخلية اللانسر أفضل من ناحية جودة الخامات المستخدمة في الصالون و الطلاء الخارجي و ناقل الحركة الأوتوماتكي أكثر تطور من الأوبترا من الآخر الفرق بين العربيتين ما يستهلش فرق السعر خالص
أما اللانسر 1300 أنا مشاف سبب واحد يخليها منافسة الناس بتجبها لمجرد التقليد و اللانسر كانت كويسة لما كان السوق مفهوش عربيات 1600 زي دلوقتي و لو عايز عربية 1300 يباني طبعاً الياريس أحسن من اللانسر.

وده رأي المتواضع

**Ahmed Anwer** · 26-09-2007 05:56 PM

و الأوبترا أيضا تتفوق في الثبات عن اللانسر و عن تجربة
بس بصراحة الأوبترا تابلوها شكله قديم ،، و الحتة السودا اللي ماشية بطول تابلوه العربية شكلها مش حلو
بس اللانسر برده تابلوها مش حلو

**hofo** · 04-10-2007 07:46 AM

هوينداى النترا

حتقولى مش فى المنافسة
حقولك ما انا عارف
بس بغلس

**mohaismail** · 05-10-2007 03:48 AM

انا من رأيى ايعد عن لانسر العربية ممكن تكون كويسة بس هيه 1300 لو انت اصلا عاوز 1300 يبقى تجيب هوندا سيتى وانت مغمض من غير اى مقارنة مع عربية فى نفس الفئة
بالنسبة ل 1600 قدامك اوبترا وصنى والاتنين التوكيل بتاعهم من انضف التوكيلات اللى فى مصر بدون منازع تقدر تقول انهم افضل توكيل فعلا والاوبترا عربية كويسة وشكلها معقول وموتورها صوته هادى جدا بس صاجها ضعيف شويه
بالنسبة للصنى انا رأيى ان ده اول اختيار ليك وهيه احسن عربية فيهم شكلها الخارجى فخم جداا وموتور قوى جدا وجميع الكماليات
وامتن سيارة من ناحية الصاج يعنى امتن بمراحل من لانسر اوبترا تويوتا تقدر تقول العربية فعلا حديد
بس فيها عيوب
استهلاك بنزين عالى -صوت الموتور عالى - بصراحة الفرش بتاعها مش عاجبنى بس طبعا كلنا بنركب فرش جلد فتقدر تلغى العيب ده
بس دى العيوب اللى فى الصنى غير كده العربية كلها مميزات
انا ارشحلك صنى واوبترا ورقم واحد صنى
انا اشترتها من العوض جروب اللى فى المعادى وعلى فكرة هوه موزع معتمد لشركة نيسان وشركة المنصور للسيارات يعنى ممكن تروحله وهتلاقى الشركة متقسمة 3 اجزاء جزء لفورد سيبك منه وجزء لاوبل وشيفروليه وجزء لنيسان وتقارن هناك برحتك

**mohamedhamdy82** · 05-10-2007 08:27 AM

اولا شكرا لكل الاعضاء اللى شاركوا بمداخلاتهم ...
اولا الصنى بدأت اخاف منها مش عارف ليه .. يمكن علشان العربيه ارتفاعها عن الاض مش كبير وبيتأثر بالوزن بصوره كبيره .. انا لما بشوف قاعد فيها اربعه بيبقوا موطيين العربيه بصوره جامده ... ثانيا انا خايف من اسعار قطع الغيار مش عارف ليه حاسس انها غاليه .. ثالثا كان فيه واحد من العضاء قالى ان فيه وصلات كتير فى الموتور بلاستيك ودى مشكله ..
اما الانسر 1300 فشيلتها من دماغى خلاص ... لانى قلقان من موضوع 1300 cc ده ... السعر للاسف هو اللى حاطها فى المقارنه ..
اما الاوبترا فبصراحه الواحد ميال ليها مش عارف ليه .. انا قريت عنها كتير وشوقت كلام الاعضاء عنها .. ويمكن هو ده اللى حبب الواحد فيها ........ :mrgreen:
ده غير انى سألت ناس عليها فى الشارع وناس ركبتها وكلهم بيشكرا فيها جامد...

الموضوع: اوبترا ولا صنى ولا لانسر ؟؟

LinkBack

أدوات الموضوع

عرض

-

-

-

-

المواضيع المتشابهه

مقارنة بين لانسر بومة &شيفرولية اوبترا

اوبترا - صنى - لانسر

لانسر ولا اوبترا ولا اكسنت

اوبترا والا لانسر

لانسر 1300 ام اوبترا(مانيوال)

الكلمات الدلالية لهذا الموضوع

المفضلات

المفضلات

ضوابط المشاركة