اوبترا ولا صنى ولا لانسر ؟؟

**mohamedhamdy82** · 15-09-2007 08:58 PM

ياريت يا جماعه حد ينصحنى اجيب اوبترا مانيوال 1600 ولا اجيب صنى 1600 ولا لانسر 1300 ... الفلوس على القد ومافيش امكانيه انى اعلى علشان اوصل لللانسر 1600 ... فياريت حد يقول لى اعمل ايه فى الحيره دى ؟؟
بصاحه انا ميال اكتر للاوبترا خصوصا انى حاسس ان صاجها جامد ولا انا غلطان ؟؟

**hero** · 15-09-2007 09:14 PM

رغم اني لسة بافكر زيك برضة كدة ...بس هاقولك علي ايلي وصلتلة:
اولا صاج الاوبترا مش جامد ولا حاجة....عن تجربة (انا كان معايا ايبيكا ودة الموديل الاكبر 2000 cc ) صاجها زي اي عربية جديدة صعيف جدا....بس مش زي الهيونداي (الاكسنت مثلا) او اللانوس...

ثانيا في مصر انا استعدت اني ادفع مبلغ فوق الـ 60 الف في عربية كوري ....معلش ومع احترامي للعربيات الكوري والتكنولوجيا الكوري ولكوريا نفسها ...
انا افضل اني ادفع المبلغ دة في عربية ياباني حتي لو كانت نيسان مصري ...

يعني انا لو بافكر زيك ..هاستبعد الاوبترا ....نظرا لان سعرها مغاللللللي فية جداا ....

يعني هاتختار ما بين اللانسر الـ 1300 او النيسان الصني ....ودة علي حسب احتياجك للـ 1600...
يعني انا مثلا افضل اللانسر الـ 1300 مانيوال (الاوتوماتيك مش كويس خالص مع الـ 1300 ) عن اللانسر المصري الـ 1600...لان بالتأكيد التقفيل المصري مش مضمون...
ولان النيسان ثقيلة جدااااااا في البيع....

**Sharky** · 15-09-2007 11:08 PM

رأى الشخصى لانسر 1300 مانيوال

**ahmed1981** · 15-09-2007 11:13 PM

نيسان صني 1600 هو إختياري لو كنت مكانك

ياباني وإن كان التقفيل مصري
تقفيل مصري صحيح لكن المصنع مملوك بالكامل 100% لشركة نيسان العالمية
ويوجد في المصنع ناس يابانيين شغالين مع المصريين وأنا شفتهم بعيني جوه المصنع (أظن ده هيحجم من فهلوة العامل المصري)

الحقيقة علاقتي بهذه السيارة مجرد رؤية من الخارج فقط (لم تتح لي الفرصة أن أركبها)
ولكن أرى أنها أفضل من الأوبترا وطبعاً من اللانسر 1300 (عمر ال 1300 ما تكون أفضل من 1600 خاصةً إذا كان الموتورين ياباني) من وجهة نظري

ومعانا في المنتدى البشمهندس سبعاوي إشترى نيسان صني فيا ريت تسأله
والله أعلم

**محمد البحيري** · 15-09-2007 11:13 PM

رايي لانسر 1300 مانيوال لانها منتشره جدا فده عملها سوق قطع غيار و سعر اعاده بيع عالي

**المتميز** · 16-09-2007 05:20 AM

طبعا أوبترا

**المتميز** · 16-09-2007 05:29 AM

يا راجل حرام عليك
بتفكر في إيه
هو انت عمرك مالعبت شطرنج؟
دي نقلة أسهل بكتير من أي نقلة شطرنج عمرك لعبتها
قدامك تلات نقلات .. قصدي عربيات
واحدة 1300 من غير كلما إستبعدها
إيه إللي يخليك تجيبها و أنت معاك تجيب 1600 محترمة؟
مش هقولك على القوة و العزم و التحميل و السحب و الإحتمال و الإعتمادية و التكييف و ... و .... طبعا فاهمني
فاضل نقلتين ... قصدي عربيتين ...
واحدة لا بتنباع و لا بتنشري و سوقها تعبااااااااااااااااااااان و تقفيل مصري و شكلها قدييييييييييييييييييييييي م و الإسم ياباني
و التانية ... شكل و قوة و تحمل و أداء و توكيل محتررررررررررررررررم و مراكز خدمة و صيانة و ....
عرفت تلعب إيه؟