الموضوع: هل فيه إمكانية لتصليح السماعات؟!!

أخيراً عرفت سبب أن فيه زنة ودبة مع البيز في السماعات أيه .. مطلعش بسبب تراب ولا أي حاجة تانية .. السبب هو سير الدينامو مكنش مشدود بشكل كويس فمكنش بيشحن البطارية بشكل كويس .

واللي خلاني أعرف أني كنت في مشوار وراجع منه وواقف تحت البيت وبطلت العربية .. وجيت أدورها تاني مفيش فايدة خالص .. وتهييس في السنتر ووحدات الرفع .. قلت يمكن فيوز ضرب ولا حاجة .. راجعت على الفيوزات .. كلها سليمة !! استنيت شوية يمكن تدور مفيش فايدة .. رحت مدورها زق .. ومستغرب من الموضوع ده لأن البطارية جديدة وكفائتها كويسة جداً .

المهم أديت العربية للكهربائي وكشف عليها وقالي أن سير الدينامو كان مرخي ومكنش مخلي الدينامو يشحن البطارية بشكل كويس .. ولولا أن البطارية جديدة وكويسة مكنتش صمدت معاك فترة طويلة .

المهم بعد ما ظبط الموضوع ده لاقيت السماعات اشتغلت زي الفل وكأن مفيش حاجة والحمد لله .