الموضوع: تجربة تسارع الإلنترا 2008 أوتوماتيك ( 211 كم/ ساعة )

استاذ بيشوى انا اعتقد لو الطريق مفتوح شوية ممكن توصل 240..ولو ركبت فلتر سبور وبوجيهات سبليت فاير ممكن تجيب 260 مستريح وتبقى يعم زى الهوندا ال sir

[QUOTE=semsem kane;802379]

المشاركة الأصلية كتبت بواسطة bishoy02010

مش فاهم حضرتك بتسأل ولا مستغرب ولا شايفها سريعة ولا إيه !!! انتة شايف إيه ؟؟؟!!!

طبعا بطىء مش سريع وانا اقصد لحد 140 لانك بتقول بعد كدة انك بدأت تدوس لكن متقطع عشان تبقى عارف انا بتكلم على اية


[CENTER]مش عارف ارد ققلك إيه بصراحة بس كلمنى وانا هنزل اوريك الحتة ديه على الأوتوستراد فيه عشان تعرف انة اتغير بقة :)

ياباشا انا بس حبيت اسال لانى ماخدتش بالى من الطريق فبتاكد منك طريق اية اللى على الاستوراد اللى يستحمل 211 كيلو مع انى بجيب ال200 فى اقل من 20 ثانية.

جمدة حتت 200 فى اقل من 20ثانية دى

المشاركة الأصلية كتبت بواسطة Ahmed20_08nubira

استاذ بيشوى انا اعتقد لو الطريق مفتوح شوية ممكن توصل 240..ولو ركبت فلتر سبور وبوجيهات سبليت فاير ممكن تجيب 260 مستريح وتبقى يعم زى الهوندا ال sir

يااااااااااااااااه بجد اركبلها بوجيهات سبليت فاير تبقى SIR بس لو ركبتلها فلتر بقى هتتقلب بوجاتى انتة متعرفش ولا إيه مش عارف انا العربية مضيقاك فى إيه نفسى أفهم

طبعا بطىء مش سريع وانا اقصد لحد 140 لانك بتقول بعد كدة انك بدأت تدوس لكن متقطع عشان تبقى عارف انا بتكلم على اية

حضرتك شايف تسارع سيارة 1600 اوتوماتيك بحالة المصنع سعرها 100 الف بطئ ده على اساس ان حضرتك بتقارنها بعربية إيه معلش !!! ياريت تورينى عربية 1600 فى رينج 100 الف تسارعها بيقرب لتسارع الالنترا ولو من بعيد حتى وبعدين نتكلم على موضوع بطئ ده :)

ياباشا انا بس حبيت اسال لانى ماخدتش بالى من الطريق فبتاكد منك طريق اية اللى على الاستوراد اللى يستحمل 211 كيلو مع انى بجيب ال200 فى اقل من 20 ثانية.فياريت بس توصفلى المكان فين بالظبط واهوة فرصة نبعد عن الرادارات شوية

200 فى ققل من 20 :) طيب ما علينا ياريت تصورلنا العداد اللى بيقل 200 فى ققل من 20 وتوريهولنا ده كده الناس من بكرة هتروح تشترى عربيتك الطريق الاوتوستراد بعد نزلة 15 مايو اللى بتوديك على حلوان :)

ياباشا صاحبى معاة الانترا بقالها معاة 9 شهور بالظبط وجايبها اتوماتيك بردة والتكييف بتاعها مش قد كدة ابقولش وحش بس مش زى اليابانى خالص اللى فى (نفس الفئة)

نصيحة خالى صاحبك يروح يصلح التكيف فى التوكيل انا ركبت يابانى ومفيش اى فرق فى التكيف ينهم :) جه بغض النظر ان التكيف مبيأثرش بشكل ملحوظ على السحب

دية بقى عن تجربة وتقريبا عيب هيونداى كلها من اول عربية لاخر عربية الفرامل لانى سوقت الفيرنا,والجيتز,والانترا2008 كلهم فراملهم ضعيفة من بعد 100 هتقولى بقف من 210 لحد 100 كيلو فى 4 ثوان مش هقتنع ابقها صورها ومش على 200 على 160 وشوف هاتنزل فى قد اية فرامل الهيونداى غير مجدية فى السيارة بعد ال100 ودة عشان البودى الخفيف للسيارة زى بالظبط كدة الفيرنا عملوها تجرى لكن مابتقفش
وربنا يسترها عليك وعلينا ومش هقولك ماتجريش عشان انت قولت فى اول الموضوع اللى عندة كلمة يوفرها لنفسة

الفرنا فراملها وحشو اتفق معاك جدااا والجيتس معرفش الالنترا انا مش محتاج انى اروح امشى 200 واصورلك العداد عشان اثبتلك انها بتقل من 210 لحد 100 فى 4 ثوانى بس وعد لو جت قدامى فرصة هبقى اعملك كده وعلى فكرة فى كومنت فوق اهه بتاع مالك للألنترا اكد موضوع الفرامل وادى الاقتباس من كلامة

ثالثاً : الفرامل القرصية ورا وقدام عاملة شغل حلو جدا وبرضه معنديش إيه بي إس ونزلت من 180 ل120 في ثانيتين تقريبا ومحدش يقولي صورها لأني محسبتها ومصورتهاش ومش ناوي أعمل حاجة زي كده في العربية بغرض التحدي والتصوير أنا سواقتي في البلد دي (جدة) كده وبسوق كده عادي يعني لما بتكون الظروف مناسبة وفيه اضطرار لكده

فنا مش بكدب عليك ولا الشركة هتدينى عربية هدية لما ققول ان الالنترا فراملها حلوة

وأى استفسار تانى انا تحت امرك

المشاركة الأصلية كتبت بواسطة neyazi

السلام عليكم يا جماعة
أنا قرأت الموضوع كامل دلوقتي وكنت ناوي أعلق بالتفصيل بس بعد الخناقات اللي شفتها مش عارف أقول ايه ولا ايه
أنا أحمد مصطفى عايش في جدة ومعايا إلنترا 2009 أوتوماتيك 1600 سي سي وعاملة 2000كيلو لحد دلوقتي
أولاً :
كتالوج السيارة كلنا عارفين إن فيه تعليمات التليين إنك خلال أول ألف كيلو الأر بي إم يكون بين 2 و 4 يعني السرعة من 80 إلى 160 ده طبعا والسيارة واخدة الغيار الأخير اللي هو الرابع أنا كنت بمشي بيها 120 وبعد ما خلص الألف مشيت 140 وبعد ألف وخمسمية فتحتلها شوية وعشان لسة مخدتهاش مشوار طويل أكتر حاجة مشيتها 180 بدون نية للجري أو كسر عداد عادي يعني .

بالنسبة لثبات السيارة أحترم جدا اللي قال إن السيارة ثابتة عند 140 وبعد كده السيارة بتديك إحساس إنها ثابتة بس مش بتكون ثابتة قوي

إيه الإحراج ده :) طيب الف شكر :)

وإن كنت حسيت بثباتها شوية وفي يوم ما مشيت 180 زوجتي كانت معايا وقلتها شدي الحزام وجبت ال180 بكل سهولة وفاديت بيها سيارات كانت ماشية 120 يعني بالمصري غرز وزوجتي مخاتفش خالص والسيارة كانت أكتر من رائعة وإن كانت تحتاج إلى يد سائق حساسة جدة للدركسيون وده طبيعي عشان السرعة

+1111

وبرضه أرجو محدش يقارن ثباتها بالبي إم إحنا بنتكلم عن سيارة حلوة مش هنقارن بسيارة في فئة تانية لأن مش كل واحد يقدر يشتري بي إم فاللي عنده بي إم ربنا يباركله واللي عنده إلنترا بنقوله الكلام ده عن الثبات والطبيعي إن مش كل السيارات هتبقى معجزة في الثبات واللي يقدر يشتري الغالي يشتري واللي ميقدرش أهه بيشتري اللي على قده يعني لما نقول كلمة (ثبات أكتر من رائع) يبقى بنقصد بالنسبة للإلنترا وما في فئتها ياريت منقارنهاش بسيارات وزنها قدها مرتين ومحركها أكتر بألف سي سي أو 900 سي سي .

كلامك حيادى ومنظقى جدا بحيك علية

ثالثاً : الفرامل القرصية ورا وقدام عاملة شغل حلو جدا وبرضه معنديش إيه بي إس ونزلت من 180 ل120 في ثانيتين تقريبا ومحدش يقولي صورها لأني محسبتها ومصورتهاش ومش ناوي أعمل حاجة زي كده في العربية بغرض التحدي والتصوير أنا سواقتي في البلد دي (جدة) كده وبسوق كده عادي يعني لما بتكون الظروف مناسبة وفيه اضطرار لكده

اه يا جماعة يعنى لما قلت بتنزل من 210 ل 100 فى حدود 4 ثوانى مكنتش بألف يعنى والراجل اكد كلامى

رابعا : اللي بيسأل عن أعلى تسارع أو أعلى سرعة الأخ صاحب الموضوع مش محتاج تقول وتكرر وتحلف وتبرهن على السرعة اللي جبتها أي حد يدخل اليوتيوب ويكتب (تسارع إلنترا) هيشوف بنفسه إنها كسرت العداد خالص يعني أقل من 230 بحاجة بسيطة جدا الـ 2000 سي سي واعتقادي الشخصي وبعد ما جربت سيارتي إنها برضه هتكسر الـ 220 بس في وقت أطول شوية طبعا .

عندك حق اللى عايز يصدق يصدق واللى مش عايز هوة حر

خامساً : بالنسبة لقصة المانيوال والأوتوماتيك يا جماعة الخير المانوال طلعتها أسرع لسببين 1- الغيار الأول في الأوتوماتيك ترسه أكبر من المانوال وده بيديها قوة أكتر لو طارع مطلع مثلا وبالتالي سرعة أقل لنفس الغيار في المانول
2- طبيعة عمل الفتيس الأوتوماتك مبضغطش على الفتيس والماكينة حتى لو عايز تسارع فجائي هي مش بتسمحلك تعمل كده عشان متأذيش الماكينة أو الفتيس

ده بالنسبة للطلعة أمابالنسبة لأقصى سرعة المانوال زي الأوتوماتك بس خد عندك قنبلة صغيرة قد تكون غريبة عن البعض
ادخل موقع elantramore ونزل كتالوج السيارة وشوف نسبة التروس بتاع كل موديلات الإلنترا هتلاقي إن ترس الأوتومتك الأخير اللي هوالرابع نسبة دورانة مع الماكينة أقل بجزء بسيط من الأخير في المانيوال اللي هو الخامس يعني الأوتوماتيك هتديك جري أكتر عند أر بي إم أقل وبالتالي هتكون أسرع من المانيوال بس بجزء بسيط برضه يعني نقدر نقول الاتنين زي بعض يعني المانيوال مش أسرع ولا احاجة .

انا قلت لو كتبت هنا كده هيتريقوا فقلت بلاش مش ناقصة بينى وبينك :) هوة فعلا المانيول هيطلع اسرع لكن فى التوب سبيد والتسارع للأخر معتقدش هيكون فيه فرق كبير بالدرجة

سادساً : حكاية البودي الصغير والكبير والشاسية اللي ...... معرفش عنها حاجة ياريت صاحب الموضوع ده يمدنا بأدلة أو أرقام عشان نتعرف أكتر على سيارتنا اللي بنحبها

أنا بردة معرفش اى حاجة عن الموضوع ده غير من العضو اللى دخل قال كده ومسمعتش من اى حد على الموضوع ده نهائى

سابعاً : مش هقول لصاحب الموضوع متجريش كتير لأ هقوله اجري بس في المكان المناسب ودي طبعا بلدك وانت عارف المكان المناسب
على فكرة انا برضه مصري بس من خارج القاهرة ومسوقتش بسرعة في مصر لأن مكانش عندي سيارة .

متقلقش ديه كانت تجربة وعدت والجرى مش هيكةن غير فى طريق سفر نضيف انشاءالله والف شكر على النصيحة :k10:

ثامناً : أنا برحب بكل الردود بس ياريت تكون خالية الاتهامات والتهكمات وخلينا نفيد بعض مفيش سيارة كاملة وأنا لو كنت اقدر اركب بي إم كنت ركبت والفئة السابعة كمان هههههه واللي عند بي إم لوكان يقدر يركب مايباخ كان ركب فكل واحد بيركب زي ما بيقدر فبلاش تهكم وخلينا نفيد بعض .

تاسعاً : أنا آسف جدا طولت عليكم وأرجو الناس ترد على كلامي وتقل رأيها

أخوكم أحمد مصطفى
عايش في جدة - السعودية

ياباشا نورت الموضوع وبجد

أنا مش لاقى كلام ققولة بعد اللى انتة قلتة تماااااااااااااااام و 100% كلام سليم بجد