الموضوع: الكمبيوتر الشخصي..مشاكل وحلول(إن شاء الله)

المشاركة الأصلية كتبت بواسطة Fadi Ezzat

انت مش هتحاتج التعريفات الا فى حالة واحدة وهى انك تغير الويندوز نهائيا
فى الحالة دى بس هتحتاج التعريفات
طيب ادام بيسخن يبقى هنتطر نفتحة ونشوف المروحة بتاعة البروسور والباور ونشوفهم اخبارهم اية ونظفة بال plower

المروحه شغاله انا بسمع صوتها كل شويه تشتعل مش يمكن نوع الجهاز كده انا اسمع ان في انواع بتسخن بسرعه

طيب افتحو ازاي والمرروحه بتكون فين ى سهله يعني ولا صعبه وال plower اجيبو منيين ينفع انضف المروحه ب برفان او كوحول مثلا

المشاركة الأصلية كتبت بواسطة Tam

لو 2 مش هتضر الهارد في حاجة
بس بتبقى أحسن في حالة حدو ث أي ظرف لل C drive لا قدر الله
قول لي الإصدار اللي عندك كام من البرنامج وخير إن شاء الله

Acronis Disk Director Suite® Trial version 10.0 (build 2,160)

أنا جييييييييييييت!معلش إتأخرت بس فادي والرجالة عاملة شغل الله ينور

المشاركة الأصلية كتبت بواسطة OlaOsman

انا داخلة بس أحيي الفكرة و صاحب الفكرة

ميرسي ليكي والموضوع جميل بالمشاركة من الجميع

المشاركة الأصلية كتبت بواسطة Fadi Ezzat

هعارضك فى الحتة دى
افضل برانمج فيروسات على الاطلاق mcafee 9
وخدة بالكم من 9 دى
اولا مافيش فيروس بيقف قصادة ثانيا انت بتعمل update وبتناساة هو بيعيش لوحدة ومع نفسة مش زى الكاسبر كل شوية عايز مفاتيح ومش عارف عايز اية واية واية وهكذا
وavira حلو وكل حاجة بس فية انواع فيروسات بتقف قصادة

إسمحولي أعقب..
الavira فعلا كان رقم واحد لمدة كام شهر..بس رجع التي الكاسبر يتفوق عليه
الكاسبر لو المستخدم advanced بيقدر يظبطه وبيبقى أكتر من ممتاز..نمسك مشاكله واحدة واحدة بس هاتكلم على أفضل نسخة وهي KIS 7:
1-التقل.....ودة حله سهل أوي بتظبيط من الsettings
2-التفعيل....ودة حله أسهل وأسهل بياخد من وقتك 4 ثواني مرة كل شهر
ما أعتقدش إن في كدة أي مشاكل فيه وبالفعل وبشهادة الخبراء هو أفضل وأذكى مضاد فيروسات من المعروفين

المشاركة الأصلية كتبت بواسطة Fadi Ezzat

انت مش هتحاتج التعريفات الا فى حالة واحدة وهى انك تغير الويندوز نهائيا
فى الحالة دى بس هتحتاج التعريفات
طيب ادام بيسخن يبقى هنتطر نفتحة ونشوف المروحة بتاعة البروسور والباور ونشوفهم اخبارهم اية ونظفة بال plower

كلام سليم بالنسبة للتعريفات..ولو محتاح تغير النسخة مثلا من أول وجديد لأي سبب ومش عايز الريكوفري ولا عايز تنزل من على النت ممكن تسحب التعريفات ببرنامجDrivers Genius
أما بالنسبة للسخونية خلي بالك يا فادي إن دة لابتوب..ومش سهل على أي شخص يفكه..فنصيحة مدام السخونية مش بتوصل لدرجة الفصل يبقى بلاش فك..وإعمله بس ب air blower بس من بعيد شوية على الair vents نفسها
وبأي حال من الأحوال بلاش موضوع الزيت في أي مروحة خاصة بالكمبيوتر لأنها صحيح بتبقى كويسة في الأول لكن بتلم تراب أسرع فبتبوظ بعدها

المشاركة الأصلية كتبت بواسطة Ahmed20_08nubira

مكافى ونورتون وكاسبرسكاى بيخلو الجهاز تقيل بطريقة رهيبة
هو اة فعلا مفيش حاجة هتقدر تدخلك بس انابفضل يكون الجهاز خفيف +عندى برنامج فيروسات مش بطال

تم الرد على النقطة دي

المشاركة الأصلية كتبت بواسطة M.Mokhtar

ممكن تعمل سى دى لل recovery عشان لو الهارد حصله حاجة
بس خلى بالك دى بتتعمل مره واحده
يعنى لو عملتها وكتبلك succeeded مش هتعرف تعمل غيرها
الطريقه بالظبط مش فاكرها عشان كنت عملتها فى لاب توب اختى
بس هتلاقيها مكتوبه فى الكتالوج
وتقريبا هتلاقيها فى start -> programs -> make recovery disk
حاجة زى كده

كلام سليم جدا بس مش موجودة في كل الأجهزة

المشاركة الأصلية كتبت بواسطة moudy88

اولا انا احي اصحاب الفكره تحيه شديده والواحد كان مستني فعلا حاجه زي كده ....ثانيا انا عندي لاب توب سيمينز amilo pro 2065 بروسيسور 1.86 centrino هارد 80 كارت شاشه ati 128 ddr2 1 gega وعندي مشكله كبيره ....كل لما افرمت الجهاز علشان انزل ويندوز ...بعد لما عمليه الفورمات تخلص وتيجي تنزل الويندوز الاب بيفصل (shut down) وبيقعد يعمل كده عالطول لحد لما افقد الامل ...ومره من عشرين محاوله الويندوز بينزل واللاب مابيفصلش ....وبعدين الحكايه بقت تحصل في لعبه عندي strategy game وبقى بيفصل عند مرحله معينه ...ياريت اعرف ايه السبب لان فيه ناس بيقولولي رامات باظت .....وشكرا

شكرا ليك أولا..ثانيا زي ما قال فادي بس أنا بارجح بنسبة 98% إن دي حرارة سواء مروحة أو هارد ديسك
نزل برنامج Speedfan من غير مسافة زي مانا كاتبه
دة برنامج هيجيبلك درجة حرارة كل حاجة في الجهاز
وبرضه أنصحك بالair blower

المشاركة الأصلية كتبت بواسطة Fadi Ezzat

اولا يابشا مهندس دة احتمالين
1-اما ان يكوت رامات
2-اما ان كون كارت شاشة
فانت جرب هات رامات من حد تعرفة وجرب لقيتة اشتغل يبقى غير الرامت
مالتوش اشتغل يبقى جرب كارت شاشة تانى غير الى عندك
وان اشاء الله تتحل
وفى نفس الوقت عايزك تشوف المروحة بتاعة البرسور اية نظامها يعنى شغالة بنفس كافئتها ولا لا
لو لأ هتنظفها ب plower
وبعدين تغسلها بتنر
وبعدين تحط على الملف بتاعها شوية زيت صغيرين
وتحياتى

نفس الموضوع مش اي حد يقدر يفك اللاب

المشاركة الأصلية كتبت بواسطة nazaryia

Acronis Disk Director Suite® Trial version 10.0 (build 2,160)

http://rapidshare.com/files/221443278/Keygen.zip.html

إنت بس تطلب وإحنا ننفذ إن شاء الله

الكريم ابو لون رصاصى اللى بيتحط بين البريسسور والمبرد الاقيه فين وبكام؟؟

المشاركة الأصلية كتبت بواسطة maka

الكريم ابو لون رصاصى اللى بيتحط بين البريسسور والمبرد الاقيه فين وبكام؟؟

الكومبوند دة درجات..إنما لو انت عايز حاجة زي arctic silver 5 والحاجات اللي بتبقى نترات فضة وكدة تقريبا سعره 125 جنيه..كان في واحد بيجيبه من برة وبيبيعه ب 110