ثانى تغطيه لعيد ميلاد اغلى منتدى علينا نايل موتورز

**Michael_Lanos** · 13-04-2009 02:27 PM

هاي يا شباب

طبعا الواحد مش عارف يقول ايه بعد الكلام اللى اتكتب فى موضوع التغطيه الاولى وبنشكر كل الناس بدون استثناء، انا حبيت احط شويه صور من اللى صورتها لغايه لما احط كل الصور على الفيس بوك ان شاء الله.
بجد انا فرحان جدا جدا انى اتعرفت على مجموعه رائعه بس اعذرونى انا الاسماء بتقع منى خالص بس مش بنسى حد

طبعا اول حاجه حلوه فى الموضوع التورته الرائعه اللى اتعملت مخصوص للمنتدى واللى حالفني الحظ بتصويرها (فقط لاغير )

وبدء كريم منير حبيب الكل بتقطعيها وطبعا الكل ملموم حوليه ماسك اطباقه

والتصوير طبعا من كل ناحيه

وطبعا اول قطعه كان لازم تروح لحبيبنا اللى استضفنا عنده ودلعنا فى المكان الرائع ده abouzaid555 واستاذ جمال برده بيصور اللحظات الممتعه دي

**El.Hossieny** · 13-04-2009 02:29 PM

الله ينور يا مايكل .... يا عم كفاية كدة انا هموت من الانتظار .. فين باقي الصور يا عم ؟؟؟

**Michael_Lanos** · 13-04-2009 02:33 PM

وماتتخيلوش الهجوم اللى حصل عليها قبل حتى ما تتقطع وفجأه الاطباق فضيت كانها لسه جديده والناس احتجت احنا لسه ما اخدناش القطعه بتاعتنا ...
عيب يا كوداك بالراحه سيب حته لباقى الناس اللى لسه ما اكلوش

وداعا يا تورته وعقبال التورته ال 100 والمليون كمان لعيد ميلاد المنتدى

بعد كده نزلنا على البحر شويه نستمتع بيه فى انتظار الوجبات الشهيه اللى راحوا يجيبوها من اقرب مكان للعجمي (سموحه) وطبعا ما انتظرناش كتير كلها ساعتين لغايه لما العصافير قعدت تصوصو وتزقزق وكانوا هايطيروا من بطننا

بصراحه اليوم رائع بالناس المحترمه اللى منورانا دي كلها

طبعا بعد ما المنطقه كانت مهجوره فى الشتا فجاءه بقى فيها حوالى 20 عربيه واللى بيعدى كان مستغرب، والحمد لله محدش بلغ عن التجمع وكنا رحنا كملنا اليوم فى نيابه العجمي

**Michael_Lanos** · 13-04-2009 02:36 PM

بحر رائع وجو جميل جدا
:k52:

بجد ياريت كل المنتدى كان جه وقفلنا العجمى من بابها من كتر العدد
الشمس بقه والنوم مع هوا البحر ... احساس رائع

ايه يا معلم قلعت وربعت كمان

كريم مش سايبنا حتى وهو فى الشاليه بعد ما رفع اول صور بدء يصورنا احنا كمان

وكل ده لسه فى انتظار الوليمه
بدئنا نتبادل الخبرات وندردش احلى كلام

الراجل بيقول كلام صح الصح

ربنا يديم المحبه

هيههههههههه الاكل وصل يا شباب ..... هجوووووم

**Michael_Lanos** · 13-04-2009 02:38 PM

طبعا السمك ما يحلاش من غير ليمون

ماشاء الله سمك وجمبرى واللذى منه ... بالهناء والشفاء
طبعا اللانوس استاذه فى المواضيع دى ... ربنا يحميهالنا

الحق خد الوجبه وطير الحق مكان فوق فى الشاليه

تعالوا يا اللى فوق خدوا اكلكوم

يلا بينا نطلع ناكل بقه

ثلاث وجبات بحالهوم ..... احنا مش بنحسد .....

طبعا صور الاكل مش موجوده علشان الكل كان منهمك ومشغول ... كل واحد يتخيل بقه

**Michael_Lanos** · 13-04-2009 02:41 PM

اللى زعلنا ان الجماعه بتوع بورسعيد bee و mahm25_5 مشيو بسرعه بعد الاكل علشان يلحقوا السكه بدرى

بعد كده اتجمعنا نريح وندردش ونعرف على الناس اللى جت متاخر

طبعا تأثير الاكل باين جدا قلب بضحك ونوم وحاجات غريبه

تصبح على خير يا كودك

وطبعا مفاجئه اسلام بتبرعه بقطعه الارض للمنتدى كانت حاجه رائع وفرحنا جدا
واوعى حد يقول عايز حقى

**Michael_Lanos** · 13-04-2009 02:43 PM

بجد منورين يا شباب

كريم منير كان بيدردش معانا عن طبيعه كيان المنتدى وازاى نطوره ونكبره ونعمله كيان تمام

بعد كده نزلنا نتصور ونصور العربيات فى وقت الغروب اللى كان منظره تحفه

يا لعبك يا كريم يا مدلعنا

نايل موتوز جروب .. ربنا يزيد ويبارك وييحافظ علينا وعلى عربياتنا يارب

على فكره الشيشه اللى ورا دي مش تبعنا

حلاوتك يا هيما وانت فى المقدمه

الحته اللانسر اللى كانت طايره على الساحلى الله ينور يا محمد باشا

يا لعبوا يا ياريس

يا فرحتك يا احمد اسماعيل ال 127 متصوره وسط عربيتين تمام

**Michael_Lanos** · 13-04-2009 02:45 PM

وسع لللانوس يا جدع

اوعى وشك السوبارو هنا

بتعملوا ايه يا شباب .... ادي العيش لخبازه

تعالى تعالى .... هوب بس كده تمام

طابور الغروب ابدء

تمام

اللى بعده

كله ينور النور

**Michael_Lanos** · 13-04-2009 02:47 PM

جمال الغروب مع العربيات منظر رائع وخصوصا ان فيهوم اللانوس بتاعتي

كل دول بيصوروا .... فرجونا بقه

القمر ... ياختى كميله

منور البحر كله يا ابو مايكل ... ايه التواضع ده

ابعد من العربيه عاوز نصورها لوحدها الاول .... وخد بالك من الرفرف مش عاوزين نغيره

**Michael_Lanos** · 13-04-2009 02:50 PM

معلم يا مان

الصاروخ الكورى

سوبارو باك

العصفوره بتاعت دمنهور 127

الحته اللانسر النبيتي الاسكندرانى

لحظات الوداع

باي باي هاتوحشونا

سلام يا باشا ونشوفك قريب فى كامب شيزار

ربنا معاكم يا شباب وتوصلوا بالف سلامه

خد بالك يا باشا
نور الفرامل بتنور لمبه واحده يمين من الاربعه

دي الصور الموجوده ويارب تعجبكم وفى انتظار ان اشوفكم مره تانيه قريب، وماحدش يزعل منى فى نسيانى للاسماء الغير عادي ... لو حد افتكر اسمى يقولهولى علشان اكتبه
وبرده الصور هاتترفع على الفيس بوك قريبا والفيديو

اخوكم مايكل لانوس

الموضوع: ثانى تغطيه لعيد ميلاد اغلى منتدى علينا نايل موتورز

LinkBack

أدوات الموضوع

عرض

ثانى تغطيه لعيد ميلاد اغلى منتدى علينا نايل موتورز - انشر الموضوع فى :

-

-

-

-

-

-

-

-

المواضيع المتشابهه

ثانى مفاجأتى الحصريه على نايل موتورز

ايه حقيقه اللى بيحصل بين منتدى نايل موتورز و منتدى....* موتورز بالظبط؟

الى ابطال منتدى نايل موتورز

نايل موتورز منتدى محترم

كل سنة و منتدى نايل موتورز طيب و عقبال 100 سنة

الكلمات الدلالية لهذا الموضوع

المفضلات

المفضلات

ضوابط المشاركة