قانون المرور مهزله

**Samir Elshahawy** · 13-04-2009 06:52 PM

المشاركة الأصلية كتبت بواسطة dentoman123

بقى ينفع انا ادخل الحجز عشان مشيت متر بالظبط مخالف
انا الدكتور اتحط مع مدمنين
طظ ف مصر
بلد تيييييييييييييييييييييييي يييت

السلام عليكم ..
أخواني الكرام ,
أخي / الدكتور العزيز...

بداية أود أن أوضح لك أن الاختلاف بيننا في الرأي لايفسد للود قضية لأني أكيد سأختلف معك في النقاط التالية:
- سيادتك دكتور (علي عيني و علي راسي) يعني من الفئة المتعلمة التي من المفترض أنها في المقدمة و يجب أن تكون قدوة لباقي المجتمع في كل شئ , في التصرفات و الاخلاق و الانتماء لمصر التي مهما عانينا منها فنحن أبنائها

- يجب أن نتفق أنه لا أحد فوق القانون , فكما نعاني جميعا و نشكوا من تعالي البعض علي القانون بحجة نفوذه أو أنتمائه للطبقة الحاكمة أو الشرطة القائمة علي تنفيذ هذا القانون فنحن يجب أن نكون أحرص الناس علي تطبيق هذا القانون علي الجميع حتي علي أنفسنا عندما نخطئ

- أيضا يجب أن نفرق بين مصر بلدنا جميعا و بين القائمين علي أدارتها و تنفيذ قوانينها

سيدي الفاضل..
الخطأ خطأ مهما كان صغيرا , و لكني أتفق معك في أن العقاب مبالغ فيه حبتين من فئة في أعتقادي أنها تحقد علي المتعلمين و المثقفين من أبناء مصر لانه مثلما يوجد القانون توجد أيضا روحه الذي يجب مراعاتها عند تطبيقه

أرجو أن تتقبل كلامي و أن تستعيذ بالله من الشيطان الذي جعلك في خضم هذا الغضب تلعن مصر و قوانينها

و لك خالص تحياتي و تقديري
م / سمير الشهاوي

**wkisho2005** · 13-04-2009 06:53 PM

حسبي الله ونعم الوكيل انا بصراحة كل ماتخيل اني ممكن يحصلي كدا بترعب
انا لو حصل معايا موقف زي كدا هاسيبله الرخص واجري بالعربية بلا هم وربنا يسترها معانا كلنا وبعدين يادكتور انت بتقول مشيت متر واحد عكس الاتجاه طب تخيل انهم قبل كدا مسكوا واحد وكلبشوه ال ايه كان راكن العربية في شارع اتجاه واحد بس وشها مش في اتجاه الشارع (وبيقولولوا اصل كدا معناها ان انت كنت داخل الشارع عكس الاتجاه)بس الامانة انا سمعت عن الموضوع دا هنا معرفش يجد ولا لا

وحمد الله علي سلاامتك

**dentoman123** · 13-04-2009 06:54 PM

والله انا مش بعملها الا الفجر او الصبح بس
و ع العموم منهم لله اللي عملو القانون واللي بينفذوه
قانون يخليك لو عايز تظبط العربيه اخرك تعمل زي التاكسيات
يا جماعه العربيه ملكيه خاصه اعمل فيها اللي انا عايزو

**Drift_Lover** · 13-04-2009 06:54 PM

المشاركة الأصلية كتبت بواسطة hamedo0

انا موافق علي العقوبه طلما اقترفت خطا ولاكن يكون فيه سجن مدني مش واحد عشان مخالفه يتحبس مع المدمنين زاى ما حضرتك بتقول لازم يبقي في فرق بين معامله المجرمين ومعامله مخلفين المرور يعني مكنش ليها لازمه الكلبش انت او غيرك مش قتل دى مخلفه سير عكس الطريق

أهو هو ده الكلام اللي يتسمع.

**mohamed_88sk** · 13-04-2009 06:55 PM

بصراحه انا متفق مع حضرتك ومعارض في نفس الوقت

متفق انه قمة التعسف يبقى سجن خصوصا في السير عكس السير
المفروض غرامة مادية وتقدر تبعا لحساسية المنطقة المخالف فيها
مش سجن !!

معارف مع حضرتك واسمحلي بكده
ان المفروض الكل سواسية أمام الله قبل القانون
انا عارف ان مام القانون احيانا بيكون مش في عدل مطلق بس الواجب نطبق الكلام ده لأننا ناس متعلمه وتعليم عالي الحمد لله

انا مثلا كنت في الكويت وهناك صاحب والدي أتسجن شهر كامل عشان مخالفة عكس سير بس ده عشان المخالفة في مكان ومنطقة مههههمة جدا
(أقصى عقوبة)
والقانون هناك يطبق على الكل خصوصا لو قانون مرور حتى لو على الأمير نفسه

**dentoman123** · 13-04-2009 06:59 PM

لا بس لو مريض جاي بيموت و عايز مساعده و هو مش معاه فلوس اسيبه؟
مهي دي زي دي
فين روح القانون
انا بعد كده مش همشي مخالف
بس والله العظيم اقل سرعه غي اديق شارع هتبقى 60
و يبقى ظابط دكر يكلمني دانا هش....
معلش ع اللهجه اصلي لسه مروح من السجن دلوقتي

**drahmd** · 13-04-2009 07:04 PM

معلش كلام بره الموضوع بس قريت مره في الاهرام من كام شهر كده صلاح منتصر كان كاتب عن واحد مصري ف سويسرا كان سايق وفوّت المخرج اللي عايز يرجع منه فرجع كام متر عشان ياخده قام اتمسك واتعمل معاه تحقيق عشان يفهموا سر سلوكه الغريب ده وقعدوا يسألوه هل انت مثلا شفت ابوك بيعمل كده فبتعمل زيه؟ ودخلوه عملوا له فحص نفسي واستجوابات واتعمل له محكمه والحكم كان انه يدخل مستشفى لإعادة التأهيل لمدة اربعة اشهر مع المتابعه لأنه يعتبر خطر على حياة المواطنين ومش كده وبس صدر قرار بترحيله لمصر بس لازم الاول يدخل المستشفى ويتأكدوا من سلامة قواه العقليه.معلش طولت عليكو بس بجد اللي بيمشي عكس الاتجاه ده ولو 10 سنتي ف أي وقت وتحت اي ظرف يعتبر ............... شوفوا انتوا بقى اللي يطلع من ذمتكم اكتبوه

**ahmedsrs** · 13-04-2009 07:04 PM

طيب هما عملو معاك ايه بضبط عشان نفهم يعنى معلش اتحجزت قد ايه ودفعت غرامة كام والموضوع انتهى ولا لسة وربنا معاك

**drahmd** · 13-04-2009 07:09 PM

المشاركة الأصلية كتبت بواسطة wkisho2005

تخيل انهم قبل كدا مسكوا واحد وكلبشوه ال ايه كان راكن العربية في شارع اتجاه واحد بس وشها مش في اتجاه الشارع (وبيقولولوا اصل كدا معناها ان انت كنت داخل الشارع عكس الاتجاه)بس الامانة انا سمعت عن الموضوع دا هنا معرفش يجد ولا لا

وحمد الله علي سلاامتك

اسمحلي بس انا لاتبع الحكومه ولا الداخليه ولا ليا معارف ولا بتاع بس الصراحه عندهم حق في اللي عملوه واللي اتعمل صح وده اللي مفروض يتعمل اصلا.مصر مفيهاش ازمة مرور فيها ازمة عقول كل واحد عايز يمشي على مزاجه وطز في النظام اهم حاجه يمشي على مزاجه طب مانت مخالف وعارف انك مخالف خلاص خد على دماغك انت بتغلط وعارف العقوبه ممكن توصل لإيه خلاص استحمل بقى.هو الموضوع صعب للدرجه دي انو يتفهم؟ هو مش 1+1=2 ولا ف مصر بس ممكن تبقى 16 عشان مزاج الباشا اللي ماشي مخالف؟

**mando_07** · 13-04-2009 07:09 PM

والله أنا عاذرك أوي يا دكتور ازاي يعني يحطوا دكتور مع شوية مدمنين ومجرمين ليه أصلاً يخلوا العقوبه دي سجن ماكنوا يعملوها فلوس
و اللي يغيظك أكتر أن في ناس كتير واصلة بتعمل كدا وبتعدي يعني مثلاً واحد صاحبي أتقفش عكس وفي ٥ دقائق كان طلع
وأبو واحد أعرفه أتمسك عكس وهو في مكانه قالو أنت متعرفش أنا مين و كام موبايل ومشي والظابط أعتذرلو
حاول تنسى ومتذعلش نفسك
برجاء تحري الدقه في كتابه لفظ الجلاله
تم التعديل بواسطتي
مشرف فرعي 1

الموضوع: قانون المرور مهزله

LinkBack

أدوات الموضوع

عرض

-

-

-

-

-

-

المواضيع المتشابهه

حد سال نفسة لة المرور طلع قانون المرور الجديد

مهزله كاميرات اشارات المرور الجديده

ايطاليا اللي هيا مصر وقواعد المرور بمناسبة قانون المرور الجديد

قانون المرور الجديد

قانون بتعديل بعض أحكام قانون المرور

الكلمات الدلالية لهذا الموضوع

المفضلات

المفضلات

ضوابط المشاركة