بقى ينفع انا ادخل الحجز عشان مشيت متر بالظبط مخالف
انا الدكتور اتحط مع مدمنين
طظ ف مصر
بلد تيييييييييييييييييييييييي يييت
عرض للطباعة
بقى ينفع انا ادخل الحجز عشان مشيت متر بالظبط مخالف
انا الدكتور اتحط مع مدمنين
طظ ف مصر
بلد تيييييييييييييييييييييييي يييت
يادكتور
اسمحلى اختلف معاك والارزاق على الله
لو هتدى لنفسك عذر انك تمشى مخالف يبئى تدى الحق دا لكل الناس وفى الحاله دى يبئى بلا قانون بلا يحزنون.
انا معاك ان القانون مبيتطبقش على الكل , عقوبات ملهاش معنى , تعسف ....... الخ
بس احنا كللنا دلوئتى عارفين المخالفه وعارفين العقوبه يبئى ليه احط رقبتى تحت رحمة ناس.......؟!
انا ساكن فى حى فى 6 اكتوبر وبخرج كل يوم من البوابه وبينى وبين الملف اقل من 10 متر
عودت نفسى انى اسيب الملف دا وامشى 300 متر زياده لحد الملف اللى بعده عشان ممشيش عكس الاتجاه.
متزعلش منى بس المثل بيؤول امشى عدل يحتار عدوك فيك
انا بصراحه قرأت الكلمة دي وماقدرتش أمسك نفسي من الضحك...
بلا شماته طبعآ... بس تخيلت الموقف (هم يبكي وهم يضحك)
هون عليك يا دكتور.
وبلاش نقول طظ في مصر
دي برده بلدنا ولو حتي القانون اللي فيها غلط في غلط.
في ناس مسؤله عن كده.
ومع اني بأعاني جدآ من سلبيات كتيره في البلد
وقوانين هوجاء (عاملينها ناس أغلبهم مش فاهم.. وتبع اهوائهم الشخصية)
وعقليات مختلفه منها المتحضر ومنها المتخلف.
ورغم الظلم اللي كتير بيقع علي ناس مالهاش ذنب.
... بس في الأول والآخر مصر دي بلدي ...
اللي بأعتز وأتشرف بيها وماقبلش حد يشتمها...
بغض النظر عن النظام الحاكم او القوانين.
إنتمائي لبلدي عمره ما حيتزحزح بقانون ولا حكام.
انا بحب بلدي وحافضل احبها (وان شاء الله الغلط مسيره يوم يتصلح ان ماكنش في حياتنا حيبقي في حياةة اولادنا...)
لا بعد اللي شوفتو طظ
و انا موافق انهم يخلوها 5000 ج بس سجن لا طبعا
و بعدين في حاجه اسمها روح القانون
الكلام ده كان الصبح الشارع فاضي و هما كام متر بس
لا تعليق
مانتا ماحستش بالكلبشات و هي في ايدك
معلش يادكتور هدى اعصابك لا حول ولا قوة الا بالله والله انا من خوفى من البهدلة بتاعت القانون الجديد شلت كل حاجة من العربية حتى علبة المناديل احسن يدولى مخالفة والموبايل بخبيه احسن يقولى انت بتتكلم فى الموبايل لكن موضوع عكس الأتجاه والحوارات دى عمرى معملها
يعنى ينفع نسيب فوطة فى بطن المريض ونقول انها فوطة صغيرة يا دكتور
الخطاء خطاء والصح صح
انا موافق علي العقوبه طلما اقترفت خطا ولاكن يكون فيه سجن مدني مش واحد عشان مخالفه يتحبس مع المدمنين زاى ما حضرتك بتقول لازم يبقي في فرق بين معامله المجرمين ومعامله مخلفين المرور يعني مكنش ليها لازمه الكلبش انت او غيرك مش قتل دى مخلفه سير عكس الطريق
السلام عليكم ..
أخواني الكرام ,
أخي / الدكتور العزيز...
بداية أود أن أوضح لك أن الاختلاف بيننا في الرأي لايفسد للود قضية لأني أكيد سأختلف معك في النقاط التالية:
- سيادتك دكتور (علي عيني و علي راسي) يعني من الفئة المتعلمة التي من المفترض أنها في المقدمة و يجب أن تكون قدوة لباقي المجتمع في كل شئ , في التصرفات و الاخلاق و الانتماء لمصر التي مهما عانينا منها فنحن أبنائها
- يجب أن نتفق أنه لا أحد فوق القانون , فكما نعاني جميعا و نشكوا من تعالي البعض علي القانون بحجة نفوذه أو أنتمائه للطبقة الحاكمة أو الشرطة القائمة علي تنفيذ هذا القانون فنحن يجب أن نكون أحرص الناس علي تطبيق هذا القانون علي الجميع حتي علي أنفسنا عندما نخطئ
- أيضا يجب أن نفرق بين مصر بلدنا جميعا و بين القائمين علي أدارتها و تنفيذ قوانينها
سيدي الفاضل..
الخطأ خطأ مهما كان صغيرا , و لكني أتفق معك في أن العقاب مبالغ فيه حبتين من فئة في أعتقادي أنها تحقد علي المتعلمين و المثقفين من أبناء مصر لانه مثلما يوجد القانون توجد أيضا روحه الذي يجب مراعاتها عند تطبيقه
أرجو أن تتقبل كلامي و أن تستعيذ بالله من الشيطان الذي جعلك في خضم هذا الغضب تلعن مصر و قوانينها
و لك خالص تحياتي و تقديري
م / سمير الشهاوي
حسبي الله ونعم الوكيل انا بصراحة كل ماتخيل اني ممكن يحصلي كدا بترعب
انا لو حصل معايا موقف زي كدا هاسيبله الرخص واجري بالعربية بلا هم وربنا يسترها معانا كلنا وبعدين يادكتور انت بتقول مشيت متر واحد عكس الاتجاه طب تخيل انهم قبل كدا مسكوا واحد وكلبشوه ال ايه كان راكن العربية في شارع اتجاه واحد بس وشها مش في اتجاه الشارع (وبيقولولوا اصل كدا معناها ان انت كنت داخل الشارع عكس الاتجاه)بس الامانة انا سمعت عن الموضوع دا هنا معرفش يجد ولا لا
وحمد الله علي سلاامتك
والله انا مش بعملها الا الفجر او الصبح بس
و ع العموم منهم لله اللي عملو القانون واللي بينفذوه
قانون يخليك لو عايز تظبط العربيه اخرك تعمل زي التاكسيات
يا جماعه العربيه ملكيه خاصه اعمل فيها اللي انا عايزو
بصراحه انا متفق مع حضرتك ومعارض في نفس الوقت
متفق انه قمة التعسف يبقى سجن خصوصا في السير عكس السير
المفروض غرامة مادية وتقدر تبعا لحساسية المنطقة المخالف فيها
مش سجن !!
معارف مع حضرتك واسمحلي بكده
ان المفروض الكل سواسية أمام الله قبل القانون
انا عارف ان مام القانون احيانا بيكون مش في عدل مطلق بس الواجب نطبق الكلام ده لأننا ناس متعلمه وتعليم عالي الحمد لله
انا مثلا كنت في الكويت وهناك صاحب والدي أتسجن شهر كامل عشان مخالفة عكس سير بس ده عشان المخالفة في مكان ومنطقة مههههمة جدا
(أقصى عقوبة)
والقانون هناك يطبق على الكل خصوصا لو قانون مرور حتى لو على الأمير نفسه
لا بس لو مريض جاي بيموت و عايز مساعده و هو مش معاه فلوس اسيبه؟
مهي دي زي دي
فين روح القانون
انا بعد كده مش همشي مخالف
بس والله العظيم اقل سرعه غي اديق شارع هتبقى 60
و يبقى ظابط دكر يكلمني دانا هش....
معلش ع اللهجه اصلي لسه مروح من السجن دلوقتي
معلش كلام بره الموضوع بس قريت مره في الاهرام من كام شهر كده صلاح منتصر كان كاتب عن واحد مصري ف سويسرا كان سايق وفوّت المخرج اللي عايز يرجع منه فرجع كام متر عشان ياخده قام اتمسك واتعمل معاه تحقيق عشان يفهموا سر سلوكه الغريب ده وقعدوا يسألوه هل انت مثلا شفت ابوك بيعمل كده فبتعمل زيه؟ ودخلوه عملوا له فحص نفسي واستجوابات واتعمل له محكمه والحكم كان انه يدخل مستشفى لإعادة التأهيل لمدة اربعة اشهر مع المتابعه لأنه يعتبر خطر على حياة المواطنين ومش كده وبس صدر قرار بترحيله لمصر بس لازم الاول يدخل المستشفى ويتأكدوا من سلامة قواه العقليه.معلش طولت عليكو بس بجد اللي بيمشي عكس الاتجاه ده ولو 10 سنتي ف أي وقت وتحت اي ظرف يعتبر ............... شوفوا انتوا بقى اللي يطلع من ذمتكم اكتبوه
طيب هما عملو معاك ايه بضبط عشان نفهم يعنى معلش اتحجزت قد ايه ودفعت غرامة كام والموضوع انتهى ولا لسة وربنا معاك
اسمحلي بس انا لاتبع الحكومه ولا الداخليه ولا ليا معارف ولا بتاع بس الصراحه عندهم حق في اللي عملوه واللي اتعمل صح وده اللي مفروض يتعمل اصلا.مصر مفيهاش ازمة مرور فيها ازمة عقول كل واحد عايز يمشي على مزاجه وطز في النظام اهم حاجه يمشي على مزاجه طب مانت مخالف وعارف انك مخالف خلاص خد على دماغك انت بتغلط وعارف العقوبه ممكن توصل لإيه خلاص استحمل بقى.هو الموضوع صعب للدرجه دي انو يتفهم؟ هو مش 1+1=2 ولا ف مصر بس ممكن تبقى 16 عشان مزاج الباشا اللي ماشي مخالف؟
والله أنا عاذرك أوي يا دكتور ازاي يعني يحطوا دكتور مع شوية مدمنين ومجرمين ليه أصلاً يخلوا العقوبه دي سجن ماكنوا يعملوها فلوس
و اللي يغيظك أكتر أن في ناس كتير واصلة بتعمل كدا وبتعدي يعني مثلاً واحد صاحبي أتقفش عكس وفي ٥ دقائق كان طلع
وأبو واحد أعرفه أتمسك عكس وهو في مكانه قالو أنت متعرفش أنا مين و كام موبايل ومشي والظابط أعتذرلو
حاول تنسى ومتذعلش نفسك
برجاء تحري الدقه في كتابه لفظ الجلاله
تم التعديل بواسطتي
مشرف فرعي 1
الله ينور عليك لو عشر شعب مصر بيفكر أنه يفكر زيك كان زماننا سابقين زماننا اللي احنا فيه ب100 سنة الله يحفظك و يكتر من أمثالك
بس طبعا يادكتور المفروض ان البني ادم اللي تعامل معك يميز و يعرف من الأسلوب و الطريقة ان ولاد الناس المفروض يتعاملوا بلياقة و ان روح القانون لابد أن تؤخذ في الإعتبار مع تسليمنا الكامل بأننا جميعا سواسية امام القانون
أنت بتسأل و أنا هاجاوب يا دكتور ............ و متزعلش
أدام الإنسان يغلط ............ يبقى يستحمل غلطه ..............
معلش أصل المشكلة أننا في مصر أتعودنا على عدم وجود نظام و أتعودنا على عدم أحترام النظام حتى لو موجود ........... و أتعودنا على الوسايط
فمتزعلش .............. أمشي عدل ........... يحتار عدوك فيك و ده مثل بلدي
و بعدين ممكن أضيف حاجة بعد أذنك و متزعلش برضه
موضوع أنك دكتور ............ بيدينك أكتر و حجة عليك و ليس لك .
دكتور يعني راجل متعلم تعليم عالي و بيؤتمن على أرواح الناس
يعني أنت و المتعلمين يجب أن تكونوا خير مثال لبقية أفراد الشعب و ليس العكس .
أنا موافق على السجن و الغرامة معا و أيضا زيادة عليهم سحب الرخصة نهائي و عدم أستخراج رخصة مرة أخرى لمن يفعل السير عكس الأتجاه .
في أنجلترا ............. الساعة 1 بالليل ............. و مفيش و لا صريخ أبن يومين في الشارع و ماشي و الأشارة أحمرت ................. ووقفت طبعا
علشان هناك مفيش حاجة أسمها الفجر و الشارع فاضي .............
فيه قانون ............ و فيه نظام
مفيش حد ماشي على مزاجه زي مصر
عارف يا دكتور أنا مع حبس السير عكس الأتجاه ليه .
لأنه محاولة غير متعمدة لقتل الناس . و أيضا أستهبال رسمي مصري .
في طريق الواحات في مدينة السادس من أكتوبر و بأعبر الطريق و طبعا عيني على اتجاه واحد فقط لا غير و هو الأتجاه الصحيح للسيارات .
و طبعا واحد حقير ............. حقير .............. حقير
كان هايشلني و كنت هاموت فعلا لأنه كان ماشي بسرعة و كان جاي عكس الأتجاه
و طبعا أنا كل تركيزي في اتجاه واحد ............. و هو كل تركيزه في العربيات اللي جاية في وشه .
و ربنا ستر ............ وواحد في عربية ............ من العربيات اللي ماشية في الأتجاه الصحيح ............. هو اللي حذرني .............و الأخ الحقير اللي ماشي عكسي في طريق سريع زي ده مكنش شايفني و كان طاير كمان .
شوفت بقى ............ ليه اللي يمشي عكس الأتجاه يستاهل الحبس و لو بأيدي ............ المفروض يدفع غرامة كبيرة جدا ............. و ما يسوقش تاني أبدا أبدا أبدا أبدا
هو أيه الفرق بين اللي بيحاول يقتل بسكينة و اللي بيحاول يقتل بعربية و اللي بيقتل فعلا عن طريق الخطأ بالسيارة ؟؟؟؟؟؟؟؟؟؟؟؟؟؟؟؟؟؟؟؟
مخالفة السير عكس الأتجاه اللي الناس مستهترة أوي بيها ............
ممكن تقتل واحد و أنت مش شايفة علشان هو ماشي مركز على اتجاه واحد فقط و و الله حصلت ............. وواحد خبط واحدة بس الحمد لله ما ماتتش و ربنا سترها
بس أخد حتة علقة .............. كان قبل طلوع القانون الجديد .
فجر أو صبح أو الطريق فاضي أسمه غلط ...............
و في كل بلاد العالم اللي فيها قانون
اشارة المرور لما بتكون حمراء إن شاء الله الفجر .............. الناس بتقف غصب أن عنها ........... بس أحنا اللي أتعودنا على الفوضى
مفيش حاجة أسمها العربية ملكية خاصة .......... أنا آسف لأختلافي معاكوا يا جماعة
بس العربية دي ........... شئ بيخرج على الطريق .............. يعني شئ بيتم أستعماله في مكان عام ..........اذن ملكية السيارة خاصة ............. أما السيارة نفسها يجب أن تخضع لقانون البلد من حيث عوامل اﻷأمان و الألوان المسموح بيها
موضوع الحرية الشخصية دي الواحد مش بيسمعه غير في مصر .
برضه تلاقي واحد قاعد في بلكونتهم ............ و مشغلي اغاني على أخر قوة السماعات
و تكلمه يقولك حرية شخصية ؟؟؟؟؟؟؟؟؟؟؟؟؟؟؟
يا عم الحج ..............ز أدخل جوه و حط سماعات ............. عايزين نريح شوية و دماغنا مصدع ................ يقولك أنا في بيتنا .... و محدش لي عندي حاجة ؟؟؟؟
طيب هاسيبك أنت ترد ............
هل دي حرية شخصية أو ملكية خاصة ؟؟؟؟؟؟؟
الموضوع ده حصل بالظبط لواحد معرفة في أمريكا .............. و تم أيداعه مستشفى الأمراض العقلية للكشف على قواه العقلية ظنا منهم أنه مجنون .
و بعد البحث و التحري أكتشفوا أن مصر مفيهاش قانون ............ و منعوه من السواقة لأرتكابة مخالفة قد تودي بحياة من على الطريق و طبعا دفع غرامة و كان هناك تهديد بالترحيل ............ إذا حاول قيادة سيارة في الولايات المتحدة الصهيونية مرة أخرى .
:B4_388::Ta_clap[1]:
انا اسف يا دكتور
طبعا انا مش هزود على كلام الاخوه
بس كفايه انك دكتور
يعنى قدوه للناس
طالما انك بتمشى غلط يبقى انت اسقطت عن نفسك احترامهم لك
احترم شيخ الجامع طول ما هو بيصلى وينفع قدوه ليا
احترم الكبير اللى فى سن والدى طالما بيدينى النصيحه وبيعمل بيها
انما مبقاش بعمل غلط وبطلب احترام الناس علشان مهنتى
هما غلطانين فى اسلوب التطبيق
بس انت اللى اديتهم الفرصه يعملوا فيك كده
خلينا نتكلم بالراحه شوية
الراجل يا جماعه اتحبس
ولبس كلبشات فى ايديه
وتم تقييد حريته
وممكن يكون بكى وصعبت عليه نفسه
مش علشان هو دكتور
لأ
لانه انسان حر
وفجأه وجد نفسه مقيد الحرية
هو صحيح خالف القانون
والسير عكس الاتجاه فعلا خطر جدا وخطر قاتل
وبيعرض حياة اللى ماشيين صح وهو معاهم للموت
لكن لازم برضه نفكر شويه
هو اللى يمشى عكس الاتجاه فى شارع عادى زى الدكتور
هل يتساوى مع اللى بيمشى عكس الاتجاه على الطريق الدائرى الصبح ناحية فندق ميراج
ومع اللى بيمشى عكس الاتجاه الصبح على طريق السويس امام المصانع الحربية
واللى بيركنوا فى طريق السويس الصبح تحت الطريق الدائرى ميكروباصات ونقل وتاكسى وملاكى وشوية حيبقى موقف
ولا العيال اللى سايقه عربيات نصف نقل وخارجه بيها من غير نمر ولا رخص سواقه ولا سياره وخارجه بيها من الكيلو 4.5 برضه طريق السويس ورجل المر.. بيوقف لهم الطريق علشان يعدوا
معلهش انا باتكلم على اللى بشوفه بنفسى كل يوم تقريبا
يعنى اذا كان الدكتور اتحبس طيب دول يتعمل فيهم ايه؟
كان كفاية عليه الغرامة اذا كان ماشى فى شارع جانبى او عادى والشارع فاضى كمان (لان برضه السير عكس الاتجاه خطأ فادح وقد يكون مميت)
اما الحبس نخليه للى بيسوق نقل ولا حتى ملاكى او غيره ويمشى بيه عكس الاتجاه على الدائرى وعلى الطرق الرئيسيه والكبارى واللى ينتج عنه تعطيل حركة المرورعلشان يوفر مسافة اليوترن ويموت له عيلتين ثلاثه فى السكه وغيرهم من اللى اتكلمت عليهم
كل اللي حضرتك قلته مظبوط .
بس فيه حاجة .
الخطأ الصغير متساوي مع الكبير .
و قليله مُسكر ........... فكثيره حرام ..........
يبقى ترك قطعة قطن في بطن مريض أثناء العملية = لترك فوطة
هذا خطأ و هذا خطأ
و أنا نفسي أشوف القانون بيتم تطبيقه علينا كلنا بعدل
خصوصا الأمثلة اللي حضرتك ذكرتها
والله ياباشا كلامك عايز يتحط في برواز كلام معقول جدااااااااااااااااااااااا
والناس اللي مع الحبس عايز اقولهم انت بتكتب كلمتين وانت قاعد علي الكمبيوتر لا اتحبست ولا قعدت مع شمامين وحرامية ولا كرامتك اتهانت
يعني بالبلدي اللي ايده في المية مش زي اللي ايده في النار
وبعدين مش الظابط اللي واقف دا لو بيطبق القانون فعلا ومش مجرد شغل بلطجة مش في احتمال ولو واحد في المية ان اللي داخل الشارع الفلاني ميعرفش انه اتجاه واحد؟؟؟؟؟
وبعدين احنا بنقول يطبق القانون عادي والقانون بيقول غرامة او حبس او كلاهما معا
يعني لم االظابط يعمل غرامة بس يبقي كدا مش بيطبق روح القانون ولا حاجة دا بيطبق القانون نفسه فعلا اهو ويقدرها علي حسب الخطورة من اللي حصل ولا ايه؟؟
كفاية كدا احسن الواحد حاسس انو اتكلم كتييييييييييييييييييييييي ييييييير اوي
بصراحه بعد كلام الاخ توت والاخوه مافيش كلام تانى
انا اعلم ان العقوبه مبالغ فيها
ولكن من يخط~ يتحمل النتيجه وليس هناك مبرر كون المخطئ دكتور او حتى وزير
لكن مايحزننى فقط ان هناك اناس فوق القانون لايطبق عليهم القانون لو اخطأوا وتلك هى المصيبه الكبرى
طبعاً كلنا مقدرين شعورك السيىء من تجربتك يا دكتور وواضح انها تجربة مريرة
بس تسمحلى اختلف معاك
الخطا يكون خطأ فى اى مكان
مش هتفرق على طريق سريع او طريق بطىء او يو تيرن عكسى
كلنا عارفين وسمعنا ويمكنا شوفنا حواداث ومصايب بسبب السير عكس الاتجاة ولازم يكون نظام صارم يطبق للحد من السير عكس الاتجاه بس فيه شرطين مهمين :-
1- دليل واضح ان الشارع اتجاه واحد
يعنى مدخلش شارع يكون فى الاخر كمين ليه علشان اتمسك عكسى وانا داخل بحسن نية
(الناس بتكلم على بيحصل فى اوروبا وامريكا بس انا عمرى مشفتش شوارع هناك من غير اشارات او تنبيهات والجى بى اس شغال علشان متهوش وتعرف توصل المكان اللى انت رايحة من غير متقف تسال حد)
2- القانون يطبق على الكل من غير تمييز ولا واسطة
يعنى يطبق على الغلباة وولاد الاكابر
اتفق فى الان الحبس خطا كبير وفيه كثير من المهانة ومن الصعب تحملها وخصوصاً فى اقسام شرطة ونيابة مصر المحروسة
ممكن نزود قيمة الغرامة وعند تكرار المخالفة تسحب الرخصة لفترة واذا تكررت تلغى لفترات اطول لحد منع السواقة تماماً بس بلاش الحبس
عندنا فى اسكندرية فى منطقة فكتوريا موقف ميكروباصات (سوزوكى أو توناية) نصف خط سيره مخالف!!! الموقف دة مكانه قرب سوق دربالة فى الشارع اللى على القطر و الشارع دة اتجاه واحد و كل العربيات اللى داخلة الموقف و طالعة منه بتمشى عكسى!!!!
بالاضافة لكدة كل سواقين الميكروباصات و التوك توك و غيرها اللى هما من أهم أسباب الكوارث اللى فى الشارع المصرى حافظين تماماً أماكن الكماين و و مواعيدها و بيحذروا بعض و لو السكة "أمان" بتشوف منهم العجب و لو "الحكومة" موجودة يختفوا زى الفيران ....
اللى بيتمسك فى قانون المرور الجديد للأسف ولا واحد من الفئة دى لكن اللى بيتمسك الناس المحترمة و بيتعامل معاملة المجرمين ... و فى النهاية حيفضل الشارع المصرى بنفس همجيته و كل اللى زاد ان اللى بيتعرض للسجن بسبب القانون دة بيطلع من التجربة دى فاقد لأى انتماء و على أتم استعداد انه يهج من البلد فى أقرب فرصة ...
أرجو ان كلامى ميتفهمش انه دفاع عن سائقى الملاكى و لكن كل الهدف انى أقول ان طريقة تطبيق القانون لن تعالج المشكلة و حيفضل الشارع المصرى بنفس همجيته ... الحل الوحيد هو ان الداخلية تحط كاميرات مراقبة فى كل الشوارع و يتم تصوير المخالف أتوماتيكياً و القبض عليه لاحقاً ... و بكدة ما يبقاش فى فرصة لحد انه يفلت من القانون ... الموضوع مش حيتكلف غير جزء بسيط جداً من ميزانية الداخلية الضخمة و حيبقى أكثر فعالية بكتير جداً من أسلوب الكماين الحالى.
من الواضح انك كنت فى الحجز فقط ومتدخلتش السجن زى ما حضرتك اشرت
احمد ربنا
كان ممكن يتعملك محضر محترم وبعد ما تبات ليلة فى الحجز تروح تتعرض على النيابة
تقوم النيابة تتديلك حبس 4 ايام
وبعدين تتعرض على قاضى المعارضات الى ممكن يحكم باخلاء سبيلك من ديوان القسم
مع تغريمك,او يحكم بحبسك طبقا لمواد القانون المرور الجديد
احمد ربنا
متضامن معاك يا دكتور ضد قوانين المرور الغاشمة,
و فعلا الدولة يجب أن تنتبه, لأن حادثة مثل هذه قد تفقد أى مواطن الانتماء تماما, كما حدث للدكتور, و أنا ألتمس له العذر تماما فى انفعاله.
علينا أن نعمل من أجل الغاء هذه العقوبة الغاشمة التى لا تتناسب مع المخالفة, و يا ريت محدش يقولى فى لندن و فى باريس و الكلمتين اللى الناس حافظاهم دول! لأن كل بلد و ليها وضعها و ظروفها الخاصة, و هناك فيه مخالفات مرورية أسوأ 200 مرة من اللى بتحصل عندنا.
و ليس ما يحدث فى المغرب عنا ببعيد, حيث أضرب سائقين النقل و قطعوا الطرقات و أضربوا عن العمل اعتراضا على قانون المرور الجديد هناك الذى قد يضعهم فى السجن لمجرد خطأ بسيط, و تسبب اضرابهم بأزمة اقتصادية فى المغرب حيث شلت حركة المرور تماما, و نفذ البنزين من محطات الوقود, و ارتفعت أسعار الغذاء, مما دفع بالحكومة المغربية لاعادة التفكير فى هذا القانون.
تحية الى سائقى المغرب الذين لم يرضوا الظلم. ان شعور الانسان أن حريته مهددة فقط لأنه ارتكب خطأ بسيط هو أسوأ شعور قد يدفعه للتحول الى شخص اخر تماما.
متشكرين يا باشمهندس فادي !!!!!!!!!!!!
بس ده دليل أننا عمرنا ما هنبقى منتظمين .............. و منظمين أدام الناس مش عاجباها قوانين الردع للمخالفين !!!!!!!!!!!!!!!
لا أملك إلا أن أقول .............................. فعلا هي دي مصر .............. و هاتفضل مصر :I_angr1[1]:
سبحان الله
يعنى يوم ما نبص للناس بره بتعمل ايه علشان حياتها تبئى افضل ومنظمه نبص على اللى عملو اضراب علشان مش عاوزين يلتزموا بالقانون ولما نبص للدول المحترمه اللى سبقتنا بقرون نؤول كل دوله ليها ظروفها !!!!!!!!!!!!!!!!!!!!!!!!!!!!1
ايه المنطق المقلوب دا
وبعدين يا اخ فادى الكلمتين اللى احنا بنؤولهم دول مش حافظينهم احنا عشناهم فعلا بره مصر وجربنا حاجه اسمها احترام القانون والذوق والقياده المحترمه وحسينا فعلا اننا بعيد اوى عن الناس دى
والله انا بره مصر كنت بكون سعيد جدا وانا سايق العربيه وحاسس ان الناس فعلا بتخاف على بعض فالطريق وعارفين اللى ليهم واللى عليهم.
وبعدين معللش فالكلمه اللى جايه دى لانها شديده
لو الدكتور صاحب الموضوع وهو ماشى عكس الاتجاه خبطلك عربيتك او اذاك بشكل او بأخر لا قدر الله
هل دا برضه هيكون رأيك ؟
ولو المهندسين والاطباء وكل الناس اللى متعللمه ما التزموش بالقانون يبئى سبنا ايه للامؤاخذه الجهله؟
البلد دي عمرها ماهتنضف
انا كل يوم برجع من الاتوستراد من الدائري الي اتجاه حلوان بعدي على لجنتين مرور معمولين في المعصرة اول لجنه عندها 7 مطبات ورا بعض والتانية 5 مطبات اللي بشوفه على الطريق كالتالي يا اخواني:
- عربيات مقطورة ونقل وميكروباصات واتوبيسات واخدين الحارة الشمال وطايرين واول ماييجوا عند اللجنه كله يروح يمين
- مقطورة ماشية على اليمين _صح كده- تيجي مقطورة تانية عاوزة تعديها يروح واخد شمال وما ادراك بئا المقطورة دي بتعدي في اد ايه
- عربيات بعد اللجنة التانية ماشية عكسي في وشي وضارب النور العالي وتيجي قبل اللجنة وتلف
انا كنت فاكر لما اجيب عربية هرتاح من بلطجة سواقين الميكروباصات وتناكتهم
لكن طلعلي فوق بلطجة الميكروباصات بلطجة المقطورات والسير عكس الاتجاه
بص للتوقيع بتاعي وانت تعرف
يا جماعة .. انا مع وضد الحبس في نفس الوقت ..
أنا مع الحبس علشان يكون عقاب رادع للمخالف بغض النظر عن مركزه الاجتماعي ويا ريت ميفرقش بين وزير وغفير في تطبيقه .
وأنا ضد الحبس في نفس الوقت أنه يكون مع المجرمين والشمامين وقطاع الطرق .. لأنه أكيد حيخلي الواحد ساخط على البلد (وخاصة في ظل التفرقة في تطبيق القانون) ..
وبالنسبة للأخ توت أنا معاه في ضرورة احترام اشارات المرور حتى لو بالليل والدنيا فاضية .. بس ده في حالة لو الأشارة شغاله .. مش شغاله أحمر في الاتجاهين لاخلاء المسئولية في حالة حدوث حادثة لا قدر الله :36_7_4[1]::confused:
وبالنسبة لتقليد الغرب في الحاجات المفيدة والحضارية .. فده احنا فاشلين فيه .. وناجحين في تقليد الهلس وخلاص .. تحياتي
يا جماعة .. انا مع وضد الحبس في نفس الوقت ..
أنا مع الحبس علشان يكون عقاب رادع للمخالف بغض النظر عن مركزه الاجتماعي ويا ريت ميفرقش بين وزير وغفير في تطبيقه .
وأنا ضد الحبس في نفس الوقت أنه يكون مع المجرمين والشمامين وقطاع الطرق .. لأنه أكيد حيخلي الواحد ساخط على البلد (وخاصة في ظل التفرقة في تطبيق القانون) يعني المفروض يكون فيه حبس في مكان مخصوص مش مع المجرمين لأن ممكن انسان محترم يتعرض للموقف
ده غصب عنه وفجأة يلاقي نفسه بيتقلب من المجرمين في التخشيبة :confused::K_crying[1]: وتبقى ليله سودا عليه .
وبالنسبة للأخ توت أنا معاه في ضرورة احترام اشارات المرور حتى لو بالليل والدنيا فاضية .. بس ده في حالة لو الأشارة شغاله .. مش شغاله أحمر في الاتجاهين لاخلاء المسئولية في حالة حدوث حادثة لا قدر الله :36_7_4[1]::confused:
وبالنسبة لتقليد الغرب في الحاجات المفيدة والحضارية .. فده احنا فاشلين فيه .. وناجحين في تقليد الهلس وخلاص .. تحياتي
يا أستاذ توت انا مش قصدى أزعل حضرتك و انت راجل عزيز عليا,
بس لما توصل رجل دكتور انو يكره البلد و تحبسه لمجرد انو دخل متر عكسى فى شارع فاضى عشان يتجاوز سوء تخطيط الشوارع المصرية(و الذى بدأت أشعر انه مخطط و مقصود لجمع جباية المرور), و نحبسه مع المدمنين و المجرمين, يبقى اكيد فيه حاجة غلط.
و مفيش بلد فى العالم بتحبس الناس فى المخالفات المرورية, و لو فى, تبقى بلد فيها قوانين غاشمة و مش لازم نقلدها, ما هو مش كل حاجة بره صح, طب ما هما برضو عندهم انحلال أخلاقى و القوانين هناك تسمح بذلك, لما هما ناس متقدمين و راقيين زى ما حضرتك بتقول, طب ما نقلدهم فى دى كمان زى ما عاوزين نقلدهم فى قوانين المرور؟!
للمرة الثانية, ليس كل ما يطبق فى البلاد الأخرى يصلح فى مصر, نحن بلد لها خصوصيتها, و مشكلة الحكومة انها لا تخطط لمصر, بل هى تحاول استنساخ الخطط التى تطبق فى الخارج لتطبقها فى مصر, و هو احدى اسباب ما نحن فيه.
عقوبه غاشمه؟ يابيه ده شروع ف قتل يعني المفروض واحد سايق وماشي ف طريقه ذنبه ايه ان واحد............. جاي ف المخالف ممكن يحصل حادثه ليه تمشي مخالف سيادتك؟ انت فاهم يعني ايه تمشي مخالف؟ انت مدرك الكارثه او الخطر اصلا؟ بص هقولك انا لا ليا مصلحه مع لندن ولا باريس ولا اي نظام غربي بص ع السعوديه حتى الخليج هناك سجن ياباشا على نفس المخالفه انا مش شايف انها مخالفه الصراحه انا شايف انها جريمه اللي بيعملها ده واحد مش ف وعيه والله انا مش ببالغ وماتقوليش كل بلد ليها وضعها وظروفها ماتمشي عدل ف طريقك وتمشي في اتجاه المرور ليه تمشي بمزاجك؟ عارف اللي مبوظ بلدنا كل واحد ماشي بمزاجه ودي اسمح لي اسمها قلة ادب وهمجيه وبلطجه وتقبل تحياتي