الموضوع: عايز مساعده فى التعامل مع ملفات الملتى ميديا ادخل وسيب سؤالك

المشاركة الأصلية كتبت بواسطة pro_samir

مشكور مقدما
لو أمكن عايز انسب برنامج لضغط ملفات الفيديو نوعها Wmv .. حتى لو هتتحول ريال بس محتاج حجمها يكون صغير وفى نفس الوقت الجودة تكون معقولة الصوت والصورة ميبوظوش يعنى

على فكره انا ما نسيتك بس الموضوع اخد منى شويه وقت على ما جهزتلك الرد
بص يا سيدى انا استعملت برامج كتير لضغط ملفات الفيديو والصوت ولقيت احسنهم هو ده
حمل البرنامج من هنا

على فكره انا رفعته على الرابيد شير مخصوص علشانك والخطوات بالصور كالتالى

1- بعد تنزيل البرنامج تفك الضغط بتاعه وهتلاف الملفات ديه .


2- قم بتشغيل البرنامج الرئيسي وخطوات التثبيت كالتالى.


واضغط next كل مره الى ان تصل الى هذه الخطوه



بعد كده تقوم بتشغيل ملف الكراك السابق الاشاره اليه سوف تظهر لك الشاشه التاليه.






اسف جدا لو كنت طولت عليكم ولكن حتى يستفيد منها الجميع قمت بشرحها بالتفصيل بالصور ولو فى اى مشكله فى استخدام البرنامج اسأل برضه وانا اجاوبك ولكن انا افضل انك تحاول تتعامل معاه بنفسك علشان تحفظه وتفهمه كويس
أخوكم اسلام

المشاركة الأصلية كتبت بواسطة mahamedaraby

هو انت ازاى مثلا تاخد صوره من لعبه او فيديو زى مثلا ند فور سبيد عايز اصور فيديو منها ازاى ؟

شكر خاص للأخ الى رد على الموضوع فى حكايه اخذ فيديو او صورة من اللعبه وانا جربت البرنامج وبصراحه برنامج حلو جدا جدا جدا وبياخد صور وفيديو من الالعاب وانا دورت عليه وجبته كامل علشان النسخه الموجوده طبعا على الموقع ما بتسجلش غير 30 ثانيه والنسخه ديه مفتوحه وكله تمام والبرنامج سهل الاستخدام جدا جدا جدا
حمل البرنامج من هنا

انا رفعته على الرابيد شير برضه

السلام عليكم .... و الف شكر للاخ الكريم صاحب الموضوع ... مشكلتى انى عايز شرح برنامج لتقطيع الفيديو , بمعنى انى عندى فيديوهات طويلة عايز اقسمها الى مقطعين او اكثر , على النت فيه عشرات البرامج لتقطيع الفيديو لكن للاسف كلها غامضة بالنسبة لى و مش عارف اتعامل معاها , ياريت اعرف ايه هو ابسط برنامج و يا سلااااام لو شرح بالصور لاستخدامه , و الف شكر.

المشاركة الأصلية كتبت بواسطة mr_kenawy

السلام عليكم .... و الف شكر للاخ الكريم صاحب الموضوع ... مشكلتى انى عايز شرح برنامج لتقطيع الفيديو , بمعنى انى عندى فيديوهات طويلة عايز اقسمها الى مقطعين او اكثر , على النت فيه عشرات البرامج لتقطيع الفيديو لكن للاسف كلها غامضة بالنسبة لى و مش عارف اتعامل معاها , ياريت اعرف ايه هو ابسط برنامج و يا سلااااام لو شرح بالصور لاستخدامه , و الف شكر.

يا باشا لا شكر على واجب
وبالنسبة للبرامج الخاصة بتقطيع الفيديوهات هى كتيير جدا جدا جدا
وانا هوايتى هى عمل الفيديوهات بهذه البرامج ولكنى وجدت افضلهم لتقطيع وعمل الفيديوهات وادخال مؤثرات على الصوت والصورة هو برنامج
(CyberLink PowerDirector 6.00.1731b Deluxe MultiLang)
والبرنامج ده موجود عندى بس هو مساحته كبيره شويه فلو انت محتاجه فعلا انا ممكن ارفعهولك على الرابيد شير والشرح يا باشا كمان والبرنامج ده فيه ميزه حلوه جدا وهى التعامل ع الصور وده لينك لفيديو انا عامله بالبرنامج ده ورفعته على اليوتيوب
اتفرج على الفيديو وقولى رأيك يا صحبي

هو حزين حبيتين بس حلو جدا جدا وفى انتظار ردك يا صحبي

الفيديو جميل جدا , بس انا مش عايز اعمل حاجة احترافية زى كدة و بالتالى مش محتاج البرنامج الكبير ده , انا كل احتياجى انى اقطع فيدوهات معينة و اشيل منها مقاطع معينة مش عاجبانى , يعنى انا عايز برنامج بدائى جدا بس بالشرح , فيه صديق قالى انى ممكن استخدم movie maker اللى بينزل مع الويندوز , لو ممكن ياريت الطريقة بالظبط , و مشكووووور جدا.

المشاركة الأصلية كتبت بواسطة pro_samir

اسلام بية دلوقتى فى مشكلة إنة بعد ضغط الملف الصوت مش بيكون مظبوط مع الصورة شوية

نوع الملف اللى تم الضغط علية Wmv

والحجم مش عارف برضو كدة هيكون معقول ولا كتير لأن ال3 دقايق الديمو بتوع البرنامج حجمهم مع فيديو بت ريت 768 كان 9.5 ميجا ومع 384 بت كان الحجم 8 ميجا

فانا مش عارف اقصى حجم للضغط مع صورة معقولة ممكن يكون قد اية

الملفات الموجودة اللى عايز اضغطها فى المتوسط مدة الفيديو ساعتين و حجمة 330 ميجا

هل دة كويس ولا ممكن اوصل لحجم اقل من كدة ؟

شكرا ليك

بص يا باشا بالنسبة لضغط ملفات الفيديو بالبرنامج ده بتفرق على حسب نوع الضغط وانت اكيد لقيت امتدادات كتيره للضغط فبالنسبه لأحسن ضغط ولا يفرق فى الصورة كتير هو (microsoft zune mpeg4 movie ) وانا بستعمل ده كتير فى البرنامج ده
ولو عايز تحط الفيديو الى انت عايز تضغطه على الموبيل يبقى طبعا 3gp وده افضلهم للموبيل وبعدين يا سيدى انت عندك فيديو ساعتين ومساحته 330 ميجا عايز تضغط فيهم ايه تانى ده اقل فيلم divex بيبقى وقته ساعتين إلا ربع ومساحته 701 ميجا
واى خدمه