ممكن حد يدلني إذاي وفين أركب وحدة ضم مرايات جانبية

**abou_sama** · 15-04-2009 11:21 AM

انا مش خبير
بس اعتقد ان ممكن المرايات التى تضم بالكهرباء يمكن توصيلها بجهاز الانذار مثل وحدة الرفع \
ممكن لو كهربائى شاطر يعرف يعملها
هذا والله اعلم

**dr_darsh** · 15-04-2009 02:59 PM

والله انا هاقولك على تجربتى فى الموضوع ده
انا معايا لانسر موديل 2006 فى يوم نزلت لقيت مرايه العربيه مخلوعه فى التوكيل لقيتها هتتكلف حولى 970 جنيه بالرش والتركيب
سالت عليها فى الحرفيين لقيت واحد قالى ب 450 جنيه بس اللى عنده مواصفات أمريكى قلتله يعنى ايه مش هى هيه ولا ايه ... قاللى لأ دى ضم كهرباء قلتله الإتنين عندك قالى اه قلتله طيب تشترى القديم قاللى لو حالتها كويسه أخدها
الفكره طلعت فى دماغى وقلت أروح اشترى اتنين ضم وابيع القديمه السليمه .....
نزلت الحرفيين تانى يوم ومعايا حوالى 1000 جنيه ونزلت على المحل اللى أنا سالت عنده امبارح لقيت واحد تانى هوه اللى واقف قاللى الواحده ب 1000 جنيه ولو خد الإتنين هيحسبهم 2100 تقريبا علشان هيدينى الزرار والضفيره معاهم قلتله ياعم امبارح كان سعر تانى قاللى هوه كان قصده ان العاديه ب 450 جنيه بس اللى موجود ضم بس
طبعا قلت 2000جنيه ليه يعنى وياسلام لو بقى لو الموتور بتاعها اتحرق ولا اتكسرت ياعالم هلاقيها ولا لأ ولو مش لقيتها هارجع اركب العاديه تانيه...
بصراحه ماقتنعتش بالفكره
دى تجربتى يارب اكون عرفت افيدكم

**moustafasmile** · 29-04-2009 03:26 PM

شكرا على الرد بس يا ترى ممكن يشتري المرايات العادية بكام مع العلم إن حالتها ممتازة (لانسر 2007)

**SeMo_SiRiOnY** · 29-04-2009 06:13 PM

هي وحدة بتتركب ولا مرايات كاملة بالجهاز والماتور
يعني اي حد ممكن يركبها علي المرايات الي عندة الاصلية
ولا لازم ابدل الاصلية بالمرايات دي

**khafagyamr** · 06-05-2009 12:02 AM

u can make it at arabcom 2000 nasr city branch or islam mashour

**mrghost** · 06-05-2009 07:50 AM

ياجماعه لازم المرايه نفسها يكون فيها موتور ضم غير الموتور اللى بيظبط المرايه نفسها بس هى عموما حلوه بس اكيد غاليه ومكلفه وممكن تتخبط او تتكسر زى المرايه العاديه فطبعا هتبقى مكلفه جدا

**أبو إياد** · 06-05-2009 08:26 AM

زى ما انا قريت الموضوع ده بالصدفه
باردوا بالصدفه كنت واقف عند واحد بتاع تظبيط ابواب وزجاج علشان الزجاج عندى ماكنش بينزل (بسبب المياه) للعلم والاستفاده
سألته على مرايات ضم للعربيه
لقيته سال واحد واقف وعرفه عليا وعرفنى بيه لانه بيشتغل فى توكيل نيسان
قالى استحاله المرايا بتاعتك تتعدل وتشغل فيها نظام الضم لان الموتور حجمه كبير ومش معمول حسابه فى عربيتك
لكن ممكن تشيلها خالص وتركب مثلا مرايه للانسر evo ودى هاتلقيها غاليه جدا
او انك تركب مثلا مرايه تويوتا او نيسان وطبعا مااظنش انها تليق على العربيه
ع العموم هو قالى بتاعه النيسان هاتكلف 2000ج للمرايتين
انا بصراحه اخذت الفكره منه وممكن نشوف موديل عربيه من العربيات الجديده تكون مرايتها ضم وتليق على شكل العربيه ونركبها وعلى ما اعتقد ان العربيات الصينى الجديده هاتفيدنا فى الموضوع ده

ولكم تحياتى

**ahmed322** · 06-05-2009 07:10 PM

والله الموضوع جميل بس مش عارف ازاى التوكيل ينسى يعمل مكان للماتور بتاع المرايه على الاقل كان ساب مكان علشان الواحد يعرف يركب فيه الماتور دا ..... وعموما المصريين بينزل ليها اقل الموصفات فى الاخر اشمعنى امريكا تنزل ليها اعلى موصفات فى الامان وفى التكنولوجيا .... يلى حال الدنيا بقى
شكراااااااا على الموضوع الجميل دا