الموضوع: ياجماعه هو طريق اكتوبر خطير ولا عادى

المشاركة الأصلية كتبت بواسطة angel_man100

انا بقالى سنه بسوق بس عندى مشوار يوم الخميس لأكتوبر وبصراحه اول مره اطلع اكتوبر بالعربيه وكل ماقول حد يقولى ده طريق خطير جدا عايز اعرف ايه الخطير وأطلع بالعربيه ولا لا

الطريق زيه زي أي طريق في ج ع ع
بيبقى خطير علشان ليه شباب شايف نفسه شوية و شغال غرز الله ينور
و كمان سواقين تريلات طايرين ( تقريبا فاكرين نفسهم راكبين طيارات .
و ما أدراك ما الميكروباظات .
و يا سلام بقى على النص النقل اللي بيبقى ماشي هو كمان زي العيال بتوع الغرز و عمال شغال في غرزة يمين و غرزة شمال .
و كله فاكر أنه في سباق ...................................... سيرك يا صديفي ...... سيرك واحنا الشعب المصري هو البطل أقصد البهوانات ...........

هو أخطر الأوقات ......... من الساعة 7 صباحا و حتى 10 صباحا من الأتجاه جيزة أكتوبر
و من الساعة 1 بعد الظهر إلى 7 مساءا علشان خروج البهوات من الشغل في الأتجاه من أكتوبر إلى الجيزة أو الدائري من عند اللفة اللي بعد دريم لاند .

و خصوصا أخر النهاؤ بيكون زحمة و مليان غرز و قلة أدب .

بس يعني أنا مش شايف فرق بينه و بين أي طريق تاني في السيرك المصري أقصد الطريق و الشوارع المصرية .
الله يكون في عونك

انت طالع من المحور ولا طريق الواحات .. ورايح فين بالضبط في أكتوبر علشان نقدر نفيدك ..

لو من المحور .. المحور طريق كويس نظرياً .. عملياً فيه بعض الشباب الروش اللي بيتخطى السرعة القانونية بجنون .. القيادة على هذا الطريق أفضل من طريق الواحات بمراحل حيث يمنع سير النقل على المحور .. السرعة القانونية 90 كم ساعة .. والحارة المثلى للسير الحارة قبل الأخيرة من اليسار ..

لو من طريق الواحات والفيوم فهذه قصة أخرى ..
طريق الفيوم طريق ثنائي الحارات وسيء نسبياً في أرضيته .. السرعة المثلى عليه 80 كم ساعة أو أقل ..
يمتلئ بالتريلات والأوتوبيسات ، ويتميز بارتفاعاته وانخفاضاته وانكساراته الحادة
أفضل أسلوب للقيادة فيه .. هو عدم تخطي من أمامك .. والحفاظ على مسافة كافية تمنع دخول أي شخص بينك وبين من أمامك ..

طريق الواحات هو أصعب الطرق .. لأنه طريق واسع .. غير ممهد بشكل جيد .. في أجزاء كبيرة لا يوجد به علامات لتحديد الحارات .. يمتليء بالتقاطعات واليوتيرنات المفاجئة مليء بسيارات النقل والأوتوبيسات ، مليء بناس بتجري بغباء .. فيه مكان من بداية مدينة الإنتاج الإعلامي حتى حي الأشجار ممكن تتفاجئ بتوكتوك ماشي عكسي ..
أحسن سرعة للسير عليه 90 كم ساعة .. أفضل حارة الوسط بعيداً عن اليمين وإشغالاته واللي جاي عكس في وشك واليسار وتقاطعاته المفاجئة ..

الطرق الداخلية في أكتوبر تختلف بين طرق رئيسية وفرعية ..
الرئيسية مش بطالة أحسن من شوارع كتير في مصر ..
الداخلية وحشة جداً جداً جداً

قولنا بس انت رايح فين في أكتوبر وأنا بإذن الله أدلك على أفضل طريق ..

تقبل خالص مودتي

شكرا جدا جدا جدا ياجماعه والله الواحد مش عارف يقول ايه عا العموم انا رايح دريم بارك رايحين فسحه كده انا وخطيبتى رحله شباب يعنى بس وكن عاوز اطلع من الهرم طريق الرمايه حلو ولا لا

بص طالما انك طالع من الهرم المشوار قريب جدا
والطريق كالتالى:

توصل ميدان الرمايه
تدخل طريق الفيوم اللى هو من جنب سور نادي الرمايه يعني السور هيكون علي يمينك
تمشي على طول لحد لما تلاقى يافطة مكتوب عليها ان اكتوبر يمين تمشي بعديها حاجه بسيطه وبعدين تدخل يمين وتمشى على طول لحد لما تلاقى دريم بارك وهتكون على نفس الصف بتاعك وليها مدخل خاص بيها وشكله واضح جدا

وعلى فكره الطريق كويس وواسع جدا

وخلى بالك ان الجزء الاول من ميدان المايه لحد لما تدخل طريق الفيومفى جانب الطريق الايمن يوجد فى الارض تعريجات غريبه بتخللي العربيه تعوم