في حاجه انا شايفها رئيسية في عدم وجود نظام او تنظيم في الشارع المصري
وبتتسبب في كثير من الأحيان في تعطل المرور
ان احنا معندناش ثقافة ان في حاجه في الشارع اسمها رصيف للمشاة وان فيه مشاة اصلا بيمشوا زي العربيات وعاوزين يتعملهم رصيف ومكان عبور والكلام ده
الكلام ده فعلا مسبب أزمة كبيره في الشارع
تلاقي واحد بيعدي من اي حته
تلاقي واحد ماشي مع العربيات
ولما ركزت
اكتشفت فعلا ان علشان مفيش ثقافة عند الناس والمحليات خصوصا اسمها ثقافة الرصيف بتاع المشاة
في غالب الشوارع مفيش مكان يحسسك انك المفروض تحمي نفسك وتمشي فيه وتبقى كده مرتاح وافضل لك فعلا
خصوصا ان المحليات بيعملوا حته على الجانب ده وحته على الجانب الأخر ده لو فيه
وعرض كل واحده لا يتعد 1 متر او متر ونص
وفي وسطها شجره او عمود نور
علشان الناس وهيا ماشيه تبقى عامله زي اللي بتلعب استغماية و تقرف من الزنقه وينزلوا يمشوا مع العربيات
وناقص ان احنا نعملهم نمر كمان
حاجه بجد مستفزه
هيا الناس دي فعلا مش بتفكر في اي حل لأي حاجه غير الورق الرسمي والروتين المعروف
ممكن تدخل اي مجلس وتلاقي حروب ودورشة علشان ورق والرسميات والكلام اللي انتم عارفينه ده اما حد بيفكر حل للمشاكل اللي في الشارع
دي اهيف حاجه ممكن يبصلوها اساس
للأسف يا استاذ فادي مسألة عقدة الخواجه دي موجوده فعلا ولكن ان تطلقها على حالتنا دي دلوقتي
فللأسف هنا مش محلها خالص ولا قياسها خالص