الكلام مش محتاج أمثلة أخى العزيز ، فقط راجع المشاركات السابقة لتعلم المقصد ، ولا يوجد داعى لأخذ الموضوع مأخذ شخصى ولا يوجد أيضا أى داعى للسخرية ، وتذكر ان هدفنا وهدفك هو المصلحة العامة .
الكلام مش محتاج أمثلة أخى العزيز ، فقط راجع المشاركات السابقة لتعلم المقصد ، ولا يوجد داعى لأخذ الموضوع مأخذ شخصى ولا يوجد أيضا أى داعى للسخرية ، وتذكر ان هدفنا وهدفك هو المصلحة العامة .
انت كمان ناوي تقلب نظام الحكم أووووووبا :dontudear:
أنصحك تسلم نفسك لأقرب قسم أو نقطة لأن الجريمة لا تفيد وهتقع هتقع
هههههههههههههههه
طبعا بهزر معاك
انا بس لقيت الموضوع شد قوي ، اللي انا عاوز اوصله لحضرتك ان نقد الذات مطلوب عشان نقدر نغير أخطائنا بس الموضوع ميوصلش لكم السخرية والتقليل من نفسنا بالشكل دة
وأصلا أنا مقصدتش بكلامي حضرتك بالذات انا بس قصدت مستوى الكلام العام للناس في الموضوع دة وأن مفيش حد حتى اقترح اي حل ولا حتى حملة على الفيس بوك لتعليم طريقة القيادة الصحيحه
يا ريت يا جماعة نبدأ بنفسنا و نحاول نعمل الصح حتى لو الناس كلها غلط و نطبق قول الرسول لا تكن إمعة إن أحسن الناس أحسن و إن أساؤا أسأ
خليك دايما صح و أكيد و أنت بتعمل الصح واحد صاحبك راكب جمبك واحد شافك و قالك بتعمل كدا ليه و قولتله عشان دا الصح أكيد هيحاول هو كمان يعمل الصح و أكيد واحد تانى هيسأله و هكذا و هتنتشر الحكاية يعنى إلتزم بالقانون إعمل الصح
والله ياجماعة انا شايف ان الناس هى السبب أكثر من الحكومة
إتفرج على اى يو تيرن تلاقى الشارع كله واقد عشان كله عايز ياخده على الواسع
طيب هل الطبيعى ان يبقى فيه عسكرى مرور كل يو تيرن
جرب و أدى إشارة شوف مين اللى هيسيبك تعدى - انا بحس ان اللى جبنى بيدوس بنزين زيادة عشان ماحودش
اتفرج لو اليو تيرن بعيد شوية - تلاقى الناس داخلة عكسى بكل بجاحة ويبصلك شزرا
اتفرج على كمية المطبات الأسمنت اللى معمولة فى الشوراع الداخلية لاوم تقف وتمشى على سرعة ربع كيلو عشان تعديها
وزى ما الأخوة قالوا شوف التاكسى و المايكروباص والباص بيقف ازاىو فين فى وسط الشارع
فعلا تحس ان كل واحد عايز يسوق دبابة و يشوط كل اللى قدامه
زود بقى الجزء الخاص بالحكومة شوارع زفت ياحفر يابلاعات يا مطبات انا نفسى الاقى شارع واحد واحد بس سليم
نرجع لموضع الأجانب - تفتكروا الخبرا هيعلموا الشعب ؟؟ هيحطوا قوانين؟؟والا بس هيقولوا الواقع المرير؟؟؟
الخبير هيعمل إيه دى ثقافة شعب كامل عايزة تتغير و ربنا قالى فى الأية"إن الله لا يغير ما بقوم حتى يغيروا ما بأنفسهم" و المصرى طول عمره كدا و عشان يتعدل لازم يتحكم بالحديد و النار و يبقى فى ديما حاجة مسببة له رعب من الغلط مع إنه لو راعا حق الله فى الأرض و حق عباده و بقى عندنا شوية زيادة من البتاع الأحمر دا و أعتقد إن معظم السائقين المصريين ميعرفهوش كنا بقينا حلوين جدا
انا افتكرت حضرتك تقصد الكلام اللي انا قولته على فكرة يا دكتور انت مشاركاتك بتعجبني اوي
طب والله فكرة حلوة اننا نعلم الناس الصح واحنا كمان نتعلم معاهم اكيد احنا بنعمل حاجات غلط واحنا مش حاسيين
بس فيه فرق جامد بين اللي عارف الصح وبيعمله وبين اللي عارف الصح ومابيعملوش او بيعمله ساعات وساعات
وانا مع لانسر رفوليوشن قلباً وقالباً في اللي قاله
اقتباس:
نطبق قول الرسول لا تكن إمعة إن أحسن الناس أحسن و إن أساؤا أسأ
تفتكرو ان البلد دى ممكن يتغير فيها اسلوب السواقه....لا طبعا
لازم احنا الى نغير من اسلوبنا لان احنا الى بنسوق وحش واحنا بردو الى بنقول ان اسلوب السواقه ف مصر وحش
فهمتوا قصدى