خبير طرق ألمانى: شوارع مصر غريبة.. والمقطورات نموذج أكاديمى للإهمال

**ecybrarian** · 14-04-2009 05:03 PM

خبير طرق ألمانى: شوارع مصر غريبة.. والمقطورات نموذج أكاديمى للإهمال

كتب خير راغب ١٣/ ٤/ ٢٠٠٩

مارتين مونجيهوف الخبير فى أكاديمية الشرطة الألمانية أكد أن عدداً كبيراً جداً من المصريين لا يضيئون أنوار سياراتهم ليلاً «خوفاً من نفاد شحن البطاريات»، وقال فى كلمته فى مؤتمر «تحسين السلامة على الطرق فى مصر»، لا أعرف إذا كان هذا الأمر حقيقة أم دعابة مصرية، لكن المهم أن عدم وجود أنوار أمامية وخلفية فى السيارة يتسبب فى نسبة كبيرة من الحوادث فى مصر.

وأضاف الخبير الألمانى، الذى يرأس برنامج التوأمة للسلامة على الطرق المصرية، والذى يتم تنفيذه بالتعاون مع ألمانيا والنمسا ويستمر لعامين بتكلفة ١٨ مليون جنيه، «شاهدت أشياء غريبة فى مصر، فالشوارع والطرق مليئة بالعلامات التجارية، بينما لا توجد علامات إرشادية، والمفروض العكس».

وقال: «شاهدت التاكسى يقف فى منتصف الطريق لإنزال الراكب أو العكس، وشاحنات النقل الثقيل تمثل رعباً حقيقياً على الطريق، وأحذر أى سائق أن يمشى إلى جوارها، وأذكر أننى شاهدت حادثة واحدة لشاحنة بمقطورة، اجتمعت فيها جميع عناصر الحوادث التى ندرسها للأكاديميين مثل الإهمال والعشوائية والغياب المرورى».

وأشار إلى أنه من خلال التجول فى الشوارع المصرية وعلى الطرق بين المحافظات، فوجئ بـ«سلوكيات غريبة» للسائقين والمواطنين على هذه الطرق.

وقال: «فى الشوارع المصرية الناس تعبر الشارع من أماكن غير مخصصة للعبور، والدراجات النارية يقودها سائقون وخلفهم ركاب دون خوذات واقية، وسيارات الأجرة سواء التاكسى أو السرفيس تقف فى منتصف الشارع لإنزال الناس وتحميل آخرين ولا تقف فى المحطات، أما على الطرق السريعة فشاحنات النقل الثقيل بالمقطورة تسبب رعباً حقيقياً لبقية السيارات، وشاهدت عدداً من السيارات لا يلتزم بالحمولة القانونية، ولا يقوم بربط حمولته بشكل آمن».
=======
source
http://www.almasry-alyoum.com/articl...1&IssueID=1374

**Abo_Lina** · 14-04-2009 05:14 PM

ده ألماني من بلاد الأوتوبان ..
هات خليجي ( و بلاش السعودية و الامارات لأن طرقهم أحسن من ألمانيا ) بس هات عماني مثلا و خليه يسوق في مصر هايقول إنها أقذر بلد

**zeka127** · 14-04-2009 05:19 PM

يبقى انت اكيد اكيد فى مصر

**فادى** · 14-04-2009 07:42 PM

يا ريت يخليه فى بلده احسن,
و يسيبنا فى حالنا,
احنا مبسوطين كده و هنحل مشاكلنا بنفسنا,
و مينفعش نلغى المقطورات و سيارات النقل لأن النقل الثقيل هو عصب الاقتصاد, و ليس ما حدث بالمغرب عندما أضرب سائقى النقل ببعيد عنا.
صدقونى البلدان الأوروبية المرور فيها ليس بالتنظيم الذى تتخيلون,
لكن لما بييجوا هنا بتاخدهم النعرة الكدابة و يتحدثوا عن السلبيات و كأنهم معندهومش سلبيات.
و للأسف احنا اللى ربينا عندهم النعرة دى, بواسطة عقدة الأجنبى التى اصبحت عسيرة على الحل و متأصلة داخلنا بشكل عجيب.

**Mohd_Adel_Amin** · 15-04-2009 09:53 AM

المشاركة الأصلية كتبت بواسطة فادى

احنا مبسوطين كده و هنحل مشاكلنا بنفسنا,
.

حضرتك متأكد من انك مبسوط كده ؟؟!!!!!!!!!!!!!!!!!!!!!!!!!!!!!!!

**iBiZa** · 15-04-2009 11:15 AM

المشاركة الأصلية كتبت بواسطة Mohammed_Adel_Amin

حضرتك متأكد من انك مبسوط كده ؟؟!!!!!!!!!!!!!!!!!!!!!!!!!!!!!!!

+1
انا مش مبسوط كة و لو كانوا يعرفوا/عايزين يحلوا المشكلة كانوا حلوها بس المشكلة استفحلت حتى اصبح من الصعب وجود حل.

و مش عيب نستعين بحد يساعدنا لو احنا مش عارفين.

المشاركة الأصلية كتبت بواسطة فادى

صدقونى البلدان الأوروبية المرور فيها ليس بالتنظيم الذى تتخيلون,
لكن لما بييجوا هنا بتاخدهم النعرة الكدابة و يتحدثوا عن السلبيات و كأنهم معندهومش سلبيات.

و محدش قال ان معندهمش سلبيات, عندهم بس مش بالفظاعة اللى عندنا.

يا راجل دة الواحد بيخاف على اختة و مراتة انهم يسوقوا جوة البلد من اللى بيشوفوا. الشوارع عندنا فعلا بقيت لا تطاق.

**SeiffoZ** · 15-04-2009 11:23 AM

المشاركة الأصلية كتبت بواسطة فادى

يا ريت يخليه فى بلده احسن,
و يسيبنا فى حالنا,
احنا مبسوطين كده و هنحل مشاكلنا بنفسنا,
و مينفعش نلغى المقطورات و سيارات النقل لأن النقل الثقيل هو عصب الاقتصاد, و ليس ما حدث بالمغرب عندما أضرب سائقى النقل ببعيد عنا.
صدقونى البلدان الأوروبية المرور فيها ليس بالتنظيم الذى تتخيلون,
لكن لما بييجوا هنا بتاخدهم النعرة الكدابة و يتحدثوا عن السلبيات و كأنهم معندهومش سلبيات.
و للأسف احنا اللى ربينا عندهم النعرة دى, بواسطة عقدة الأجنبى التى اصبحت عسيرة على الحل و متأصلة داخلنا بشكل عجيب.

حضرتك شكلك مروحتش ألمانيا قبل كده ...
و حضرتك المفروض طالما مصر فشلت بأهلها إنها تلاقى حل يبقى تستورد حل .
و هو ماقلش يلغى النقل .
و كلام حضرتك كده معناه إن إحنا شعب (لا يعلم ولا يعلم انه لا يعلم) بل و يدعى العلم ...

**fakoussa** · 15-04-2009 11:30 AM

صباح الخيير يا استاذ فادى .
خليك عايش فى مصر ام الدنيا .

**KPE** · 15-04-2009 11:32 AM

المشاركة الأصلية كتبت بواسطة فادى

يا ريت يخليه فى بلده احسن,
و يسيبنا فى حالنا,
احنا مبسوطين كده و هنحل مشاكلنا بنفسنا,
و مينفعش نلغى المقطورات و سيارات النقل لأن النقل الثقيل هو عصب الاقتصاد, و ليس ما حدث بالمغرب عندما أضرب سائقى النقل ببعيد عنا.
صدقونى البلدان الأوروبية المرور فيها ليس بالتنظيم الذى تتخيلون,
لكن لما بييجوا هنا بتاخدهم النعرة الكدابة و يتحدثوا عن السلبيات و كأنهم معندهومش سلبيات.
و للأسف احنا اللى ربينا عندهم النعرة دى, بواسطة عقدة الأجنبى التى اصبحت عسيرة على الحل و متأصلة داخلنا بشكل عجيب.

يا راجل بذمتك أوروبا مش بالتنظيم إللي إحنا متخيلنوه، ده البقر بتاع أوروبا بيفهم في المرور أحسن مننا:POINTI~2[2]:

**kh_talaat** · 15-04-2009 11:46 AM

المشاركة الأصلية كتبت بواسطة Tyler_Durden

بس هات عماني مثلا و خليه يسوق في مصر هايقول إنها أقذر بلد

أظن دة مش اسلوب حضاري تتكلم بيه عن البلد اللي انت عايش فيها

لو شايف مشاكل وعيوب في بلدك خليك انسان ايجابي وقول رايك وحاول تشارك في حلها

انما نشتم في بلدنا عمال على بطال يبقى كأننا بنشتم نفسنا

الموضوع: خبير طرق ألمانى: شوارع مصر غريبة.. والمقطورات نموذج أكاديمى للإهمال

LinkBack

أدوات الموضوع

عرض

خبير طرق ألمانى: شوارع مصر غريبة.. والمقطورات نموذج أكاديمى للإهمال - انشر الموضوع فى :

-

-

-

-

-

-

-

المواضيع المتشابهه

حاجة غريبة اوي محتاجة خبير

اغلاق جزئي لبعض شوارع وسط البلد وميدان التحرير وبعض شوارع الدقي

للتعقيد...جراج ألمانى

ضحية جديدة للإهمال- في ذمة الله يا ابو جريشة

حادثة نتيجة للإهمال

الكلمات الدلالية لهذا الموضوع

المفضلات

المفضلات

ضوابط المشاركة