من جامعة القاهرة الى الاسكندرية

**khaledazizeg** · 17-04-2009 05:35 AM

المشاركة الأصلية كتبت بواسطة abou_ruqi

الف مبروك مقدماً وربنا يرزقك الزوجة الصالحة في اي مكان

على فكرة حترتاح قوي مع الاسكندرانية
معندهاش قايمة ولا مواسم وطلباتهاقليلة وبتسمع كلام جوزها وبتعرف في انواع السمك ما بيضحكش عليها

بس هي بتعتمد على جوزها في كل صغيرها في كبيرها و بيكون مركز اهتمامها
اعرف ان الموضوع ده بيدايق القاهراوية بيحبوا الست تزق معاهم شوية وتحل عنهم شوية

بس انا بشوف انها احسن ميزة

welcome to the club

الف شكر على النصايح الغالية ديه
وربنا يوفقنى ويوفق كل المقبلين على الزواج

**khaledazizeg** · 18-04-2009 01:17 PM

الحمد لله رحت وجيت الاسكندرية فى نفس اليوم
وربنا يكرمكوا يارب علشان ساعدتونى المساعدة الجامدة ديه
ويارب يقدرنى وأعوضهالكم
الف شكر

**khaledazizeg** · 19-04-2009 10:17 PM

المشاركة الأصلية كتبت بواسطة Amo0o0oRa

حمد لله على السلامه يا باشا

المهم انت خدت نفس الطريق ولا طريق تانى؟

واحكيلنا شويه عن الرحله

بصراحة انا اخدت نفس الطريق الى كنتوا قلتولى عليه
شمالك ومشيت على طول وبعدين يمين لحد حديقة الاورمان

وتاخد شمال(شارع الدقى) بعدين اطلع كوبرى الدقى وانزل

الناحيه التانيه كمل لاخر الشارع هتوصل (جامعة الدول) هتاخد يمين

لحد ميدان (سفنكس)من هناك هتاخد شارع (26 يوليو) ومن هناك هتاخد

المحور بعد المحور هتلاقى الدائرى قدامك بالعرض مش هتطلعه هتكمل

على طول من تحت الدائرى هتوصل لــ (القريه الذكية)
وبعد كده الحمد لله بقيت فى طريق مصر الاسكندرية الصحراوى وبعد كدة وصلت لغاية بوابة الاسكندرية وخلاص فاضل 20 كيلو وأبقى فى الاسكندرية حصلت مشكلة واضطريت ارجع القاهرة تانى فلفيت ورجعت فى نفس الوقت
طبعا اتضايقت جدا بس ان شاء الله هروحها تانى
اروح لأجدع ناس فى مصر