حصلت فى عربيتى من كام شهر :K_crying[1]:
كنا فى العيد اللى فات طلعنا المقطم نشوى لحمه بس كنا محتاجين شويه بنزين علشان نولع الفحم
ففكيت فلتر البنزين واخدت منه شويه وركبته تانى بس مربطتش الكوليه اللى بيركب عليه
وجيت ادور العربيه راح منقط بنزين اعتقد جه على الموبينه لأن اول لما دورت كان الكابوت مولع
والمشكله كمان ان الناس اللى كانت بتطفى كانوا بحدفوا تراب وطبعا كان فيه ناس بتحدف زلط وكسروا الكشافات
بس سبحان الله يا جماعه انا طفايه الحريق بتاعتى كانت فاضيه لأنى كنت ماشى قبلها وكان فى محل بيولع وكانوا عاوزين طفايه فأديتلهم طفايتى ونسيت املاها بعد كده
بس ربنا بعتلى برضه واحد ابن حلال جه جرى وادانى الطفايه بتاعته وطفيناها