اقتباس المشاركة الأصلية كتبت بواسطة Terrible_DaRsH مشاهدة المشاركة
اوكى انا معاك ..

بس انا بتكلم عن الاغلبية وليس قلة .

الناس دى بقوا كتير اوى اوى زيادة عن اللزوم .
فى الحلو و فى الوحش . بس لما يكتر عدد الناس دى كده دى كارثة والله .

انا سمعت تعليقات من شوية شباب زى الفل . كانوا فاكرينا بنشد مع حد و حصل لنا كده .

و شفت حاجات مكنتش متخيل اننا وصلنا للدرجة دى ومش لازم احكيها علشان محدش دمه يتحرق .
هو الموضوع ده بس يا درش لإختلاف نظرة كل منكم للحادث

يعني إنت بالنسبة لك الحادث كان مصيبة و تجربة موت وشيك و سيارة إتدمرت و مش عارفين تشيلوها من عالكوبري و واحد بيستظرف علي نمرة البوليس .. يعني من الأخر تجربة بشعة، و الإنسان في المواقف اللي زي دي بيبقي منتظر من الناس إن يكون إهتمامها كبير بالموضوع نظراَ لأنه شايف كل تفاصيل المصيبة و عايشها .

اما بالنسبة للشباب السخيف اللي سمعت منهم التعليقات فا هم ممكن كانوا سهرانين في مكان أو خارجين مع بعض و مبسوطين و طلعوا عالكوبري لقوا حادثة .. فا إنت بالنسبة لهم كنت مجرد حادث بيشوفوا زيه كل يوم .. فا إنه يرمي تعليق عليك ده لأنه مش متخيل وقعه عليك و لأنه عايش في حالة نفسية مختلفة تماماَ عنك و هيكمل في طريقه عادي و يضحك هو و صحابه في العربية عالتعليق و يكملوا عادي جداَ .

مش كل الناس بتعرف تقدر المواقف التقدير الصحيح خاصة في طبقة الشباب لأن خبرته في الحياة بسيطة و عنده كل حاجة سهلة .

فا متزعلش و إهدي بس كدة و الحمد لله عدت علي خير :) و انا أتفق مع هاشم باشا .. دول لا يمثلوا الناس كلهم .