ما هو رأيك فى ذكر اماكن الرادار و دفع رشاوى ؟

**samoevil911** · 16-04-2009 12:14 AM

اول حاجة .. انا والا اتكلمت عن الدين ولا قلت الدين دا افضل والا بكلم اصلا عن العقائد..
ثاني حاجة ولا الحكومة والسياسة..

ثالثا يا استاذ امير..
الرشوة بجتماع جميع الفقهاء حرام مهما كانت مبرراتها .. وغلط .. بدليل انك لو اتظبط بعد الشر بدتفع رشوة .. هتبقي قضية ..

وموضوع انزل الشارع واشوف الناس مشيه ازاي .. مانا بنزل زشايف الناس .. بس حضرتك ليه مردتش علي سؤالي ..
1- العساكر والضباط دول مين ؟؟ مش احنا من الشعب؟ واحنا اللي مربينهم مفروض؟
2- انت من جزاك في قرارت نفسك حاسس ان دا صح؟ حكم ضميرك كدا..

**amir** · 16-04-2009 12:25 AM

المشاركة الأصلية كتبت بواسطة samoevil911

بس حضرتك ليه مردتش علي سؤالي ..
1- العساكر والضباط دول مين ؟؟ مش احنا من الشعب؟ واحنا اللي مربينهم مفروض؟
2- انت من جزاك في قرارت نفسك حاسس ان دا صح؟ حكم ضميرك كدا..

1- الظباط دول اسياد البلد و ربنا يرحم محمد نجيب لو كان قدر يعمل اللي كان عايز يعمله مكنش ده بقي حالنا
2- انا مش بحاول ابرر الرشاوي
بس انك تدفع فلوس علشان تمشي امر من امورك الحلال اللي من غير دفعك للفلوس دي يتعطل ده مش رشوه و حلال و اسئل فيها اي شيخ من الشيوخ

و بعدين يا اخي الفاضل انت شايف ان كلامي و كلامك هيغيرو حاجه؟
بلاش الموضوع يتاخد بالحساسيه دي خصوصا ان الوضع لن يتغير

**icehearted girl** · 16-04-2009 12:56 AM

د.امير المثال اللي ذكرته مكنش يفندم لاستثارة النخوة ولا شئ من هذا القبيل

دا كان مثال لا جدال فيه لانه بتشريع سماوي

زيه زي الرشوة

انا لما بقول الرشوة غلط مبقلش عشان عيب ولا ميصحش ولا ضد القانون

لا

انا بقول انها حرام

وبتشريع سماوي بردوا

وبعدين الحكومة اللي هتبدأ بالتغيير دي

ممكن يكون ابنك فرد فيها...ابنك اللي بيشوفك بتدفع رشوة للظابط في العربية

واللي ممكن يشوفك بردوا بتجفعله رشوة عشان يدخل الشرطة

مش بعيد يستسهل انه الرشوة دي بعد كدا هواللي يخدها من اصحاب العربيات

ويبقي كدا باستهتارنا خلقنا دايرة مغلقة مش هتنتهي ابدا

وكلام حضرتك بخصوص اني محتكتش مالواقع كتير غير صحيح

يعلم ربنا اد اي المشكلة دي بتوقعني في ازمات

بس الله المستعان

فقط اصبر واحتسب

انا مش بقول الكلام دا ومستنية رد

بس فعلا كل واحد مننا محتاج يواجه نفسه بالمسأله دي بينه وبين نفسه

لا تنظر لصغر المعصيه,,,ولكن انظر لعظمة من عصيت

**khalid_adel** · 16-04-2009 12:08 PM

طب مثلا اللي عايز يدخل ابنه شرطه وابنه كويس ويصلح وكله تمام بس لازم يدفع فلوس(رشوه) عشان يتقبل ده يعمل ايه ؟؟
واللي بيشتغل محامي وانتو عارفين انهم مينفعش يعمل اي اجراء بيتطلبه مهنته غير لما يدفع (اكراميه) تخيلو دول عشان يصور ورقه ولا يكتب كام محضر لازم يدفع طب دول يعملو ايه
والامثله كتير اوي في البلد لا حصر لها
انا بستحرم الرشوه طبعا وبحاول اني مديش لحد حاجه غير لما يخلص لي الخدمه كمكافأه او اكراميه وبحاول اتجنب انها تبقى رشوه على قد مقدر (بس طبعا لازم اقول ملناش بركه الا انت والكلمتين دول ) اعمل ايه طيب

**Sameh** · 16-04-2009 03:06 PM

أنا ليا تعليق على مفهوم الرشوة من واقع كلام سمعته لأحد الشيوخ الكبار وأعتقد سمعته كمان فى حديث للشيخ الشعرواى ، قال إن الرشوة طبعاً حرام طالما بتاخد بيها حق مش حقك وبتحرم شخص تانى من الحق ده ، زى إن فى طابور طويل وإنت تدفع للراجل وتخلص مصلحتك قبل اللى واقف قبلك ، إنت كدة أخدت حقه ، وزى إنك تدخل حد كلية معينة مثلاً برشوة يبقا إنت كدة أخدت حق حد غيرك كان ممكن هو يكون أولى بالحاجة دى لولا فلوسك حسمت الموقف والأمثلة على كدة كتير ، فيه حجز مثلاً لدفعة عربيات والناس مقدمة طلبات تقوم إنت بفلوسك تستلم بدرى وده طبعاً على حساب واحد كان مقدم قبلك . كل اللى فات ده حرام على الراشى والمرتشى والواسطة اللى بينهم لو فيه

قال لو موظف بقا فى مصلحة بيعطلك مصالحك اللى هى حقوقك مش حقوق حد تانى ، عشان ياخد منك فلوس ، يبقا يجوزلك إنك تديله والإثم عليه هو ومش عليك إنت ، بس بشرط إن ده يبقا حقك وإنك مش بتنتزع حد حق ولا بتعطل مصالحه

أنا عايز أوضح بس تعريف الرشوة لأن فى أعضاء قالوا إن الرشوة هى الفلوس اللى بتدفعها عشان تاخد حتى حقك ، يعنى لو المثال السابق بتاع الموظف اللى معطلك وبياخد منك الفلوس دى عشان هو فى موقع قوة ومصلحتك فى إيده يبقا هنا الفلوس دى مش رشوة أصلاً بس بشرط تانى مرة إنك مش بتاخد حق حد ولا دوره ولا وقته

بالنسبة لمخالفة المرور والفلوس اللى بتتدفع عشان تتجنب المخالفات أنا محتار فيها جداً ومش قادر أوصل فيها لحاجة ومش قصد كلامى إنى أقول حرام وحلال ، بس بنقلكم اللى أعرفه عن معنى الرشوة

**M_Nabil** · 16-04-2009 04:29 PM

المشاركة الأصلية كتبت بواسطة abdo_general

بجد انا مع القوانين الصارمة اوي في البلد دي
لانها مش هتتعدل الا بكده

هيه مش القوانين الصارمة اللى بتصلح حال الامم انما بيتصلح حالها بشعبها واكيد لو كانت زى بلدنا العزيزة اللى بتستثنى تطبيقها على بعض الفئات، واكيد انت مش مع القوانين دى ولا انت رأيك ايه ؟

وفي ظل مرتبات الحكومة الزهيدة ماذا تتوقع ان يكون حال الموظفين العمومين فيها ؟ يعنى لو سئلت موظف انت بتاخد رشوة ليه هيقولك عشان اعرف اعيش ان وعيالى في الزمن ده، عشان المرتب اللى باخده يدوب بيكفينى 5 ايام في الشهر يعنى لو الحكومة موافره للموظفين مرتبات تكفيهم سعتها اكيد هتلقى نسبة بسيطة اللى بتاخد رشوة ودول هيكون عندهم فساد اخلاقي و جشع وطمع.

**abdo_general** · 16-04-2009 05:21 PM

لاء اسمحلي يا استاذ نبيل
القوانين الصارمة هي الي تصلح بلد زي بتاعتنا دي
وخصوصا لو عاوز تشوف منظر حضاري في الشارع والعربيات ماشية

هو انا كان قصدي علي قانين المرور

صدقني احنا شعب صعب يمشي علي الصح لوحده لازم يكون غصب عنه

اما بالنسبة للموظفين بص هي عبارة عن دايرة من الحكومة والموظفين والاتنين عليهم نفس المسؤلية
الموظف عارف انه كده كده لو اشتغل او ما اشتغلش هياخد مرتب ثابت فا مش يشتغل لبضمير وبالتالي الانتاج صفر وخسارة فا اكيد مش هتلاقي تديله
وفي نفس الوقت هي مش بتدي فا هو مش عنده حافز يشغله
بس لو نص الدايرة اشتغل صح احتمال الديرة كلها تدور صح

اما بالنسبة للرشوة في المخالفات
اعتقد في قانون صريح بالمخالفات
فكون اي شخص يرتكب مخالفة فا المفروض يدفع قيمتها سواء ماليا او حبس

اما كونه يدفع رشوة كده بياخد حق غير حقه وطبعا دي حرام
من غير كلام

وعلي فكرة انا رائي العقلي مع الناس الي بتقول ان انا ادفع مقابل حق ليا اصلا دي مش مندرج تحت اطار الرشوة

والحالة دي مش مندرجة تحت قانون المرور
او اي قانون

-

-

الموضوع: ما هو رأيك فى ذكر اماكن الرادار و دفع رشاوى ؟

LinkBack

أدوات الموضوع

عرض

-

-

-

-

المواضيع المتشابهه

لو حد عنده فكرة عن اماكن الرادار فى طريق اسكندرية الصحراوى

ارجو المساعدة فى اماكن صيانة الميجان بالمعادى او اى اماكن غير التوكيل .

رشاوى استخراج رخصة القيادة!!!عجبى!!

اماكن الرادار

كل اماكن الرادار فى مصر!!!!!!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة