هات جنيه دهب و أنا أنجحك فى المادة

**lancerevolution** · 15-04-2009 05:58 PM

يا ترى يكون إيه رد فعلك لما تسمع الجملة دى من دكتور مادة إنت شايلها ظلم يعنى حالل كل أسئلتها زى الكتاب ما قال و تشيلها ض و تروحله تسأله يقولك هات جنيه دهب و قدم تظلم و إنت تنجح فيها بإمتياز
انا دمى محروق جدا جدا من الراجل دا الراجل دا تاجر مواشى بعد الضهر و الصبح دكتور فى كلية الهندسة الإلكترونية دكتور إتصالات و بيدى حاسبات فى تربية رياضية مثال لعبد القرش و القرش ذله جدا لأن كل الناس بتكرهه يوم ما هيموت فى ناس هتوزع شربات دا حتى ممكن محدش يروح يعزى فيه حتى

ربنا يشامحه و يهديه

**blazer** · 15-04-2009 06:02 PM

لاحول ولا قوه الا بالله
حسبى الله ونعم الوكيل
احنا عندنا فى الكليه فى ناس واخده مواد رفع راحت عملت تظلم شيلوها الماده
دا غير الكتب اللى مبالغ فى سعرها والله احنا عندنا كتب بيوصل تمن الواحد 80 و 120 جنيه
ولازم تشترى الكتاب لانه بيبقى معاه شيت بتقدمه للدكتور
يعنى من الاخر و رقه بيضه بتقطعها من الكتاب وتقدمها للدكتور عشان متشتلش الماده او تجيب مقبول

**lancerevolution** · 15-04-2009 06:05 PM

حسبى الله و نعم الو كيل

**mood_8210** · 15-04-2009 06:16 PM

منهم لله
عندنا كدة بردو يفضل مشيلك المادة سنتين تلاتة و تشوف انت حليتلو الاسالة بكل الطرق الممكنة فى ال 3 سنين و بردو يوقعك فى المادة بس عداة العيب كل سنة بيزودنى نص درجة فى المادة
بالمناسبة انا نتيجتى قربت دعاوتكم يا جماعة
ياررررررررررررب يا مسهل

**نور القمر** · 15-04-2009 06:22 PM

عادي انا اعرف دكتورفي جامعة الازهر واحدة قريبتي اخدت الماجستير على ايده بصفايح العسل الابيض والزبدة والخرفان لانها كانت عايشه في الصعيد
ولما سافرت اعارة للسعودية الطلبات بقت ذهب وساعات ماركات واجهزة كهربية
طبعا قالت اقعد في بيتنا وبلاها الدكتوراه
هي اللي هتجيبه من السعودية هتصرفه على البيه الدكتور
واللي يعيش ياما يشوف

**kimo-nubira** · 15-04-2009 06:27 PM

بصراحه انا لو منك اجيبله الجنيه الدهب وابلغ الرقابه الادرايه ويمسكوه متلبس

خالي البلد تنضف بقي من الاشكال الضاله ديه

**mood_8210** · 15-04-2009 06:33 PM

المشاركة الأصلية كتبت بواسطة kimo-nubira

بصراحه انا لو منك اجيبله الجنيه الدهب وابلغ الرقابه الادرايه ويمسكوه متلبس

خالي البلد تنضف بقي من الاشكال الضاله ديه

صح عشان كمان اللى زية لما يسمع اللى حصلة يلم نفسة

**lancerevolution** · 15-04-2009 07:53 PM

المشاركة الأصلية كتبت بواسطة kimo-nubira

بصراحه انا لو منك اجيبله الجنيه الدهب وابلغ الرقابه الادرايه ويمسكوه متلبس

خالي البلد تنضف بقي من الاشكال الضاله ديه

و الله عايز أعمل كدا دا كان طالب من طلبة المشروع السنة الى فاتت لاب توب بمواصفات خاصة و يكون ديل مش أى ماركة و الى قبلهم و السنة دى طالب 7 جنية دهب المشكله إن العميد عارف و الوكلا كلهم عارفين بس محدش راضى يعمل حاجة عشان كلهم من قسم واحد إتصالات مع إن العميد راجل تمام و الله و مرضيش حد يجيب أى حاجة فى الحفلة بتاعت المشروع و عملها على حسابه الخاص و كان حالف إن الى هيجيب حاجة حيسقطه مش البنى أدم دا يلا ربنا يهديه و ينتقم من الى خلاه دكتور

**lancerevolution** · 15-04-2009 07:57 PM

المشاركة الأصلية كتبت بواسطة نور القمر

عادي انا اعرف دكتورفي جامعة الازهر واحدة قريبتي اخدت الماجستير على ايده بصفايح العسل الابيض والزبدة والخرفان لانها كانت عايشه في الصعيد
ولما سافرت اعارة للسعودية الطلبات بقت ذهب وساعات ماركات واجهزة كهربية
طبعا قالت اقعد في بيتنا وبلاها الدكتوراه
هي اللي هتجيبه من السعودية هتصرفه على البيه الدكتور
واللي يعيش ياما يشوف

المشكلة فى كلمة عادى الى فى الاول دى هى الى خلت الأشكال دى تتكاثر
بس يا ريت كان ينفع معاه الكلام دا خرفان هو أصلا تاجر مواشى
عسل أبيض و زبدة و حاجات من دى شغال فيهم بردوا دا غير إنه من الصعيد مش عارف إزاى أخلاق زى دى يطلع من الصعيد معظمهم ناس محترمين و كويسين جدا مش عارف دا جاى إزاى

**lancerevolution** · 15-04-2009 07:59 PM

المشاركة الأصلية كتبت بواسطة mood_8210

منهم لله
عندنا كدة بردو يفضل مشيلك المادة سنتين تلاتة و تشوف انت حليتلو الاسالة بكل الطرق الممكنة فى ال 3 سنين و بردو يوقعك فى المادة بس عداة العيب كل سنة بيزودنى نص درجة فى المادة
بالمناسبة انا نتيجتى قربت دعاوتكم يا جماعة
ياررررررررررررب يا مسهل

ربنا معاك و ينصرك ع الظالم و يوقعه فى شر أعماله

الموضوع: هات جنيه دهب و أنا أنجحك فى المادة

LinkBack

أدوات الموضوع

عرض

هات جنيه دهب و أنا أنجحك فى المادة - انشر الموضوع فى :

-

-

-

-

-

-

-

-

المواضيع المتشابهه

ده ردي على كل من يسفه او يقلل ممن قال نعم خوفا على المادة الثانية

ممكن حد يشرح المادة 189 و 189 مكرر و189أ؟

ماهى المادة التى تضاف قبل زيت المحرك

المادة اللتى تتخلط بوقود الطائرات

وجهة نظر في المادة 7 والحديث في السياسة

الكلمات الدلالية لهذا الموضوع

المفضلات

المفضلات

ضوابط المشاركة