الموضوع: BMw 32i or Mercedes C180 - 2009

المشاركة الأصلية كتبت بواسطة farahat

المرسيدس C180 قوتها 156PS يعني أقل من 154 حصان ، و ال-٣٢٠ الشكل الجديد (facelift ) قوتها 170 حصان و عزمها 210 نيوتن.متر لكن التجميع المصري منها 156 حصان .

هي الميزة في ال 320i الكماليات إلي فيها لأن تقريباً فيها كل حاجة ، و ميزة ال-C180 انها هتكون أوفر في المصاريف سواء ترخيص أو بنزين بس ينقصها بعض الحاجات ، لكن لو هتفكر في ال-C200 يبقى أكيد هي أفضل بدون منازع بس فرق السعر كبير لأن ال-320i دلوقتي بتعمل في حدود ٣٣٠ ألف و ال-C200 بتعمل ٣٩٠ ألف تقريباً

معتقدش ان ال180 هتكون اوفر في البنزين
انا شايف ان هيكون نفس المردود ونفس نتيجة ال316 مع استخدام بنزين 92
هيكون استهلاك عالي جدا

المشاركة الأصلية كتبت بواسطة blazer

يعنى هو اغلى بنسبه 50%
و عمره الافتراضى اقل
انا مش بقول انه وحش ولا حاجه
بس هو تكنولوجى عاليه الاحتياج ليها غير ضرورى
والكاوتش مقاس 16/55/205
سعره بيبدء من حوالى 600 جنيه

هو بصراحة الميزة المهمة فيه هي الأمان ، لو لا قدر الله اتعرض لحاجة مفاجأة مش هينفجر ، بس في المقابل هو ناشف جداً ، يعني فيه ميزات و عيوب ذي أي تكنولجي و كل واحد بيختار من التكنولوجي ما يناسبه

المشاركة الأصلية كتبت بواسطة Bassel

معتقدش ان ال180 هتكون اوفر في البنزين
انا شايف ان هيكون نفس المردود ونفس نتيجة ال316 مع استخدام بنزين 92
هيكون استهلاك عالي جدا

هو نظرياً المفروض C180 تكون أوفر عشان supercharged ، و دة في حد ذاته بيزود ال-efficiency بتاعة الموتور و بالتالي المفروض يكون أوفر ، دة غير كمان إن الارقام من مواصفات كل من العربيتين (316i و C180 ) بتقول كدة

المشاركة الأصلية كتبت بواسطة blazer

احنا اكيد بنتكلم على التجميع المصرى لانها هى المتوفره فى السوق
ال 320i ماتورها 156 حصان
الc180 قريت انها 156 حصان مره و مره تانيه 165 حصان

من واقع eltechnical specs من على موقع مرسيدس سواء في مصر أو ألمانيا، المفروض إن C180 Kompressor blue-efficiency موتورها 156 بس أي 153.8 حصان ، قول 154 بس ابقى راضي الرجالة :POINTI~2[2]:

المشاركة الأصلية كتبت بواسطة blazer

بصراحه ال 320i متستاهلش فرق ال 65 الف بينها وبين ال c180
مع ان فيها اوبشن اكتر

أنا معك خصوصاً إن هما نزلوا الموتور القديم في الشكل الجديد و عاملين سعرها ٣٦٠ عشان جديدة ، و دة استهبال رسمي ، بس لو ٣٣٠ في الشكل القديم (طالما نفس الموتور و مفيش فرق كبير حصل في الشكل ) يبة بينها و بين ال-C180 ٣٢ ألف ، أعتقد كدة حلو و المقارنة عادلة .
و متهيألي هي مسألة وقت لحد ما المواتير الجديدة ال-170 حصان تيجي مصر و تركب في ال-320i و ساعتها تبقى فعلاً هي الرابحة