BMw 32i or Mercedes C180 - 2009

**som3aa** · 16-04-2009 04:56 PM

First of all, C180 is leather and BMW is leather, they are the same. Although the BMW seats are made here in Egypt by TAKI. Also, the BMW does not have xenon as standard. I dont know why people are ignoring the fact that the C180 is german and the 320i is egyptian made

لأ الbmw جلد صناعى اما الc180 جلد * قماش مش كله جلد , مرسيدس عندهم جلد * قماش و فى جلد صناعى و فى جلد طبيعى و الجلد الصناعى بينزل فى الc200 و الطبيعى فى الc280 و دا اللى فى منه اللون الطوبى.

فعلا ال320 مفيهاش xenon ك standard , بس فيها حاجات كتير اكتر من الc180 زى الtv function و ال start/stop button و ال sun roof و تشغيل الdvd و الستارة الخلفية الكهرباء و الطارة (الدركسيون) جلد , دا غير انها فيها جلد صناعى مش جلد * قماش و voice control , usb/audio interface و كراسى كهرباء بالmemory بس كدا دى كللل الفروقات.
بس هى دى الفروق و الصراحة انا فى رايى و لا تسوى الفروق دى خالص , فى رايى الشخصى الc180 موتت ال 318 و ال320 , مفيش غير ال316 لما تنزل ممكن تبيع علشان فرق السعر كبير , انما 360 الف يعنى 60 الف فى فروقات بسيطة و لا تسوى اساسا دا غير طبعا مراكز خدمة bmw المقرفة و سعر اعادة البيع اللى فى الارض بعكس مرسيدس , مشكلة وكيل bmw فى مصر انه لازم يعرف السوق ماشى ازاى و يواكب السوق دا فى كل حاجة و اولها الاسعار يعنى مكانش فى غير c200 ب 390 الف علشان كدا كان ممكن يسعر ال318 و ال320 بمزاجه بس لما مرسيدس تنزل c180 156 حصان , المانى 100% و دى تفرق عند ناس انا مش منهم , بجنوط + تليفون (bluetooth) + موتور 156 حصان بيجيب ال100 فى 10.5 ثانية + سعر اعادة بيع محترم جدا + audio 20 زى بتاع الc200 , 280 اللى هو زى الidrive فى الbmw الى منزلش فى ال318 اللى سعرها مقارب لسعر الc180 , دا غير مركز الصيانة احسن 100 مرة و فى مصر بس اسم احسن و presafe و خشب فى التابلوه شايفها مسحت ال318 و فى رايى الشخصى قضت على ال320 كمان اللى نازلة بموتور قديم و فتيس قديم و قال ايه يقولك facelift مغيرلك فى الفوانيس و اى هبل كدا و خلاص!!!!
سعر ال180 بصراحة تحفة و انا اتوقع bmw تنزل سعر ال320 و ال318 جامد عند الموزعين

**mohelsherief** · 16-04-2009 11:43 PM

المشاركة الأصلية كتبت بواسطة som3aa

لأ الbmw جلد صناعى اما الc180 جلد * قماش مش كله جلد , مرسيدس عندهم جلد * قماش و فى جلد صناعى و فى جلد طبيعى و الجلد الصناعى بينزل فى الc200 و الطبيعى فى الc280 و دا اللى فى منه اللون الطوبى.

فعلا ال320 مفيهاش xenon ك standard , بس فيها حاجات كتير اكتر من الc180 زى الtv function و ال start/stop button و ال sun roof و تشغيل الdvd و الستارة الخلفية الكهرباء و الطارة (الدركسيون) جلد , دا غير انها فيها جلد صناعى مش جلد * قماش و voice control , usb/audio interface و كراسى كهرباء بالmemory بس كدا دى كللل الفروقات.
بس هى دى الفروق و الصراحة انا فى رايى و لا تسوى الفروق دى خالص , فى رايى الشخصى الc180 موتت ال 318 و ال320 , مفيش غير ال316 لما تنزل ممكن تبيع علشان فرق السعر كبير , انما 360 الف يعنى 60 الف فى فروقات بسيطة و لا تسوى اساسا دا غير طبعا مراكز خدمة bmw المقرفة و سعر اعادة البيع اللى فى الارض بعكس مرسيدس , مشكلة وكيل bmw فى مصر انه لازم يعرف السوق ماشى ازاى و يواكب السوق دا فى كل حاجة و اولها الاسعار يعنى مكانش فى غير c200 ب 390 الف علشان كدا كان ممكن يسعر ال318 و ال320 بمزاجه بس لما مرسيدس تنزل c180 156 حصان , المانى 100% و دى تفرق عند ناس انا مش منهم , بجنوط + تليفون (bluetooth) + موتور 156 حصان بيجيب ال100 فى 10.5 ثانية + سعر اعادة بيع محترم جدا + audio 20 زى بتاع الc200 , 280 اللى هو زى الidrive فى الbmw الى منزلش فى ال318 اللى سعرها مقارب لسعر الc180 , دا غير مركز الصيانة احسن 100 مرة و فى مصر بس اسم احسن و presafe و خشب فى التابلوه شايفها مسحت ال318 و فى رايى الشخصى قضت على ال320 كمان اللى نازلة بموتور قديم و فتيس قديم و قال ايه يقولك facelift مغيرلك فى الفوانيس و اى هبل كدا و خلاص!!!!
سعر ال180 بصراحة تحفة و انا اتوقع bmw تنزل سعر ال320 و ال318 جامد عند الموزعين

Mr. Som3a,

I own the C180 and i actually got it one month ago. Why are you saying things you are not sure about?? The C180 is leather and i wouldnt have bought it if it wasnt!!!! leh el faty ba2a?

**Mostafa Hessen** · 17-04-2009 12:01 AM

مش عارف بس بحس ان ال C180 الصفقة الأفضل كترخيص واستهلاك وشكل

ودى أذواق

**mido_919** · 17-04-2009 03:43 PM

c180 من غير تفكير يا باشا

**_Khaled_** · 17-04-2009 04:42 PM

المشاركة الأصلية كتبت بواسطة sa3dawy

يعنى هيا المشكلة فى الleather seats ???? خلاص يا عم انتا عربيتك فيها جلد تـــنــيـــن !!!
بس انتا عارف ان ال320i فيها كماليات اكتر صح ؟؟
( الtv function و ال start/stop button و ال sun roof و تشغيل الdvd و الستارة الخلفية الكهرباء و الطارة (الدركسيون) جلد , دا غير انها فيها جلد صناعى مش جلد * قماش و voice control , usb/audio interface و كراسى كهرباء بالmemory
)
والc180k نازلة اصلا علشان تقارن الbmw 318i
والc200k نازلة تقارن الbmw 320i
وهكذا

هو mohelsherief عنده حق لان الموضوع فيه مقارنه ولازم تكون المعلومات صحيحه يعنى مينفعش ان يكون على السمع او الذاكره. و المفروض ان احنا بنستفيد من المنتدى على اعتبار ان الى بيشارك بيكون متاكد من المعلومه. وانا برضه لفت نظرى المعلومه دى لانى حاجز ال c180 وشفتها على الطبيعه.
ده لايمنع و لا يقلل ابدا من المشاركات الممتازه لـ som3a و اضافته الجميله فى مواضيع كتير. هى بس طلعت اوت المره دى :)

انا بقى بختلف معاك فى:
والc180k نازلة اصلا علشان تقارن الbmw 318i
والc200k نازلة تقارن الbmw 320i

والا كانت المقارنه لصالح مرسيدس. هو رينج من العربيات موجود وانت بتختار المناسب ليك من حيث حاجات كتير بتهتم بيها و مختلفه عن اهتمامات ناس غيرك.

والدليل عنوان الموضوع

**sa3dawy** · 18-04-2009 04:40 AM

المشاركة الأصلية كتبت بواسطة _Khaled_

والا كانت المقارنه لصالح مرسيدس. هو رينج من العربيات موجود وانت بتختار المناسب ليك من حيث حاجات كتير بتهتم بيها و مختلفه عن اهتمامات ناس غيرك.

والدليل عنوان الموضوع

هوا مين قالك ان المقارنة لصالح مرسيدس ؟؟؟
القوة ؟؟ الثبات ؟؟ الكماليات ؟؟ الشكل ؟؟ السعر ؟؟

المقارنة بين الc180k وال320i ظالمة .. لان الفرق مش قليل ابدا ... حوالى 60 الف جنية .... ودا سبب كافى ممكن يخليك متجيبش ال320i

على العموم العربية تحفة والف مبروووك .. وان شاء الله لما تستلم متنساش تعملنا تقرير حلو

**som3aa** · 18-04-2009 05:46 AM

Mr. Som3a,

I own the C180 and i actually got it one month ago. Why are you saying things you are not sure about?? The C180 is leather and i wouldnt have bought it if it wasnt!!!! leh el faty ba2a?

بص انا اكتر واحد بكره الفتى و مبحبش اقول كلام غير لما ابقى متاكد منه , ممكن طبعا تطلع معلومة منى غلط اكيد لانى مش نبى كل كلامى صح 100% بس انا شحصيا حريص جدا فى كلامى انى مفتيش او اقول على حاجة انا مش متاكد منها

اولا انا شفت العربية بنفسى و ركبتها فى معرض الاهرام و دى صورة للعربية من الداخل (مش انا اللى مصورها , دى متصورة فى معرض الاهرام)

بص على كرسى السائق , مش الحتة اللى فى انص دى قماش؟؟
بلاش خلينا فى مرسيدس المانيا , العربية كstandard بتنزل Stoff و ترجمة stoff = cloth يعنى قماش!!!
اهو
http://www.woxikon.com/wort/Stoff.php
http://dictionary.reverso.net/german-english/Stoff

يعنى العربية جلد * قماش و لا ايه؟؟؟
و دى صور تانية ليها من mercedes-benz.de

يعنى العربية فعلا زى مانا قلت جلد * قماش !!!

لو سمحت متتهمش حد تانى بالفتى حتى لو معلومة واحدة غلط دا ميخلنيش بفتى , لو عندى معلومة غلط دا مش معناه انى بفتى , لما تلاقى نص كلامى غلط تقدر تقول انى بفتى براحتك

**_Khaled_** · 18-04-2009 01:11 PM

ودى برضه نفس الصور اللى صورها ahegzi لنفس العربيه فى المعرض ومنها الصوره اللى انت حاططها

والصور بتقول الفرش جلد ARTICO

mohelsherief بيقول ان العربيه معاه يعنى لازم يكون كلامه هو المؤكد.

وارجو يا som3a انك ماتزعلش لانه ممكن يكون كان متعصب لما قرأ الكلام ده فى المقارنه. و انا مش معاه انك بتفتى لان كتير جدا مداخلاتك قيمه جدا وممتازه.
وتقبل تحياتى

**SAMEH_FOUAD** · 18-04-2009 01:48 PM

اولا انتوا بتقولوا كلكوا المرسيدس c180احسن من البى ام انا عن نفسى عمرى مابقارنها بعدد الاحصنة خالص عشان اولا لو حد فيكوا دخل كدة وشاف اخبارات الى ام هيلاقى ان كل المؤشرات بتقول ان البى ام افضل من المرسيدس وحتى كمان فى السحب والجرى وانا ممكن ابعتلكوا فيديو بياكد كلامى وبعدين ياباشا المرسيدس مافيهاش تيربو تشارج دة فية نظام الكمبرويسر اللى بيقوم مقام نفس التيربو بس مش بكافاة زية طبعا يعنى لازم تضغط جامد جدا عشان تتطلع قوة الماتور
دة غير ان البى ام الفئة الثالثة واخدة احسن سيارة فى العالم فى عام 2008 متفوقة على المرسيدس حتى بعد نزول الشكل الجديد منها وماكنش لسة نزل الشكل الجديد من البى ام
نيجى بقى لمواتير البى ام:البى ام منزلة مواتير جديدة كليا وهى 316i-318i-320i-325i-330i

اولا محرك 316i:بيخرج 120 حصان عند 5600 لفة فى الدقيقة وعزم دوران 15 كجم
والمحرك دة نازل عندنا احنا بس مابينزلش برة ودة بتاع البى ام القديمة

ثانيا:318i:محرك قوتة 143 حصان عند 6000 لفة فى الدقيقة واقصى عزم 19 كجم عند 4,250 واقصى سرعة يمكن الوصول ليها 230 والتسارع من 100-0 فى خلال 9 ثوانى

ثالثا:320i:محرك قوتة 170 حصان عند 6700 لفة فى الدقيقة واقصى عزم 22 كجم عند 4,250 لفة واقصى سرعة 240 كم والتسارع من 100-0 فى 8,2 ثانية

رابعا:330i:حرك قوتة 272 حصان عند 6,700 لفة فى الدقيقة واقصى عزم 32 كجم عند 2,750 لفة واقصى سرعة 250 كم والتسارع من 100-0 فى خلال 6 ثوانى

وطبعا كلنا عارفين اوبشن البى ام الجديدة مش هتكلم عنة
ودة اختبار بين البى ام والسى كلاس وشوفوا مين اللى فاز فى المقارنة
http://www.whatcar.com/car-comparison.aspx