ما هو الحلو ما يكملش يا بيشو .... ماتنساش انها برضه بـ126 الف كتر خيرها
ما هو الحلو ما يكملش يا بيشو .... ماتنساش انها برضه بـ126 الف كتر خيرها
مكنوش هيدفعوا كتير لو عملوا الحاجتين دول بدل الهيافات اللى مزودينها ب 10 تلاف
والحاجتان مكنوش هيكونوا مكلفين قوى يعنى
الفرق بين اللى ب 116 و 126 على حسب كلام الراجل فى المعرض
126 تزيد
( فتحة سقف ) ( فرش جلد ) ( سمارت كى) طب حد عاقل يقلى أزود 10 تلاف واجيب الحاجات اللى ملهاش لازمة ديه ولا يحط ESC و التحكم من الدركسيون فى الجيربوكس !!! حد يقلى بس عشان هتججن كنت بشد فى شعرى وانا فى المعرض !!!!
طبعا معظم المستهلكين المصريين بيدوروا على المناظر
انا فاكر التويوتا الكورلا 2001 لما نزلت ...هي و الانسر المكوة ...كان ناس كتيرة بتفاضل بين العربيتين بان التويوتا فيها مرايات ضم :ma(30): و الانسر لأ .
مع ان التويوتا كان فيها ايرباج و الانسر لأ مثلا ...
و ماتنساش ان في ناس ما تعرفش ايه فرق الABS من EBD من traction control ن اي حاجة
و للأسف ده سوء تثقيف و سوء في انشاء و تطبيق مواصفات أمان تشيل المهمة دي من على عاتق المشتري
يعنى لو في مواصفات أساسية للأمان ان أي عربية ما تدخلش الا لو فيها حد أدنى من أنظمة الأمان هايمون كل مهمة المستهلك انه ينقى الماركة و اللون و الكماليات (زي اللي بيحصل دلوقتي برضه) بس يكون مطمئن ان اختياره في safe zone
ما هو موضوع الثقافة ده هو اللى بيفرض نفسه على السوق
مثلا يعنى معظم اعلانات الجرايد بتكون مركزة على القفل المركزى و الزجاج الكهربائى و التكييف و الباور و مرايات ضم او بنفس لون العربية و اللى مدلع نفسه بيقول و جنوط سبور و فوجات ..و بالتالى معظم الناس مابيعرفش الحاجات دى و اللى بيعرف الحاجات دى و بيسأل عليها بيلاقيها غالبا فى عربيات فخمة و غالية جدا
و لو الوكيل (زى كيا ) معظم مدى اسعاره من ال 60 لغاية ال 100 الف ملطوش بس فاضى (اخره Air bag) ييجى ينزل عربية فيها معظم عوامل الامان و يقول ب 126 تقوم الناس تقول كورى ب 126 الف !!! يعنى لا ب 83000 نافع (البروتون) و لا ب 93000 نافع (النترا و ان كانت افضاهم من كل حاجة ) و لا ب 96000 نافع (اول السيراتو) و حتى لو نزل صينى فيه كل ده ب 70000 الناس حاتقول صينى ...الحل ايه ؟؟ الله اعلم :B4_611:
مش واخدين بالكم من نتيجة الأستطلاع بتقول ايه ؟؟؟؟؟
يا ريت بقه تحقو الحق وكفاية مبالغة في السيراتو دي عشان انتو كده يعتبر بتضللو الناس اللي معندهاش دراية كافية وبيعتمدو على راي الناس في المنتدى ده ، ومن الاخر الناس بتركب كوري عشان توفر او عشان ممعهاش تجيب احسن من كده ، لكن متوصلش ان الكوري يدفع فيه 126000 وهو اقل من ذلك بكثير ، واللي يدفع 126000 احسنله يكمل فعلا ويشتري حاجه تستاهل . ويا ريت محدش يزعل من كلامي وده اعتقد راي الأغلبية في الأستطلاع.
ياراجل ....يعني انا جايب السيراتو بـ 133 الف جنيه علشان باوفر ؟
على فكرة عندي مازدا 3 حمرا 2008 زيرو أيرو و بتتباع ب 137 الف و صاحب المعرض عايزني أخدها ب 135 .....
ولو عايز رقمه ابعتهولك على الخاص ...اسمه الحاج عادل صاحب معرض رويال اوتوموتيف في المنصورة ...
حضرتك اللي ممكن تبطل فرض رأيك على الناس كل واحد مقتنع بحاجة و بيقول رأيه
و ماحدش بيدحك على حد علشان الناس بتقرا و تسمع و تشوف و "تجرب" يعني ما حدش بينضحك عليه لأننا بنتكلم من أرض الواقع مش من دماغنا
ومشاركاتنا موجهة على العربيات و المواصفات و الحقايق
مش مشاركات تهكم و اتهامات و ضحكات بدون كلام ...مشاركاتنا ليها محتوى و محتوى قيم ....
يا باشمهندس حاول تتقبل ان فيه حاجات ممكن تحسبها و تطلع حسبتك غلط
و مش معنى كده انك تطلع اللي بيعارضك مضلل و بيضحك على الناس
و طبعا اللي قلته لا يغير شيء من أي شئ .....