المشاركة الأصلية كتبت بواسطة Migo123
justs انا معاك تماما في ان سعر السيراتو مبالغ فيه .... والوكيل استغل بذكاء اعجاب الناس بشكل العربية و السمعة الطيبه اللي عملها الوكيل خلال السنتين اللي فاتو.. وبالتالي قدر يعمل اكبر مبيعات لعربيته في ظل الركود اللي بيعاني منه كل الوكلاء .... لو بنكلم عن المقارنه بين المازدا و السيراتو يبقى دي تكسب في حاجات والماذدا تكسب في حاجات يعني السيراتو وكيل وخدمه ممتازه بس قطع الغيار مش رخيصه يمكن اقل من الماذدا بنسبة 10 - 20 % مش أكتر (مع اعتبار انك بتتعامل مع الوكيل وانت مستريح مش هتلف و تدور علشان تلاقيها)
الصالون السيراتو تكسب في الوسع
الشنطه في الماذدا لا تصلح للاستخدام العائلي اصلا في السيراتو كبيره
العمر الافتراضي للسيراتو منقدرش نحكم عليه لان في طفره واضحه في الكوري عموما بس اقدر اقولك بما اني راكب كيا من 6 سنين تقريبا ان العربيه مش هتعمل مشكل قبل ما تعدي 5 سنين او 120 كيلو ودي فتره متغطيه بالضمان ودي فتره كافيه جدا لاي عربيه جديده...
الماذدا لما سوقتها فكرتني بالكورولا يعني ماتوروها حلو جدا وناعم بس الاستابليتي مش جباره ... عاديه جدا ... اعتقد ممكن السيراتو تكسب في الجزئية (متعة السواقه)
خلاصة الموضوع لو واحد مش محتاج عربيه كبيره (صالون وشنطه) في عنده اختيارات كتير من ضمنها الماذدا
لو محتاج عربيه عائليه يبقى السيراتو حلوه مع تحفظي على تمنها المبالغ في وممكن الالنترا تكون البديل بتاعها
وممكن الرومستر للي يعجبه شكلها اعتقد انها افضل.
وممكن A4 لو بتسافر كتير تبقى أفضل وقطع غيارها ارخص من السيراتو كمان
الفئة دي المنافسه في تحير جدا بس كل واحد وله متطلباته ودي اللي بيحسم الاختيار في النهاية