اضافة زيت على شحم بلى بطاحات اللانوس

**mohsen** · 16-04-2009 09:27 AM

لو سمحتوا
فى عفشجية وميكانيكية بيحطوا زيت على شحم بلى البطاحات
على اساس تليين الشحم الى حولين البلى وتسهيل لف الدركسيون
وفى منهم الى بيحط زيت موتور وفى الى بيحط زيت باور وهكذا
ياترى الكلام ده صح وينصح بيه ولو صح نحط زيت ايه والكمية اد ايه

ولكم جزيل الشكر

**ahmedsrs** · 16-04-2009 04:02 PM

مش عارف بس شكله كده اشتغالات المفروض تحط شحم

**lakany** · 16-04-2009 10:37 PM

سؤال هو وضع الشحم ده بيكون اول لما نغير البطاحات بس ولا ممكن فى اى وقت

و اذا كان ممكن بيحتاج البطاحات تتفك و لا و هى راكبه

**Ahmed Selim** · 17-04-2009 12:14 AM

معلوماتى بتقول أنه أحسن أنك تشحم البطاحات كل فترة كبيرة.....بس مش ضرورى

الشحم مع الوقت بينشف و بالتالى كفاءة البطاحة تقل و ممكن تبوظ.

مش عارف لازم البطاحة تتفك فى كل أنواع العربيات ولا لأ.

و موضوع الزيت ده أول مرة أسمع عنه.

**A.samy** · 17-04-2009 07:33 PM

المشاركة الأصلية كتبت بواسطة ahmedsrs

ممكن تحط شحم لو حسيت انه فى تزييق جاى من البطاحة وده سهل جدا بتفك الغطاء الى فوق وده راكب كبس املاء الغطاء شحم وركبه تانى مكانه

الغطاء اللى فوق دة فين
اللى هية الكاوتش اللى فوق البطاحة
وممكن ان اعملها ولا محتاجة عفشجى

**Sherif Khalifa** · 17-04-2009 07:46 PM

ممكن تحط زيت فعلا
بس المشكلة الى هتحصل ان الكبايات الى تحت البطاحة هتلاقيها معجنة من كتر الرمل الى مسك فى الزيت الى اتسرب ليها

**toshipa** · 17-04-2009 07:56 PM

اللى انا اعرفه انه الشحم مش هيوصل للبلية اللى فى البطاحة بهذه الطريقة
لابد من فك البطاحة وبعدين يتم تشحيم البلية
ده فى حدود علمى ومشاهدتى
والاخوة سوف يشاركونا فى هذا الموضوع

**MMamdouh** · 18-04-2009 06:50 PM

ممكن البلية تتشحم من غير فك البطاحة... انت محتاج فقط تفك الغطا البلاستيك اللى فى البطاحة من فوق بمفك عهادة و تكبس شحم جوة البطاحة و تركب الغطا تانى

MMamdouh

**toshipa** · 18-04-2009 08:54 PM

لاكلام بعد كلام الاستاذ محمد ممدوح
طالما قال نه يوصل فسوف اعمل بالنصيحة واحط شحم عشان احافظ على البلى
وسؤالى للاستاذ ممدوح
لما الكفتجى حكيم واخوه حمدى اللى قرات عنوانه هنا ورحت له وبوظ عفشة النوبيرا لما فك الغطاء لم الاحظ اثار شحم هل لانه نشف بفعل الزمن لان العربية كانت اول مرة يتعملها شغل عفشة ولا ايه
واحب ان اطمنك بانى رحت للحرامى المذكور بعد ما لفيت على اكثر من 15 عفشجى وميكانيكى واجمع الكل بان ارجع المساعدين والسوست والبطاحات اللى ركبهم لانهم بايظين وهو كان فاككهم من عربية عفشتها بايظة ورميت له الحاجة بتاعته واخدت فلوسى اللى دفعتها وقلت له شوف مهنة اخرى اشتغل فيها
والمفاجاة ان رحت لميكانيكى فى شارع المساكن من ش العشرين فى فيصل فك العفشة كلها وكشف على كل شئ واخبرنى بان المساعدين بتوعى ممتازين ولن اشترى الا جلب فقط
وقام بعمل اللازم بضمير ورحت زبط زوى والعربية رجعت ماشاء الله زى الفل
بس الميكانيكى الحرامى كان حاطط جلب فورد للمقصات والميكانيكى ده سالته هتشترى جلب ايه قال هاشترى حاجتها لم يوافق على جلب الفورد

وشوفته وهو بيشيك على كل شئ قبل تركيبه واول مرة اشوف جلب البطاحات وهو بشحمها ووجدتها بلية مبططة مختلفة فى الشكل عن بلى العجل سمكها لايتعدى 1سم

-

الموضوع: اضافة زيت على شحم بلى بطاحات اللانوس

LinkBack

أدوات الموضوع

عرض

-

-

-

-

-

المواضيع المتشابهه

كيفيه اضافة الكتاوت لفوانيس اللانوس

كيفيه اضافة الكتاوت لفوانيس اللانوس

بطاحات

بطاحات و لا إيه.....؟؟؟؟؟

بلي و بطاحات

الكلمات الدلالية لهذا الموضوع

المفضلات

المفضلات

ضوابط المشاركة