قطع غيار الموتوسيكلات الياباني

**CRX** · 16-04-2009 02:23 PM

أنا فوجئت بأسعار قطع الغيار المستفزة جداً

وحابب انحنا نتشارك فيها، ولو حد عنده فكرة بتتجاب منين؟ وايه أرخص الأماكن؟

من باب "إسأل ملسوع ولا تسأل تاجر"

**CRX** · 16-04-2009 02:25 PM

مشكلتي مع قطع الغيار الآتي:

أولاً: قطع الغيار حتى للموديلات المشهورة جداً Cbr 250 & 400 ساعات بتبقى مش موجودة،، فما بالك بالموديلات اللي مش مشهورة؟؟

ثانياً: لو موجودة تبقى مش أصلية!! حتى في أبسط الحاجات (البوجيهات مثلا)

ثالثاً: لو أصلية وجديدة تبقى غالية نااار ولو مش غالية تبقى مستعملة.. ولو مستعملة تبقى على حسب حالتها وبرده غالية

**CRX** · 16-04-2009 02:29 PM

جيبت طرومبة بنزين مستعملة بس أصلية بـ 400 جنيه بعد الفصال وكانت بـ500 الأول

وجيبت حنفية البنزين بـ 200 جنيه !!!

وجيبت بوجيهات NGK ياباني بـ 130 ما قعدتش شهرين شعلة واحدة

بس لقيت بوجيهات Denso تايلاندي بـ 120 ويمكن أفضل لإنها شعلتين

وكان أخونا ديابلو بيدور على فردة كاوتش أمامي وهوا كمان اترعب من الاسعار

ياريت لو يقولنا جابها ولا لسه ولقاها بكام؟؟

**werwerfwe** · 16-04-2009 03:51 PM

موضوع كويس وشكرا ليك فى انتظار اراء الجميع

**Diablo** · 18-04-2009 02:00 AM

السلام عليكم اخوكم ديابلو جه طبعا حكاية الاسعار دى انا اتلسعت كتير منها المهم فى واحد عرفته موجود فى السيدة بيجيب المكن ويقطعه انا اشتريت منه جوان وش السلندر ب 150 الاصلى مستعمل طبعا واخده من مكنة اخت بتاعتى لما روحت سالت عند ناس تانية لقيتها ب 300 جنيه وبالنسية للكاوتش الخلفى اقل سعر للتايوانى لقيتها ب 800 جنيه بس ماشتريتش لانى اكتشفت ان الكاوتش عتدى مش ممسوح بالنسبة لمكن تانى لقيت الكاوتش فيه مفهوش خطوط من كتر المسح ولانى مكنتى خربت بيتى فانا عارضها للبيع نظرا للحالة المادية

**CRX** · 20-04-2009 04:47 PM

لو حد يقدر يفيدنا عن افضل زيت يتحط للمكنة ايه؟؟؟

وهل الموبيل 1 مناسب للريس؟

ولو حطيت موبيل 1 برده أغيره بعد 8000 - 10000؟ ولا أقل؟

أرجو الافادة!!

**ZXR** · 20-04-2009 09:14 PM

بوص مفيش حد
جرب زيوت للموتوسيكل زي
افضل شيء

وانا شايفه مناسب

زيت كالتيكس ب 40 جنيه تقريبا

انا بحطه واغيره بعد 1000كيلو

ممكن بعد 2000

بس الافضل انك تغيره كل 1000 عشان تريح الماتور

وصدقني بلاش تجيب موبل وتحوطه وتغيره كل 8000 لان ماتور الموتوسيكل

غير السياره وبيحصل فيه حرق اكتر بكتير ومتنساش ان اغلب

السواقه وانت ماشي بتبقى ماشي بتحرق وطاير يعني مش زي العربيه

الي اغلب الوقت ماشي براحه

سلام

**CRX** · 20-04-2009 11:16 PM

ألف شكر يا Zxr

إجابة شافية وافية ..

طب معلش سؤال كمان..

بلاحظ ان المساعدين الاماميين دايما فيهم زيت والزيت نازل على الجانط والكاوتش وكده.. هيا مش عاملة مشكلة بس مش عارف هل الزيت ده طبيعي كده.. اعتقد لأ..

وهل دا عايز أغير قلب المساعد .. ولو تعرف بكام لمكنة Cbr 400

وشكراً

**ZXR** · 21-04-2009 12:49 AM

لا قلب مساعد ولا يحزنون
حتغير الجلدة الي هيا عباره عن غطى للمساعد

تلاقيه انتهى خلاص وعايز يتغير
ويعمله في حدود 50 جنيه الجلدتين هو عباره عن غطى كده
مش عارف اسمه ايه بالمصري اوي بس عند اي اكسسورات
اشتريه وغيره عند اي ميكانيكي مش حياخد وقت واديله 10 جنيه ولا 20 مصنعيه