ممكن تساعدوني بخبرتكم كي اتقن القيادة

**evoo90** · 18-04-2009 02:12 AM

انا ماليش فى المانيوال قوى بسبب حادثه كده بس انا اعرف ان العربيه تتمور وانتى نازله من الكوبرى او ماشيه على طريق سريع والعربيه واخده سرعه عشان العربيه تستريح
وميكانيكيا يفضل تموير العربيه كتير عشان حركه التروس الكتيره دى بتديها فرصه اكبر فى التزييت وكمان الترس بيستريح عشان مايبقاش متعشق على طول وبيريح الحمل من عليه شويه

**bee** · 18-04-2009 02:15 AM

المشاركة الأصلية كتبت بواسطة نور العمر

لما أدخل يوترن أدخل وأنا ممورة واللا عادي بس أدوس دبرياج
وأنا طالعة كوبري
وأنا نازلة
ممكن مسائل فنية تساعدني

لو الطريق واقف هتفضلي واقفه شوية على ما العربيات الي قدامك تتحرك .. موري واستني لما العربيات تبدأ تتحرك وعشقي وتوكلي على الله ..
لكن لو اليوترن سالك دوسي دبرياج بس وانتي بتلفي ..
بس انا ليا رأي لو تعملي بيه..
اتعودي تروحي مكان فاضي مفيهوش عربيات وتهدي بالعربية من غير ما تدوسي دبرياجهتلاقي العربية بدأت تكركر وبعدين تكركر جامد وبعدين تقف ..
اعملي الحركة دي كذا مرة هتساعدك تعرفي امته تدوسي دبرياج وهو وقت بداية حدوث الكركرة .. لان فيه مفهوم غلط وهو اننا بندوس دبرياج عمال على بطال وده غلط وبيحمل على الاسطوانه ..
لما تتعودي على الي بقولك عليه وانتي بتلفي والطريق سالك غالبا مش هتدوسي اصلا دبرياج ولو احتجتي هتكوني ريحتي بس على الدبرياج او دستي عشان تجيبي نقلة اقل ..

بالنسبة للكباري وانتي طالعة لازم تدي غيار عزم .. يعني الاول لو انتي كنتي واقفه وهتطلعي و التاني لو كنت ماشية بطئ عشان عزم العربية ميقلش منك وانتي طالعة
وبالنسبة للنزول طالما ماشيه على مهلك خليكي على الغيار بتاعك طالما صوت العربيه معلاش عشان العربية تكون محكومة تحت رجلك واوعي تموري وانتي نازلة كوبري ابداااااااا ..

وبالتوفيق

**mahmoud_magdy** · 18-04-2009 02:18 AM

وانتي داخله على يوتيرن موري احسن
وهدي شويه شويه بحيث انك تقدري تخلي العربيه ماشيه وفي نفس الوقت سرعه هاديه
وبعد كدا بعد ما تلفي هاتي التاني وتوكلي على الله
وعلى الكوبري امشي بسرعتك العاديه ولو حصل لا قدر الله الكوبري وقف وده اكيد بيحصل
حاولي تكوني متزنه جدا لان دا بيكون من الاختبارات الصعبه ويمكن اصعبهم
طبعا لما هتقفي هتجيبي الاول وتطلعي عادي جدا بس حاولي بسرعه اكبر من السرعه العاديه
عشان العربيه متنزلش على العربيه اللي وراكي :)
وانتي نازله من الكوبري متهديش اوي وبردو متجريش اوي لكن خدي سرعة الطريق اللي انتي ماشيه عليه
شكرا
اتمنى يكون كلامي صح !!!

**evoo90** · 18-04-2009 02:23 AM

المشاركة الأصلية كتبت بواسطة bee

اوعي تموري وانتي نازلة كوبري ابداااااااا ..
وبالتوفيق

ممكن توضح ايه الغلط فى كده ؟؟؟

**merosss** · 18-04-2009 02:31 AM

المشاركة الأصلية كتبت بواسطة evoo90

ممكن توضح ايه الغلط فى كده ؟؟؟

عشان كدة بتلغى ما يسمى engine break وبالتالى العربية هتقف اعتمادا على فراملها فقط واساسا على المنزل سرعة العربية بتزيد لوحدها بسبب القصور الذاتى بتعها وعشان كدة لاقدر الله لو الفرامل راحت منك تقوم تنزل بالغيار عشان تقلل سرعة العربية مستخدما engine break

**gebreel** · 18-04-2009 02:45 AM

حمد الله على السلامة يا فاندم و المهم انك سليمة العربية هتتظبط بكلام فاضي ان شاء الله و متظبطيش حاجة دلوقتي لغاية متتقني السواقة

و في حاجة انا شوفتها مع اهلي و اصحابي و معايا انا شخصيا ان اي حد بيسوق لازم هيتعلم عليه في حادثة ده زي ختم السواقة الابدي و حالة الرهبة دي طبيعية لاكن متسبيهاش تتحكم فيكي لانك ممكن تكوني سويقة و تعملي حادثة عادي لاكن المهم تاخدي بالك كويس

انا مش هقول كلام غير اللي اخواتي هنا قالوه استخدمي اشاراتك و مراياتك دوول مش اكسسوار مع العربية و خصوصا المراية و اربطي حزامك و امشي على مهلك خالص اي حد يقلب نوور ولا يدي كلالكس في اقرب حتة و ارميه ... وسعيله خليه يمشي في طريقه و كملي انتي طريقك و ثقي في انك تقدري تسوقي يمكن تكوني في الاتقان بتاع السواقة لسة مش قوي بس كووووووووووول اللي بيسوقو في الشوارع دوول كانوا في يوم من الايام زيك و انا ائيد كلام الاستاذ اللي بيقولك انك تنزلي تسوقس ساعة ساعة و نص كدة تاخدي على العربية اقولك على تجربة مع اختي كانت تنزل حصة السواقة و اخدها بعدها على عربيتها تفصل منها و تاخد مطبات و تبهدل الدنيا مع الحصة و ساقت أول حادثة عملتها كانت مع اتوبيس نقل عام:k48: و عدت و العربية بقت زي الفل و هي اتجرئت و بقت تسوق كويس جدا دلوقتي و اتمنى لك التوفيق ان شاء الله

**Mostafa Hessen** · 18-04-2009 03:03 AM

المشاركة الأصلية كتبت بواسطة bee

مبروك مقدما ع العربية
والحمد لله انك بخير بعد الحادئة ثانيا

نخش في ثالثا بقه

اي قيادة آمنة في الدنيا ليها شروط ميختلفش عليها اتنين زي ايه نقول زي ايه :

1-او حاجه تعمليها لما تركبي العربية حتى قبل ما تدوري تربطي حزام الأمان ولو فيه عطل او مش موجود لازم تصلحيه او تشتريه لانه مهم جدا جدا جدااااااااا ..

2-تتأكدي ان العربية ممورة يعني مش آخده غيار .. ويفضل تعودي نفسك تدوسي دبرياش قبل ما تدوري عشان حتى لو العربية آخده غيار متمشيش وتخبط اي حاجه قدامك لا قدر الله ..

3- قبل التحرك بالعربية وأثناء التسخين التأكد من ان المراية الداخلية والمراية الجانبية مظبوطين والرؤية فيهم مظبوطة يعني يكونوا كاشفين جمبين العربية والطريق وراكي ..

وقبل ما تطلعي تبصي في المراية وحتى لو ملقتيش حد عودي نفسك على الاشارات .. ليه بقه .. عشان تبقى عادة عندك وعشان فيه اوقات تبصي في المراية مش بتلاقي حد ومرة واحده تلاقي حد عدى من جمبك وتقولي ايه ده جه منين .. بيكون في مكان اسمه النقطة العمياء ودي مش بتظهر في المراية العادية .. عشان كده معظم العربيات الحديثة المراية الجانبيه فيها جزء فيه خط بالطول وبعده زاوية الرؤية بتكون مختلفة عن باقي المراية عشان تكشف النقطة العمياء .. فبنبهك تاني لازم تدي اشارة وتبصي كويس في المراية ..

4-بعد كده لما تطلعي ع الطريق كان نفسي اقولك خليكي ع اليمين .. بس بمااننا في مصر هقولك حاولى دايما تنكوني ع اليمين طول ما الطريق مفتوح لكن لو منطقة كلها ميكروباصات وكده خليكي ع الشمال عشان متتلبخيش بانك تتفادي اي سواق ميكروباص يقف قدامك مرة واحده .. ومهما حد زمرلك متتخضيش وافتكري دايما ان الشارع ملكك انتي كمان لكن في حدود الادب بمعنى اني امسك جمب ومليش دعوة بحد لكن مش امشي في الوسط واقول مليش دعوة ..

5-حاولي دايما تشغلي قرآن هيهديكي .. ولو بتسمعي أغاني متعليهاش ع الاقل دلوقتي عشان تركزي .. وانا انصحك بفيرووووز .. وصفة سحرية بجد في الهدوء ..
ولو جالك تليفون اركني على جمب وادي انتظار واتحركي بنفس الخطوات السابقه بعد ما تقفلي التليفون .. اوعي تتكلمي وانتي سايقه .. ومتفكيش الحزام حتى لو مش ماشيه وراكنه طول ما انتى جوا الحزام مربوط..

6-لو حصل ولقيتي اتنين بيشدوا مع بعض وغرز وحركات ملكيش دعوه واعتبري انهممش موجودين وخليكي في الطوالي الي انتي ماسكاه .. حتى لو حسيتي انه هيخبطك هدي بشويش مكتبسيش فرامل وخليكي في خط مستقيم دايما ..
وافتكري دايما قبل ما توقفي العربية تبصي في مرايتك ان مفيش حد لازق وراكي لو فيه هدي وادي انتظار لحد ما الي وراكي يهدي وبعدين اديله اشارة للناحية الي هتركني فيها

دول شوية نصايح ع الماشي وربنا يوفقك وزي ما استاذ سمير قالك كله بالتعود ..

ربنا يوفقك

كلام تمااااام

تفبل تحياتى

**bee** · 18-04-2009 11:35 AM

المشاركة الأصلية كتبت بواسطة meshmesh78

كلام تمااااام

تفبل تحياتى

شكرا لذوقك ..
وتقبل تحياتي

-

-

الموضوع: ممكن تساعدوني بخبرتكم كي اتقن القيادة

LinkBack

أدوات الموضوع

عرض

-

-

-

-

-

-

-

المواضيع المتشابهه

ممكن تساعدوني ؟؟

لــــكل ملاك الأوبل أدخلوا شاركوني بخبرتكم موضوع ممكن يفيدنا لو هاينفع يتنفذ صح :)

ممكن تساعدوني في النوبيرا

ممكن تساعدوني

يا جماعه ممكن تساعدوني لاني حاسس اني ممكن اتقلب

الكلمات الدلالية لهذا الموضوع

المفضلات

المفضلات

ضوابط المشاركة