صوت زنه فى دريكسيون البيتلز

**ihab** · 21-04-2009 11:07 AM

المشاركة الأصلية كتبت بواسطة ahit

إيهاب باشا واحشنى بجد و الله
أنا عندى بوش بسيط و أوقات خبط فى المطبات و لما سالت على علبة دركسيون 1302 لقيتها جديد 1300 فما فوق و إستيراد 700 جنية !!!!!!!!!!!!!
فقولت البوش مفيش أحسن منه و الخبط يا عينى عليه !!!!!!!!!!!!!!!!

و كفاية أوى إن العربية فيها دريكسيون

احمد باشا حسن واحشنا كثير و الف سلامة للوالد
بالنسبة للبوش هو مفيش قلق منه طالما بسيط بس المشكلة انك لما بتيجى تعدى من وسط عربيتين و انت على سرعة عالية شوية و المسافة محكومة بتبقى صعبة شوية
و ربنا يستر علينا جميعا ان شاء الله

**ابوهاشم** · 21-04-2009 04:02 PM

حصلت مفاجئه ماكنتش اتوقعها
بعد ماغيرت البليه وقولت كده خلاص مشيت وتانى يوم وانا رايح الشغل لقيت صوت الزنه رجع تانى وواضح جدا مع السرعه العاليه بعد ماخلصت شغلى روحت راجع على الحاج محمد على وقولتله صوت الزنه رجع تانى شوف البليه اللى ركبت بايظه ولا ايه
كشف على العجله سليمه ومافيهاش حاجه
وبعد فحص دقيق فى العربيه تفتكرو بقى الزنه دى كانت منين
والله انا ماكنت مصدق ولا متوقع هههههههههه
من عداد السرعه اه والله وطبعا علشان هو خلف الدريكسيون على طول
كان اقرب احتمال بالنسبه ليا
طبعا هو فك العداد وزيته وزيت الخرطوم بتاع السرعه ومشيت ولقيت الحمد لله الصوت راح بس طبعا قولت اصحح العيب هنا علشان الكل يكون عنده خلفيه للموضوع ده

**ahit** · 21-04-2009 04:53 PM

شكراً يا هاشم على التوضيح
بس هو زيت إيه بالظبط فى العداد؟ و زيته بزيت عادى ولا نوع معين؟

**amo400** · 21-04-2009 06:38 PM

هاهاهاه طول عمرك دمك خفيف يا احمد وحشتنى والله ايه اخبارك مع جمال

**Ahmed Mubarak** · 21-04-2009 07:45 PM

اخى العزيز ahit انا لقيت سعرها استيراد المانى ب 400 ج عند عاطف الصيرفى فى احمد سعيد

**ahit** · 21-04-2009 08:26 PM

المشاركة الأصلية كتبت بواسطة amo400

هاهاهاه طول عمرك دمك خفيف يا احمد وحشتنى والله ايه اخبارك مع جمال

و الله و إنت واحشنى أكتر يا أيمن , و معلش مقصر فى السؤال عليك لكن غصب عنى بجد.
و جمال من فترة ماروحتلوش و الله لأنه للأسف ماطلعش جدع معايا فى موقف لا يمكن أنساه طول حياتى !!!

**ahit** · 21-04-2009 08:28 PM

المشاركة الأصلية كتبت بواسطة M_O_B_I

اخى العزيز ahit انا لقيت سعرها استيراد المانى ب 400 ج عند عاطف الصيرفى فى احمد سعيد

ربنا يباركلك يا بوحميد
بس دى 1302 ولا 1300 ؟ و يا ريت تتأكدلى الله يكرمك
لأن اللى أعرفه إن 1302 و 1302 غالية جداً و مش عارف ليه يعنى !!!

**ابوهاشم** · 21-04-2009 08:56 PM

المشاركة الأصلية كتبت بواسطة ahit

شكراً يا هاشم على التوضيح
بس هو زيت إيه بالظبط فى العداد؟ و زيته بزيت عادى ولا نوع معين؟

هو زيت الخرطوم اللى فيه سلك السرعه اللى جاى من العجله وركبه وزيته بزيت عادى
وعلى فكره يااحمد باشا فى حاجه مهمه
الحاج محمد على موصينى اعتزرلك بالنيابه عنه فى الموقف اللى حصل معاك وبصراحه الراجل حلفلى انه وقتها كان عنده عربيتين شغال فيهم هو وعمرو واصحاب العربيات كانو قاعدين ومستنيينهم وخلصو شغل الساعه 12 بالليل وماكنش ينفع انه يسيبهم ويجيلك
طبعا اا مش بقولك رأيى انا بوصلك رساله وعليك تقدير الموقف

**WAEL_WAHBA** · 29-04-2009 11:13 PM

ممكن سوال
بلي العجل اللى قدام تمنه كام وايى اضراره
لانى بشك فى اللى عندى

**ابوهاشم** · 30-04-2009 12:39 AM

المشاركة الأصلية كتبت بواسطة WAEL_WAHBA

ممكن سوال
بلي العجل اللى قدام تمنه كام وايى اضراره
لانى بشك فى اللى عندى

استاذ وائل
اهلا بيك معانا فى نادى الفولكس
بالنسبه للعجله الاماميه بيكون فيها بليتين داخليه وخارجيه وسعرهم 45 جنيه
اضرارهم انه هما اللى ماسكين العجله ولما بيكونو متاكلين بتحس بصوت ونه
فى العربيه وانت ماشى بسرعه وعند الملفات تسمع صوت طقطقهجاى من العجل
والسكوت عليهم غلط وخطر ياريت تروح تكشف عليهم
ونتمنى نشوفك فى مقابلتنا يوم الجمعه

الموضوع: صوت زنه فى دريكسيون البيتلز

LinkBack

أدوات الموضوع

عرض

-

-

-

-

-

-

-

-

المواضيع المتشابهه

للخبراء فى البيتلز( تعديل البيتلز)

يا رجالة البيتلز هى البيتلز ادفع فيها 20 الف جنية

دريكسيون 405

علبة دريكسيون

دريكسيون لانسر 99

الكلمات الدلالية لهذا الموضوع

المفضلات

المفضلات

ضوابط المشاركة