تقصير مشوار الدبرياج ؟؟

**SeiffoZ** · 17-04-2009 03:15 AM

هل من الممكن تقصير مشوار الدبرياج؟؟؟ أصلى المشكلة بضغط على الدبرياج بحس إن بضغط مسافة 3 كيلو :pointi~2[2]:
طب هل ليه مشاكل ؟ أسيبه كده أحسن يعنى؟؟؟
و يتكلف كام ؟ و يتعمل فين؟؟

**Abdo_Eldesokey** · 17-04-2009 04:57 AM

أكيد طبعا ً ينفع ... والي يظبطلك الموضوع ده العفشجي

**caysersosaih** · 17-04-2009 11:33 AM

في صامولة قدام ناحية الدركسيون دي بتعلي وتوطي مشوار الدبرياج راكبة علي عمود حديد ممكن تعملها بنفسك

**sab3aawy** · 17-04-2009 11:51 AM

بالنسبة لأى من العربيتين اللى انت حاطط ماركاتهم فى التعريف بتاعك(رجاء للجميع ان نتذكر دائما ذكر ماركة وموديل السيارة لأن التصميمات والمشاكل تختلف من سيارة لأخرى) فيمكن تقصير مشوار الدبرياش ببساطة والموضوع ممكن يمعمله اى حد عنده ادنى خبرة فى السيارات، بالنسبة لل 131 سلك الدبرياج له صامولة فى نهايته من تحت من عند الفتيس(يمكن الوصول لها من اسفل السيارة من عند العجلة الشمال) يتم لفها فى اتجاه الفك لتقصير مشورا الفتيس، كما توجد صامولة اخرى من اعلى عند نطقة دخول السلك لكابينة السيارة(هتلاقيه جنب ماستر الفرامل على الشمال داخل كبوت العربية) يمكن ايضا لفاها لضبط مشوار الدبرياج)، اما بالنسبة للفلوريدا فستجد مثل هذة الصامولة عند نهاية سلك الدبرياج عند الفتيس ويمكن الوصول لها من اعلى السيارة من الكبوت عند الفتيس، لو مش عارفها افتح الكبوت وقف امام الفانوس الأيسر واطلب من شخص انه يدوس الدبرياش ويسيبه وشوف فين الحتة اللى بتتحرك هتعرف منها فين نهاية سلك الدبرياج، لف الصامولة دى فى اتجاه الفك لتقصير مشوار الدبرياج، نفس الكلام بالنسبة لل 131، لو معرفتش انهى سلك هو اللى بيتحرك افتح الكبوت وقف عند العجلة الأمامية اليسرى وطلب من حد انه يدوس دبرياج ولاحظ الحركة او الانتفاضة بتحصل فى انهى سلك وامشى معاه

**samirayad** · 17-04-2009 12:03 PM

برضه عاوز أضيف أن تحديد مشوار دواسة الدبرياش يكون بحدود.......مع عدم توطية الدواسه بطريقه أزيد من اللازم لعدم تقليل العمر الأفتراضى للدبرياش وتآكله بسرعه........وحدوث مايسمى بتفويت الدبرياش (أنزلاق القابض )

**SeiffoZ** · 17-04-2009 03:22 PM

المشاركة الأصلية كتبت بواسطة sab3aawy

بالنسبة لأى من العربيتين اللى انت حاطط ماركاتهم فى التعريف بتاعك(رجاء للجميع ان نتذكر دائما ذكر ماركة وموديل السيارة لأن التصميمات والمشاكل تختلف من سيارة لأخرى) فيمكن تقصير مشوار الدبرياش ببساطة والموضوع ممكن يمعمله اى حد عنده ادنى خبرة فى السيارات، بالنسبة لل 131 سلك الدبرياج له صامولة فى نهايته من تحت من عند الفتيس(يمكن الوصول لها من اسفل السيارة من عند العجلة الشمال) يتم لفها فى اتجاه الفك لتقصير مشورا الفتيس، كما توجد صامولة اخرى من اعلى عند نطقة دخول السلك لكابينة السيارة(هتلاقيه جنب ماستر الفرامل على الشمال داخل كبوت العربية) يمكن ايضا لفاها لضبط مشوار الدبرياج)، اما بالنسبة للفلوريدا فستجد مثل هذة الصامولة عند نهاية سلك الدبرياج عند الفتيس ويمكن الوصول لها من اعلى السيارة من الكبوت عند الفتيس، لو مش عارفها افتح الكبوت وقف امام الفانوس الأيسر واطلب من شخص انه يدوس الدبرياش ويسيبه وشوف فين الحتة اللى بتتحرك هتعرف منها فين نهاية سلك الدبرياج، لف الصامولة دى فى اتجاه الفك لتقصير مشوار الدبرياج، نفس الكلام بالنسبة لل 131، لو معرفتش انهى سلك هو اللى بيتحرك افتح الكبوت وقف عند العجلة الأمامية اليسرى وطلب من حد انه يدوس دبرياج ولاحظ الحركة او الانتفاضة بتحصل فى انهى سلك وامشى معاه

شكرا جزيلا على الرد الوافى .
و أفضل إن الميكانيكى يعملها و أشوفه بيعمل إيه عشان مابوظش حاجة