السلام عليكم
من خبرتى فى اللاب توب مفيش ماركة احسن من ماركة على الاطلاق و لكن ده حسب الاستعمال والمحافظه -بس المهم ما يكونش ماركة مش معروفة خالص- وبالتالى يا اخى العزيز لازم تشوف انت عاوز امكانات ايه فى جهازك و تقارن كل ماركة بالنسبة لامكانياتها مع السعر فمثلا
1- انت عاوز بروسيسور ايه انتل ولا AMD وثنائى النواة ام رباعى النواةام البروسيسور العادى و ده اهم شىء لان الفرق فى السعر هنا كبير.
2- الرامات متهيألى متجيبش كمبيوتر اقل من 2 جيجا
3- كارت الشاشة لو كنت هتستعمل جرافيك كتير او حتى شوية ترفيه زى الالعاب الجديدة احسن كروت الشاشة هى N-Vidia وبعدها ممكن ATI Radeon و بعدها Intel .
اما الكماليات التانية كلها فتعتمد على مواصفات الثلاثة السابقين و ممكن تتداركها يعنى لو مساحة الهارد مش كبيرة انت ممكن تجيب هارد خارجى وهكذا
وبالتالى شوف انت محتاج ايه واختار على حسب ما ترى من امكانات الجهاز وبالطبع سعره مهم جدا والماركات التى انت ذكرتها كلها ماركات قوية و لا غبار عليها
نصيحة اخرى مفيش حد بيجيب لاب توب لما لا نهاية يعنى لازم هتغير فى يوم من الايام وبالتالى اشترى لاب توب يغطى احتياجات لمدة 5 سنين على الاقل و بعدها تقييم الموضوع مرة تانية هاتغير و لا لسه ماشى معاك و ربنا يهديك للاحسن دائما و لا تنسى الاستخارة
نسيت اقولك احسن مكان تشترى منه هو المكان اللى بعرض تبديل الجهاز بالكامل فى حالة حدوث عطب فى الجهاز ناتج عن عيوب الصناعة وليس من محل صغير يعنى مثلا ممكن كارفور او اى مول كبير له سمعة كويسه
المفضلات