العربية يا جماعة جننتني ، فيها رعشة غريبة بتشتغل لما أكود جايب ال D و دايس فرامل و العربية واقفة أو مركب أي غيار و العربية واقفة (العربية لانسر 2003 أوتوماتك )
يا ريت لو حد يعرف حاجة عن المشكلة دي يفدني ، و شكرا .
عرض للطباعة
العربية يا جماعة جننتني ، فيها رعشة غريبة بتشتغل لما أكود جايب ال D و دايس فرامل و العربية واقفة أو مركب أي غيار و العربية واقفة (العربية لانسر 2003 أوتوماتك )
يا ريت لو حد يعرف حاجة عن المشكلة دي يفدني ، و شكرا .
غير قاعدة الفتيس :)
نفقس المشكلة فى الكيا سيفيا 99 بس مش جامد اوى ,المرايات بتتهز جامد
أنا كان عندى نفس المشكله كان السبب الجنط اليمين معووج ومش باين غير على ماكينة ترصيص أو ممكن فردة الكاوتش فيها جنب عالى وجنب واطى فى نفس الكافر
جنط اية بس الراجل بيقولك العربية واقفة
واضح أن الرعشه دى بسبب حدوث خلل فى كنترول المكنه وقت السلانسيه.......وبالذات مع تعشيق الفتيس الأوتو........لأنه بيكون واضع السيلكتور سويتش على الوضع D بمعنى فيه نقل حركه للتورك كونفرتر بتاع الفتيس ......_ ونظرا لأننى مش عارف شكل المحرك.......ولكن كتحليل نظرى ....المشكله هو تواجد خلل فى عملية التحكم.....على أساس المفروض وحدة التحكم تقوم بتزويد فتحة بلف الأيدل وتزويد زمن ضخ البنزين لتعويض الفقد المسحوب من المكنه وقت السلانيه بعد تعشيق الفتيس..................._ وأعتقد الخلل ده ملوش دعوه حاليا بنظافة بلف الأيدل (لأن المكنه مابترعش لو الفتيس مفصول على الوضع Nأو P )- وحاليا ينصح بنظافة الأتصال الأرضى لوحدة التحكم والبطاريه لرفع كفاءة عملية التحكم........وبالنسبه لنظافة بلف الأيدل أو البوابه فلن تخسر شيئا....وده أجراء صيانه وقائى والمفروض بيتعمل حتى لو الأمور بتسير على الوجه الأكمل .....علشان كده ممكن يتعمل برضه لأن ده وضع صيانه وقائى عادى كما سبق وبينت........_ ولكن الخلل الأساسى فى جودة التحكم...................._ طبعا كل الكلام على أساس أن المحرك حقن ألكترونى كامل.........هذا والله أعلم
ممكن تعللى الايدل بتاع العربية شوية و تجرب كدة
وإن شاء الله حتدعيلى
نفس المشكلة لا حظتها ايضا في لانسر 2002
ولللعلم هي كربراتير مش حقن
اكشف على قواعد الموتور والفتيس والشداد ممكن تكون فيهم قعده مكسورة أو شداد مكسور
كانت بتحصل معايا ساعات وكانت العربية متبرجلة بسبب ان الكهربا مش متظبطة والرشاشات برضو لو مش نضيفة ممكن تعمل الموضوع دة وكذلك أى مشكلة فى المكنة بتأثر على الأحتراق او عدد لفات الموتور ، وبتبان اكتر والrpm واطى
الرعشة دى أشبة بالعربيات القديمة وهيا واقفة تلاقيها بتترجرج كدة لكن لو زودت بنزين العربية بتتظبط وكان بيبقى حلها انك تعلى العربية شوية
منا كنت بقول العربية عاوزة تعلى شوية
عليها شوية من مسمار الاكساراتير و جرب
دة موضوع بسيط جدا
وجرب
هل الانسر المكواة والبومة فيها مسمار اكسلتير لتعلية المحرك
دى اكيد قواعد وممكن انت تكتشفها بنفسك عن طريق تجربه صغيره
هاتستعين بشخص معاك لمتابعه حركة الموتور من خلال حوض السياره
حضرتك بعد تشغيل الموتور اضغط على الفرامل والفتيس فى وضع p والهاند بريك يكون مرفوع
ابداء بابعاد رجلك عن الفرامل تمام و تغيير وضع الفتيس من p الى R وهنا حاول ملاحظه شده حركة الموتور (وباردوا فرامل اليد مرفوعه )
هاتابن اكتر مع تغيير الفتيس من وضع R الى D مباشرتا والعكس مع مراعاة عدم الضغط على الفرامل وباردوا تكون فرامل اليد مرفوعه
من خلال العمليه دى لو لقيت الموتور بيتحرك جامد الى الامام والخلف مع اصدار صوت تخبيط
هنا بيكون العيب فى قواعد الموتور والفتيس
ويارب اكون قدرت اوصلك طريقه عمل التجربه دى
وفى حاله انها قواعد انت عندك 3 قواعد موتور فى العربيه اتنين بتقدر تشوفهم بعنيك من غير ما تفك اى شىء واحده باسفل الريداتير والتانيه اخر الموتور من تحت بالضبط تحت ABS او المكان الخاص ب ABS لان عربيتك مافيهاش ABS
والقواعد دى مش غاليه بس تغييرها بصراحه حوار وبياخد ع الاقل 5 ساعات فى تغييرها
والله اعلم
ولو انت قريب من المهندسين ممكا اقابلك فى اى وقت وافيدك