رعشة جامدة في اللانسر

**MaaG** · 17-04-2009 04:36 PM

العربية يا جماعة جننتني ، فيها رعشة غريبة بتشتغل لما أكود جايب ال D و دايس فرامل و العربية واقفة أو مركب أي غيار و العربية واقفة (العربية لانسر 2003 أوتوماتك )
يا ريت لو حد يعرف حاجة عن المشكلة دي يفدني ، و شكرا .

**Ahmad** · 17-04-2009 06:06 PM

غير قاعدة الفتيس :)

**Ahmed_shebl** · 17-04-2009 07:08 PM

نفقس المشكلة فى الكيا سيفيا 99 بس مش جامد اوى ,المرايات بتتهز جامد

**ahmed_h_g** · 17-04-2009 07:14 PM

أنا كان عندى نفس المشكله كان السبب الجنط اليمين معووج ومش باين غير على ماكينة ترصيص أو ممكن فردة الكاوتش فيها جنب عالى وجنب واطى فى نفس الكافر

**samirayad** · 17-04-2009 09:43 PM

واضح أن الرعشه دى بسبب حدوث خلل فى كنترول المكنه وقت السلانسيه.......وبالذات مع تعشيق الفتيس الأوتو........لأنه بيكون واضع السيلكتور سويتش على الوضع D بمعنى فيه نقل حركه للتورك كونفرتر بتاع الفتيس ......

_ ونظرا لأننى مش عارف شكل المحرك.......ولكن كتحليل نظرى ....المشكله هو تواجد خلل فى عملية التحكم.....على أساس المفروض وحدة التحكم تقوم بتزويد فتحة بلف الأيدل وتزويد زمن ضخ البنزين لتعويض الفقد المسحوب من المكنه وقت السلانيه بعد تعشيق الفتيس...................

_ وأعتقد الخلل ده ملوش دعوه حاليا بنظافة بلف الأيدل (لأن المكنه مابترعش لو الفتيس مفصول على الوضع Nأو P )

- وحاليا ينصح بنظافة الأتصال الأرضى لوحدة التحكم والبطاريه لرفع كفاءة عملية التحكم........وبالنسبه لنظافة بلف الأيدل أو البوابه فلن تخسر شيئا....وده أجراء صيانه وقائى والمفروض بيتعمل حتى لو الأمور بتسير على الوجه الأكمل .....علشان كده ممكن يتعمل برضه لأن ده وضع صيانه وقائى عادى كما سبق وبينت........

_ ولكن الخلل الأساسى فى جودة التحكم....................

_ طبعا كل الكلام على أساس أن المحرك حقن ألكترونى كامل.........هذا والله أعلم

**ahmed_h_g** · 17-04-2009 10:12 PM

المشاركة الأصلية كتبت بواسطة caysersosaih

جنط اية بس الراجل بيقولك العربية واقفة

أسف مخدتش بالى

**Ahmed_shebl** · 18-04-2009 11:57 AM