ايه المشكلة لو رشيت رفرف او اكصدام فى عربية موديل 2008؟

**mahmoudzaied** · 18-04-2009 03:07 AM

انا كنت عايز اعرف
لما عربية موديل 2008 ترش رفرف او باب او اكصدام
دا بيأثر فى سعرها ولا لأ؟
وايه المشاكل اللى ممكن تحصل بسبب رش قطعة معينة فى العربية؟

يا ريت حد يفيدنى

**mecho_392** · 18-04-2009 03:11 AM

تمن العربية بينزل طبعا.. لان اللى هيشوف جزء مرشوش هتبقى دى حجته و هيقولك انا اعرف منين يمكن تكون عملت حادثة جااامده مش رشة بسيطة او نضافه. نصيحتى ليك لو حاجه بسيطة سيبها هتبقى افضل لو ناوى تبيع قريب او لو هى بسيطة مش مبهدلة منظر العربية. و ربنا يسترها معانا

**mrghost** · 18-04-2009 07:56 AM

المشاركة الأصلية كتبت بواسطة mecho_392

تمن العربية بينزل طبعا.. لان اللى هيشوف جزء مرشوش هتبقى دى حجته و هيقولك انا اعرف منين يمكن تكون عملت حادثة جااامده مش رشة بسيطة او نضافه. نصيحتى ليك لو حاجه بسيطة سيبها هتبقى افضل لو ناوى تبيع قريب او لو هى بسيطة مش مبهدلة منظر العربية. و ربنا يسترها معانا

+111111111111
وممكن تتباع وهى مخبوطه كده بتمن اعلى لو عملتها وعرف الشارى انك رشتها كمان لان هتبقى قدامه كل حاجه
انا عندى الشاهين بقالها حوالى 5 سنين ومليانه خدوش كتير جدا ومش عاوز ارشها نظافه حتى علشان كده

**A.Saad** · 18-04-2009 08:28 PM

طيب لو اكصدام اسود واترش لون العربية
هل ينطبق نفس الكلام

**أشرف العدوي** · 17-05-2009 01:02 PM

[quote] تمن العربية بينزل طبعا.. لان اللى هيشوف جزء مرشوش هتبقى دى حجته و هيقولك انا اعرف منين يمكن تكون عملت حادثة جااامده مش رشة بسيطة او نضافه. نصيحتى ليك لو حاجه بسيطة سيبها هتبقى افضل لو ناوى تبيع قريب او لو هى بسيطة مش مبهدلة منظر العربية. و ربنا يسترها معانا
[/quote]

[marq="2;up;3;scroll"]
و الله انا كانت عندني نفس المشكلة بس توكلت على الله و رشيت العربية كلها ما عدا السقف
و لما اجي ابيع يبقى الي يشتري يكشف عليها في التوكيل يشوفها عامل حادثة و لا لاء
اصل بصراحة انا مش مقتنع بحكاية الرش من برة يقلل تمن العربية من جوة ماشي يقلل تمن العربية زي ما هو عايز لكن برة مش قادر أقتنع بيها انا عارف انه واقع و بيحصل بس مش مقنع خالص
انا ليه امشي بعربيتي مبهدلة مع اني ممكن امشي بيها زي الفل ؟ علشان احافظ عليها للي هيجي يشتريها بعدي يبقى راكب عربية فابريكة برة و جوة
انا حاسس ان دي اشتغالة اخترعوها التجار علشان يقللوا تمن العربيات الي بيشتروها
ده انا مرة روحت اتفرجت على عربية اوبل فيكترا 97 صاحبها كان بيقولي انها فابريكة برة و جوة ما رشتش برة خالص و بيقولي و هو فرحان
روحت شوفتها و الله شكلها يقرف
و الي هيشتريها اكيد هيرشها لانه مستحيل يمشي بيها كدة ده البوية مجيرة و مفقفقة من الشمس

انا لو منك اتوكل على الله و أرش و امشي بعربيتك نظيفية احسن
و بعدين ده احنا ماشين في بلد العجائب تلاقي جميع وسائل المواصلات كلها ماشية مع بعض
تريلات و مقطورات و عربيان نص نقل و تك تك و موتسيكلات و فزب و عجل و عربيات كارو و ناس ماشية في الشارع و عوائق طبيعية في الشوارع
الحاجات دي كلها تخلي اجدع عربية و اجدع سواق يرش العربية من برة
[/marq]