vectra 2000 cc moled 97

**A.Elsheikh.01** · 18-04-2009 05:19 PM

ابو علاوى باشا الرساله وصلت وانا متأخرش ديما على اى حد من هنا :)
بص ياباشا انت ممكن تتصل بيا على رقمى وحدد معايا معاد ونتقابل وان شاء الله لو فيه نصيب ليك فى لعربيه ان شاء الله تبقى من نصيبك

**MohamedGafar** · 18-04-2009 05:50 PM

إزاي بقي يا علاوي باشا؟ ده أنت أستاذ فعلا

ربنا يوفق الجميع لما يتمنوه

تحياتي

**Ahmad Allawy** · 18-04-2009 07:10 PM

تسلم يا احمد بك يا كبير..
و محمد بك جعفر.. ربنا يكرمك..

**ENG\AHMED** · 18-04-2009 07:54 PM

المشاركة الأصلية كتبت بواسطة Ahmad Allawy

يا اهلا بيك يا محمد بيه..
يعني جعفر بك قام بالواجب و زيادة..
بس احب اعقب بشوية حاجات بسيطة..
سعر المعرض ده حاجة من 2.. يا اما هو موقعها بسعر قليل قوي من صاحبها.. و في الحالة دي.. هو بيبيعها بسعر قليل عشان برضه هو كسبان.. يا اما العربية حالتها مش تمام قوي..و عشان كده سعرها قليل شوية..
..

حتى لو المعرض شاريها بسعر قليل وهى حالتها كويسة هيبيعها بسعر السوق علشان يعلى مكسبة
لو هنتكلم على المقارنة بينها وبين النوبيرا فمتقارنش احسن دى حاجة ودى حاجة تانية

استهلاك البنزين :انت كان معاك 504 موتور 2.0 كاربراتير , عربية بقالها 30 سنة فاستهلاك بنزين اية اللى بنتكلم فية :)
اكيد استهلاك الفكترا احسن بس لو كنت بتحط 80 فى البيجو فى الفكترا جيبك هيوجعك شوية علشان فرق سعر البنزين

موضوع السحب فالفكترا ال 2.0 معروفة حتى الاوتو منها .. مش هنتكلم عن المانيوال علشان كان فى واحد معاة 2.0 مانيوال موضوع تانى خااالص

اهم حاجة الكشف والحالة علشان لو تعبانة متفرحش بالسعر علشان هتزعل اوىىى بعدين :)
اشترى حالة نضيفة حتى لو اغلى , بس هتبقى اوفر قدام

**helmy537** · 19-04-2009 07:51 AM

والله انتوا هتودونا فى داهيه بسبب الاسعار دى ياعم احمد يارجاله ارفعوا السعر ل 6000 الف و70الف حسب الحاله اشمعنى العربيه دى الى بتتهاونوا فى سعرها ده من انضف العربيات
انا ضغطى على

**Ahmad Allawy** · 19-04-2009 12:13 PM

السبب حاجة واحدة..
انك لو عايز تبيع.. مش هتعرف.. علي الاقل دلوقتي..
وزي ما قولتك قبل كده مش كل اللي معاه اوبل مقدرها و عارف قيمتها..
في ناس بتبقي خايفة تخسر فيها اكتر من كده بترمي عربياتها باسعار وحشة..
وناس تانية. بينضحك عليها و بتبيع باسعار قليلة..
وفي ناس بتبقي مضطرة..و بتببيع بسعر قليل عشان تخلص..
كل دي عوامل بتأثر ف السعر و تنزلة شوية..

**loays** · 19-04-2009 12:58 PM

على فكرة هو دة سعرها فى السوق 45 لأن أنا معروض على عربيتين نفس الموديل و حدة فابريقة بلكامل والتانية رشة برة بس مركب جنوط وزينو بنفس السعر 45

**MohamedGafar** · 19-04-2009 02:02 PM

المشاركة الأصلية كتبت بواسطة loays

على فكرة هو دة سعرها فى السوق 45 لأن أنا معروض على عربيتين نفس الموديل و حدة فابريقة بلكامل والتانية رشة برة بس مركب جنوط وزينو بنفس السعر 45

ياااااه هي سعرها نزل قوى للدرجة دى؟

لا حول ولا قوة إلا بالله العلي العظيم.

**ENG\AHMED** · 19-04-2009 07:44 PM

ملحوظة بس
مش معنى انها فابريكة بالكامل ان حالتها نضيفة لأن بلاحظ ناس بتحكم على العرية انها نضيفة اذا كانت فابريكة برة انما لو رشة تبقى لأ
وارد جدا عربية راشة برة وحالتها انضف من عربية تانية فابريكة

**belbesy** · 20-04-2009 02:49 AM

ربنا يخليكم يا جماعه

شكرا على نصايحكم الغاليه دى

عموما انا هقولكم التفاصيل

انا رحت انا ووالدى للراجل واتصل بصاحب العربيه وجت
وركبت العربيه ومشيت بيها
والماكينه ناعمه جداااااااااااااااا وعزم ماشاء الله قوى جداااااا

والعربيه فعلا من جوا ماشاء الله كويسه جدا
بس باين ان صاحبها مهمل فيها
لانى جيت اقفل الباب على نفسى لقيت اليد متلخلخه مش هاين عليه يربطها وهوا رايح يفرجها لزبون

المهم قالى دى موديل 96 مش 97 والعربيه رشت برا وعمرها مااتخبطت منى

طبعا انا قلتله لحظه واحده هتصل بواحد ييجى يشوفها
اتصل بجارنا سمسار جه واتكلم وفتح اوى ورسم نفسه انك استاذ
وقال انا الكل ف الكل انا اللى هقبضكم والناس دى بتركب بس وغشيمه ف كله
وانا طبعا عصرت على نفسى ليمون وسكت لان انا اللى جايبه

بس انا لاحظت ان الموضوع فيه فبركه شويه
يعنى هوا كل اللى عمله بص على قوايم العربيه والشنطه لا بص ف عفشه ولا فحص ولا اى حاجه
قالى كويسه واتكلم هوا مع الراجل وقالو 45 على بركه الله
يعنى شكله واكل

العربيه كان فيها عيب الراجل صارحنا بيه

فى جوانين مفكوكين بتخلى العربيه بتنقط زيت كتير
بس دى بسيطه جدا وهعملها قبل ماتخدوها
ودفعنا عربون
وصاحب المعرض قالى انتو هاتولى الفلوس وانا هسلمكو العربيه فبريكه يوم الثلاثاء

بس بصراحه العربيه داخله دماغى قوى

هوا قال هيعملها عند واحد ف الزقازيق مش عارف اسمه ابو زيت ولا ايه

هياخدها ف الزقازيق يملى التكييف ويركب الجوانين

ملحوظه العربيه 4 فرد كاوتش جداد بعض الشىء والاستبن بردو
وفيها جنوط 15

ورخصه سنتين

ايه راى الخبراء ف كده ؟

الموضوع: vectra 2000 cc moled 97

LinkBack

أدوات الموضوع

عرض

-

-

-

-

المواضيع المتشابهه

Vectra a or Astra 2000 plz help tanaybasha

Opel Vectra 96 - 2000 CC Automatic ECOTEC

Opel Vectra B GLS 2000 1600c.c

vectra b 2000 2.0 16v technical manual

Opel Vectra 2000 CC for sale

الكلمات الدلالية لهذا الموضوع

المفضلات

المفضلات

ضوابط المشاركة