تحذير من عدم تغيير سير الكاتينة

**shamsman** · 18-04-2009 10:23 PM

للاسف بعد شراء عربيتى منذ سنة "ريجاتا 86" قمت بتغير اشياء كثيرا جدا ولكنى لم اغير سير الكتينة ولاسف الاسبوع الماضى حدثت المشكلة انقطع سير السيارة مما ادى لى تلف الصبابات. وبدل ماغير السير فقط ب 35 جنيه دفعت 200 جنيه لخراط وش السلندر غير الجوانات غير مصنعية الميكانيكى 100 جنيه .
حتى بعد كل هذا بعد تركيب وش السلندر اتضح حدوث تسريب للمياه والزيت من جوان وش السلندر والعربية كل شوية تسخن جدا والمياه تنقص بشدة. والميكانيكى يزعم ان اجوان ردىء فقط وبعد فترة سوف يحدث تطبيع والله اعلم.
الخلاصة تحذير شديد اللهجة لكل مشترى سيارة مستعملة او لم يغير سير الكاتينة من فترة حاول تغييره فى اقرب وقت يريت بكرة او بعد بكرة حتى لا يحدث لكم مثلى.:K_crying[1]:

**tmedhat** · 18-04-2009 10:47 PM

عندك حق طبعا
غرامة لا على البال ولا على الخاطر

**m7nsh** · 18-04-2009 11:45 PM

معلش حصل خير

و للأسف محدش بيتعلم ببلاش :)

اهم حاجه انك الحمد لله سليم اى حاجه تانيه مش مشكله

**dr_abooody** · 19-04-2009 12:44 AM

هو سير الكتينة بيتغير كل كام كيلو

**maka** · 19-04-2009 04:18 AM

المشاركة الأصلية كتبت بواسطة dr_abooody

هو سير الكتينة بيتغير كل كام كيلو

كل 40000 بس اضمن غيره كل 35000

**abo_hosni** · 19-04-2009 08:49 AM

احنا بتوع القديم (جلابية و عمة الزي الرسمي لسائق الـ504) :) مواتير قديمة low compression و non-interference لو السير اتقطع العربية هتقف و خلاص لأن البستم في مشواره مش بيوصل للصبابات و هي مفتوحة
إنما معظم المواتير الأحدث بتكون interference engines يعني لو البستم طلع و الصباب مفتوح (في حالة انقطاع أو خلل في ضبط سير الكاتينة) هيخبط و يعمل كل الأضرار اللي بنسمع عنها

و شكراً على التحذير و بصراحة نظراً للمواضيع اللي شفتها في المنتدى أصبحت أحذر كل واحد أعرفه من الموضوع ده خاصة لو شاري عربية مستعملة و ما يعرفش السير اتغير امتى آخر مرة