سخونة شديدة بعد عمرة الموتور
انا امتلك عربية ريجاتا ولسة عاملها عمرة ( طقم شنبر وبساتم ) العربية مكنتش بتسخن قبل العمرة..... بعد العمرة بتسخن اوى لحد غليان الميه فى الاربة ..... انا مركب شبكة بمروحتين للريداتير .... كشفت على الريداتير وطلع مش مسدود ولا حاجة والاربة مفيهاش تسريب والترموستات غيرتها اربع مرات وبرده العربية بتسخن .... الي بيحصل العربية اشغلها يعنى ادور الموتور وهى واقفه لحد ما تسخن وتشتغل الترموستات والمروحة تشتغل وفعلا تنزل درجة الحرارة وتتوقف المروحة لحين ارتفاع الحرارة مرة اخرى وتشتغل مرة اخرى وهكذا وتبقى اخر حلاوة ولكن ده لما بتبقى العربية شغاله وهى واقفة بس.. لكن لما اخدها مشوار تبدأ تسخن وتشتغل فعلا الترموستات والمراوح ولكن برده السخونة فى ارتفاع الى ان تصل الى الغليان وحينها تكون المروحة ساكنة تماما ولا تتحرك مع ان امبير الحرارة فوق 100 درجة مئوية.. رحت كشفت على طرمبة الميه لقتها شغاله بس صوتها عالى شوية
والتاكيهات كشفت عليها عند ميكانيكى تانى غير الي عملي العمرة وقالى ان التاكيهات مش محملة ولا حاجة ... وناس وصفولى الغاء الحساس او الترموستات الداخلية الي بتكون موجودة فى كوعة المياه التى بها ثلاث فتحات لخراطيم التبريد وفعلا لاغيتها خالص ومازالت السخونة مستمرة
ارجوا ان تفيدونى فى مشكلتى .. ولكم جزيل الشكر